Jeremiya 31:36 - Bhiblia Yo Sawuleka

³⁶ Va txi hambana ni sileleto siya masoni kwangu, kuwomba Mkoma, mbewu ya ka Israyeli ni yona yi na leka kuva ditiko masoni kwamgu, ngu ha ku si gwitiko.

Jeremiya 31:36 Referans Kwoze

Masalmo 148:6

Ene a vekile sotshe makhaloni ka sona kala kupinduka asi ningile mlayo, awu si tandekako ku wu eyisa!

Jeremiya 46:28

U nga thave, awe txithumi txangu Jakobe, kuwomba Mkoma, nguko ni ni nawe; nguko ni na heta otshe matiko ale ni nga kutshotsha ka ona; aniko awe kha ni na mbi kuhetisa, ni na kupeka ngu kupimela, kha ni na mbi leka ku kutsayisa.

Masalmo 119:89

Dipswi dako di tsani nzumani awe Mkoma, kala kupinduka.

Masalmo 102:28

Vanana va vathu vako va na hanya ha mafuni, ni liveleko lako li na tsaniswa masoni kwako.

Masalmo 72:17

Ditina da mfumeli di na simame yotshe mbimo; nduma yakwe yi na simame hahatshi ka ditambo kala kupinduka! Ngu mhaka yakwe yotshe mifumo yi na katekiswe otshe matiko ma na mu womba ku a katekile.

Masalmo 72:5

Ene a na hanye masiku o lapha, ngako ditambo ni mtxima si di ngadi ho, ka liveleko ni liveleko!

Dhewuteronome 32:26

Ni ti khani: “Ni na va hangalasa, va si swi va txi alakanywa hagari ka mafu!”

Jobe 38:33

Wa yi ziva awe milayo ya nzumani, mwendo u nga ziva mtamo wa sona ha mafuni kani?

Isaya 65:9

Kambe ni na humisa lixaka ngu ka Jakobe ni ka Judha, txidya-thomba txa mimango yangu, se vasawuleki vangu va na ningwa ditiko, ni sithumi sangu si na zumba ka dona.