Jeremiya 32:10 - Bhiblia Yo Sawuleka

¹⁰ Ni to bhala dipapilo da mxavo, ni txi di tsanisa na ni di ni tifakazi; sekoko ni to pima male txikaloni.

Jeremiya 32:10 Referans Kwoze

Jeremiya 32:44

Va na xava tithembwe ngu male, ve bhala mapapilo a mxavo, ve ma tsanisa, ve dhana tifakazi, amu ditikoni ka Bhenjamini ni madhawani ka Jerusalema, ni madhoropani ka Judha, ni ka madhoropa a mimangoni, ni madhoropa a tibalani, ni madhoropani ka mswa-ditambo; nguko ni na wuyisa vo ñolwa, kuwomba Mkoma.

Jeremiya 32:12

ni to henjeleta dipapilo da mxavo ka Bharuke mwana Neriya, mwana Mahaseya, masoni ka Hananeli, mwana tatanyani wangu, ni masoni ka tifakazi ti ti nga sayina dipapilo da mxavo, ni masoni ka votshe Vajudha vava va nga ti khalahatshile dizumboni ka vawoneleli.

Jeremiya 32:25

Mkoma Txizimu, hambi ti di ngeto, u ti nga khawe kwangu. Ti xavele thembwe yiya, uva ni tifakazi, kuve didhoropa di ningetwe manzani ka Vakalddheya.

Isaya 44:5

Awuwa a na khene: Ani ni wa Mkoma; awule a na ti dhana ngu ditina da Jakobe; se awule mmwani a na bhala ngu dianza, taku: Ani ni wa Mkoma; se txibongo txakwe, a na teka ditina da Israyeli.

Jobe 14:17

Wuhambunyeti wangu wu lemilwe amu ka disaka, se awe wa sengeletela wubihi wangu.

Dhewuteronome 32:34

Ina totshe tiya kha ta veketwa ngu ngani, kha ta siswa amu ni sisako kona suma sangu kani?

Mtuletelo 9:4

Humbi yiya yi to gelwa ti to yi si dyi mwasi wa ha mafuni, hambi tximilwa txihi ni txihi txi hanyako, hambi mindonga; tsena kuyela vathu va va nga mbi vekwa txixambanyo txa Txizimu timbanzani kwawe.

Mtuletelo 7:2

Ni woni yimwani ngelozi yi txi huma ngu wutxani, yi di ni txixambanyo txa Txizimu txi txi hanyako. Yona yi to kwangula ngu dipswi da hombe ka mune wa tingelozi ti ti nga ningwa mtamo wa kuonha mafu ni linene, yi txi kha yona:

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Vaefesu 1:13

Nananu, ngako mi nga engisa dipswi da ditshuri, i ku Evhangeli ya kuhanyiswa kwanu, ngako mi nga kholwa ka dona dipswi dile, mi bhatwe ngu txixambanyo txa Moya wo Sawuleka, wu nga ti thembisilwe,

2 Vakorinto 1:22

Txona ngu txona txi nga hi veka txivango ngu txixambanyo txa txona, txi txi zima timbiluni kwathu sitsaniso sa Moya.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Johani 3:33

Awu a amukelako wufakazi wakwe wa tsanisa ti to Txizimu txi thembekile.

Dhaniyeli 8:26

Se txiwoniso txa mixo ni txa minova, txile txi nga wombwa, nja ditshuri; awe koko, lema txiwoniso, nguko msana ka masiku amangi txi na hetiseka.

Isaya 30:8

Tsula koko konkuwa, u txi ya bhala tiya aha ka dipulango, masoni kwawe, kambe ti bhale amu ka dibhuku; kasi ku ti zumba ti di bhatwe, ka mbimo yitako, ngu ha ku si gwitiko, kala kupinduka.

Ndando ya Tindando 8:6

Ni veke nga txitambu mbiluni kwako, ni txi nga txitambu diwokoni kwako, nguko lirando li ni mtamo kufana ni lifo, ni wukwele wu karata kufana ni dithitha dituro da kona di fana ni dituro da mndilo, di hisa kufana ni titshatsha ta Mkoma.

Joxuwa 18:9

Va to tsula koko, vavamna vale, veya tsimbila-tsimbila ve bhaletela otshe madhoropa, ve ma abanisela ngu mtxawa wa mtxhanu wa syavelo ni simbidi, amu ka dibhuku; ngu msana va to wuya ka Joxuwa, kona wugoveloni ka Silo.

Matewu 27:66

Sekoko vona va to veka vawoneleti ha diyivani, ve tsanisa dirigwi ngu txixambanyo.

Genesisi 23:16

A di ti pfite eto Abrahamu ngu ka Efroni, Abrahamu a to mpimela male ya silivhela, yi a nga yi womba masoni ka vanana va Heti, ya 400 wa maxekele a silivhela, male yi nga ti ti thumiswa ka vaxavisi.

Genesisi 23:20

Ngu toneto, ngu vanana va Heti, ku to tsaniswa ka Abrahamu kulumbwa ngu thembwe, ni diphala di di nga ti ti ka yona, kuva wukhalo wo tshotshela kona vafi.

Rute 4:1

Se Bhowazi a to tsula habanzani, a txi ya khalahatsha kona; wona taku, awule wa mtiruli a nga ti wombawombile ngu ngene Bhowazi, a ti ti pinda, se a txi m'gela ku khene: “He mawe, ngono ngu kheno, se hi nga khalahatsha hawa.” Se a to jika a txi ya hale eya khalahatsha.