Jeremiya 32:21 - Bhiblia Yo Sawuleka

²¹ u to humisa vathu vako va Israyeli ngu ditikoni ka Egipta ngu sikombiso ni sixamaliso, ngu dianza da mtamo di nga nawulutwa, ni kuxamalisa ko thisa.

Jeremiya 32:21 Referans Kwoze

Dhewuteronome 26:8

Se Mkoma a to hi humisa ditikoni ka Egipta ngu dianza da mtamo, ni diwoko do nawulutwa, hagari ka kudhuka ka hombe, kumweko ni sikombiso ni sidiwukiso;

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Masalmo 105:43

Se txi humisile vathu va txona va di tsakile vasawuleki va txona va txi peka mikulungwani.

Masalmo 105:37

Txizimu txi humisile vathu va txona, va di rwate silivhela ni nzalama ku ti si nga ho wo lwala hagari kwawe.

1 Makronika 17:21

I mani a kuho wo fana ni vathu vako va ka Israyeli, ditiko dimwedo dwe ha mafuni, avale Txizimu txi nga va txhatxhisa ditikoni ka Egipta, kasi ku ti mahela ditina ngu mithumo yo thaviseka, ngu kututumisa matiko masoni ka vathu vako, kani?

1 Vafumeli 8:42

(nguko va na pfa ngu ditina dako da hombe, ni dianza dako da mtamo, ni diwoko dako do nawuluka), se a txi ta khongela ka yiya nyumba.

Dhewuteronome 4:34

Mwendo njizimu txokari txi nga duketa kuya teka vathu hagari ka vamwani vathu, ngu mithumo ni sikombiso, ni sixamaliso, ni kulwa ngu dianza do tsana, di nga guleka ni mithumo ya hombe yo thisa ku nga totshe tile Mkoma, Txizimu txako, a nga ti maha ditikoni ka Egipta, na anu mi txi ti wona kani?

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Eksodha 13:9

Txi nava i di txialakanyiso manzani kwanu, ni ha mbanza kwanu, kasiku Mlayo wa Mkoma wu txi zumba sisofuni kwanu; nguko Mkoma a mi humisile ditikoni ka Egipta ngu dianza da mtamo.

Eksodha 6:1

Sekoko Mkoma a to khene ka Mosi: “Konkuwa, u na wona ti ni no maha ka Faro, nguko ngu mhaka ya mtamo wa dianza dangu, ene a na va leka va txi tsula, ni mhaka ya mtamo wa dianza dangu a na va tutumisa ditikoni kwawe!”

Dhewuteronome 7:19

Sikarato sa hombe, asi maso ako ma nga si wona, sikombiso ni sidiwukiso, asile dianza do tsana ni diwoko do nawulutwa, adile Mkoma, Txizimu txako, a nga kuhumisa ngu dona. Mkoma, Txizimu txako, a na mahisa toneto ngu vale vathu u va thavako!

2 Samuwele 7:23

I mani a kuho wo fana ni vathu vako, wo fana ni va ka Israyeli, vathu va i ku vokha ha mafuni, ava Txizimu txi nga va tirula ku va vathu va txona kani? Kambe a ti mahete ditina, se e mi mahela simaha sa hombe so thaviseka ditikoni kwako, masoni ka vathu vako, avale awe u nga va humisa Egipta, ngu kuthavisa matiko ni sizimu sa ona kani?

Eksodha 3:20

Ngu mhaka yeto, ni na nawuluta dianza ni txi peka ngu dona ditiko da Egipta, ngu sixamaliso sotshe ni no si maha kwawe; msana ka toneto ngu kona ene a no mi leka mi txi tsula.

Dhewuteronome 11:3

ni sikombiso sakwe, ni mithumo yakwe yi ene a nga yi maha ka Vaegipta, ni ka Faro, mfumeli wa Egipta, ni ka dotshe ditiko dakwe;

Isaya 63:12

wule diwoko dakwe do dhundeka, a nga maha ti to di tsimbila ka dianza da txinene da Mosi kani? A nga abanisa mati masoni kwawe, kasi ku ti mahela ditina da kwa mbi gwita kani?