Jeremiya 31:40 - Bhiblia Yo Sawuleka

⁴⁰ Se wotshe mkova wo tshotshela ka wona sirumbi ni dikhuma, ni kotshe tithembweni kala ka txinambwana txa Kedroni, kala ka dikhona da Ditimba da Mahantxhi kuya wutxani, si na sawulekiselwa Mkoma, kha si na mbi dulwa, hambi kukhundumuselwa kambe, kala kupinduka.

Jeremiya 31:40 Referans Kwoze

Joyeli 3:17

Se anu mi na tiziva ti to ani ngani Mkoma, Txizimu txanu, ni zumbako Siyoni, mmangoni kwangu ko sawuleka; kambe Jerusalema a na va msawuleki; vamatiko kha va na mbiswa ve pinda ngu ka kona.

2 Samuwele 15:23

Se mbimo yile vathu votshe va nga txi pinda, ditiko dotshe di to dila ngutu, nene mfumeli a to pinda ngu txinambwanani ka Cedroni, se vathu votshe va to pinda ngu nzila yo ya txiwulani.

Johani 18:1

Jesu ngako a di gwitile kuwomba mapswi awa, a to khukha ni vagondiswa vakwe, veya mtxhatuko ka lidhonga la Kedroni, ahawa ku nga ti ni thembwe ya siluva, se Jesu a to wulela konemo ni vagondiswa vakwe.

2 Makronika 23:15

Se va to mñola, ve tsula nayo nyumbani ka mfumeli ngu didhawa da txike txa Ditimba da Mahantxhi, veya m'dayela kona.

2 Vafumeli 11:16

Se va to mñola, ve tsula nayo m'tini ka mfumeli, ngu nzila ya txike txa mahantxhi, veya m'dayela kona.

Zakariya 14:20

Ka ditshiku dile, ku na bhalwa ni ka sisimbzana sa mahantxhi taku: Ku Sawulekisetwe Mkoma; se tikhadi Nyumbani ka Mkoma, ti na nga timbiya masoni ka txiluvelo.

Nehemiya 3:28

Vaphaxeli va to aketa kukhukhela ka Txike txa Mahantxhi, mmwani ni mmwani e aketa ngu masoni ka nyumba yakwe.

2 Vafumeli 23:12

Mfumeli a to khundumusela ni sona siluvelo, si nga ti ti maneka txitimwi ka nyumba ya Akazi, asile si nga ti ti mahilwe ngu vafumeli va ka Judha; na si di sate ngu titshenda, a to xwayela dikhuma da kona txinambwanani ka Kedroni.

2 Vafumeli 23:6

Kambe a to thavisa txifananiso txo vatwa Nyumbani ka Mkoma eya txi tshotsha hahanze ka Jerusalema, txinambwanani ka Kedroni, e txi hisa hafuhi ni txinambwana txa Kedroni, txi maha dikhuma, se a to xwayela dikhuma da kona txitimwi ka mathitha a vanana va vathu va ditiko dile.

Ezekhiyele 48:35

Kuranganyetwa ngu 18.000 wa tipimo; kambe ditina da didhoropa kukhukhela ditshiku dile i nava: Mkoma Waho Hale.

Ezekhiyele 39:29

Kha ni na mbiswa ni va sisela kambe khohe yangu, mbimo yi ni no va ni di tshakunutile Moya wangu txitimwi ka nyumba ya ka Israyeli, kuwomba Mkoma Txizimu.

Ezekhiyele 37:25

Va na zumba ka ditiko dile ni nga ninga txithumi txangu Jakobe, emo va nga ti zumbile kona vatate vanu; se va na zumba ka dona, vona ni vanana vawe, ni vatukulu vawe, yotshe mbimo; kambe txithumi txangu Dhavhidha a na va mthangeli wawe, ngu ha ku si gwitiko.

Ezekhiyele 37:2

a txi ni tsimbitisela madhawani ka marambu; i ti ti amangi ngutu mkovani mule, kambe ma ti ti omile ngutu.

Jeremiya 32:36

Ngu konaho, konkuwa Mkoma, Txizimu txa Israyeli, a khene koko xungetano ngu didhoropa diya, mi di wombako, mi txi khanu: Di ningetwe manzani ka mfumeli wa Bhabhilona ngu ditxhari, ni nzala, ni mtungu.

Jeremiya 18:7

Ngu mbimo yokari ni nga womba-womba ni wukela mfumo, ti taku ni wu dula ni kukhundumusa ni ku wu lovisa;

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Isaya 51:22

A womba tiya Mkoma Txizmu txako, Nyamne wako, wule a no lwela mhaka ya vathu vakwe: Wona taku ani na teka manzani kwako digombe di di levisako, nzambwa ya digombe da kuhenya kwangu; khu na mbi ngadi u di sela kambe.

Jeremiya 1:10

Wona, ka diya ditshiku, ni kuveka txitimwi ka matiko ni mifumo, kuva u dula ni kukhundumusa, kuhasamula ni kuwisa, kuaka ni kuphaya.”

Masalmo 48:9

Nyumbani kwako, awe Txizimu, ka wunene wako hagari ka dithepele dako.

Zakariya 14:11

Se va na zumba ka dona, kambe kha ku na mbiswa ku di ni wo rukwa, nguko Jerusalema a na zumba ngu kudikha.