Jeremiya 31:37 - Bhiblia Yo Sawuleka

³⁷ Mkoma a ti khene: Ku txi koteka kupimwa kudemba ka tinzuma, ni kutumbulwa kutshima ka sitshuwa sa mafu, nani ni na lamba yotshe mbewu ya ka Israyeli, ngu totshe ti va nga ti maha, kuwomba Mkoma.

Jeremiya 31:37 Referans Kwoze

Isaya 40:12

I mani a nga pima linene ngu dianza dakwe, awu a nga teka lipimo la nzuma ngu manza akwe, se e sengeleta lithulu la mafu, ka mpimo wokari, ni kupima mimango ni simangwana txikaloni kani?

Jeremiya 33:22

Ni na engetela mtengo wa liveleko la txithumi txangu Dhavhidha ni wa Valevhi i ku vaphaxeli, nga ku mtengo wa yimbi ya nzuma wu si balwiko, hambi ni mtxhefa wa linene.

Jeremiya 46:28

U nga thave, awe txithumi txangu Jakobe, kuwomba Mkoma, nguko ni ni nawe; nguko ni na heta otshe matiko ale ni nga kutshotsha ka ona; aniko awe kha ni na mbi kuhetisa, ni na kupeka ngu kupimela, kha ni na mbi leka ku kutsayisa.

Mavingu 30:4

I mani a nga nga kwela nzumani, e gwita e txhika kani? I mani a nga nga fumbareta moya ngu manza kani? I mani a nga nga phutela mati amu ka simaha kani? I mani a nga nga veka mihingano ya mafu kani? I mani ditina dakwe, ni ditina da mwanana wakwe, mwendo wa di ziva kani?

Masalmo 89:2

Ni na huwelela ti to lirando lako kha li nga ni magwito, ni ti to kuthembeka kwako kha ku nga ni magwito, kufana ni nzuma.

Jeremiya 30:11

Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Isaya 65:9

Kambe ni na humisa lixaka ngu ka Jakobe ni ka Judha, txidya-thomba txa mimango yangu, se vasawuleki vangu va na ningwa ditiko, ni sithumi sangu si na zumba ka dona.

Jobe 38:18

Mwendo ngu wuzivi wako u woni kuanama ka mafu kani? Ni zivise, ngako u txi tiziva totshe eto.

Isaya 54:9

Nguko eto kwangu ti na fana ni ndambi ya Nowa; ni xambanyile koko ti to ndambi ya Nowa, kha yi na mbi talela kambe mafu; ngu toneto ni xambanyile ti to kha ni na mbiswa kambe ni ku henyela, hambi ku kukawuka.