Jeremiya 31:5 - Bhiblia Yo Sawuleka

⁵ U nga txi na phaya sivhina mimangoni ka Samariya; ava va phayako va na dya mihando ya kona.

Jeremiya 31:5 Referans Kwoze

Amosi 9:14

Ni na thavisa wukhumbi wa vathu vangu va ka Israyeli, kambe va na aketa madhoropa o xaselwa, se va na zumba ka ona, ve phaya mivhinya, ve sela vhinya ya kona, ve phaya mipeto ya mindonga, ni kudya mihando ya kona.

Dhewuteronome 28:30

U na wuta msikati aniko mmwani wamwamna a na otela nayo, u na aka nyumba kambe khu na mbi zumba ka yona; u na dima u txi phaya mivhinya, aniko khu na mbi dya mihando ya kona.

Mika 4:4

Se dimwani ni dimwani di na khalahatsha hahatshi ka m'vhinya wa dona, ni hahatshi ka mkuwu wa dona, se kha ku na mbi va ni wo va dhukisa, nguko txisofu txa Mkoma wa Mabutho a Tiyimbi, txi wombile.

Zakariya 3:10

Ka ditshiku donedo, kuwomba Mkoma wa Mabutho a Tiyimbi, mmwani ni mmwani kwanu, a na ramba muakelani wakwe, kuya zumba nayo hahatshi ka mivhinya, ni hahatshi ka mikuwu.

Obhadhiya 1:19

Se va Wulambwe va na teka mmango wa Esawu; va tibalani va na tekela Vafilista; ve teka kambe tithembwe ta Efrayime, ni tithembwe ta Samariya, se Bhejamini a na teka ta Gileyadhi.

Ezekhiyele 36:8

Aniko anu mimango ya ka Israyeli, mi na humisa madhavi, mi txi ninga mihando ka vathu vangu va ka Israyeli; nguko va hafuhi ni kuwuya.

1 Samuwele 21:5

Se Dhavhidha a to xamula ka mphaxeli, a txi khene: Ina, hi ni masiku mararu hi di hambani ni vavasikati; mbimo yi ni nga khukha nyatulo mimidi ya majaha yi ti sawulekile; ngu mamahelo okari dipawu da wihi ni wihi, ngutu-ngutu nyamswi di na sawuleka ka yimwani mimidi.

Dhewuteronome 20:6

Se i mani a nga phaya thembwe ya mivhinya, ayi a sinziko kumana mihando ya yona kani? A na khukhe a txi tsula m'tini kwakwe, kasi ku asi fi yimbini, se thembwe ya mivhinya yi txi khata kuelulwa ngu mmwani m'thu.

Masalmo 107:37

Ve phaya tithembwe ta sakudya ni ta mivhinya ve elula mihando yo tala.

Jeremiya 32:15

Nguko a womba tiya Mkoma wa Mabutho a Tiyimbi, Txizimu txa ka Israyeli: Mi ngadi mi txi na xava tinyumba, ni tithembwe, ni mipeto, ka diya ditiko.

Ezekhiyele 28:26

Se va na zumba ka dona ngu kutsana, va na aka tinyumba ni kuphaya mivhinya: Ina, va na zumba ngu kutsana, mbimo yile ni no lamula votshe vale va va pelako madhawani kwawe; va na tiziva taku ani ngani Mkoma, Txizimu txawe.

Mika 1:6

Ngu toneto, ni na maha ngu Samariya mmumbu wa marigwi a thembweni, i ku mafu o phaya ka ona mivhinya, se ni na rindilitela marigwi a kona mkovani, ni na tumbula makhato a kona.