Jeremiya 31:34 - Bhiblia Yo Sawuleka

³⁴ Kha ku na mbi maneka wo gondisa mwakelani, hambi mmwani ka mwanawe, ku khene: Zivani Mkoma; nguko votshe va na ni ziva, kukhukhela ka wam'dotho wawe kala ka wa hombe, kuwomba Mkoma; nguko ni na divalela wubihi wawe, kha ni na mbiswa ni txi alakanya sionho sawe.

Jeremiya 31:34 Referans Kwoze

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Vahebheru 8:12

Nguko, ni na va ni wumbilu ka sihoxo sawe, ni na mbiswa ni txi alakanya sionho sawe.”

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

Isaya 54:13

Se votshe vanana vako va na maha vagondiswa va Mkoma; ni kudikha ka vanana vako ku na maha ko enela.

Jeremiya 33:8

Ni na va basisa ka wubihi wawe wotshe awu va nga ni onhela ngu wona; ni txi va divalela sionho sawe sotshe asi va nga ni wukela ngu sona, asi va nga hambuka ngu sona masoni kwangu.

Jeremiya 50:20

Ka ona masikuyo ni ka yoneyo mbimo, kuwomba Mkoma, ku na xotwa wubihi wa Israyeli aniko kha wu na mbi manwa, hambi sionho sa Judha kambe kha si na mbi maneka, nguko ni na divalela ava ni no va siyeta.

Johani 6:45

Ti bhatwe ka mabhuku a vaprofeti, va txi kha vona: Votshe va na gondiswa ngu Txizimu. Wuhi ni wuhi a nga engisa Tate, a txi amukela sileleto sakwe, wata kwangu.

1 Johani 2:20

Se anu mi totilwe ngu kusawuleka, ma tiziva totshe.

Johani 17:3

Se wutomi wo mbi guma ngu kuva va txi kuziva, awe, u ku Txizimu txa tximwetxo txa ditshuri, ni Jesu Kristu, awu u nga mruma.”

Mika 7:18

I mani wo fana ni nawe, u divalelako wubihi u divala ni wueyisi wa miboti ya thomba yako kani? Mkoma kha veki kupandiseka kwakwe yotshe mbimo, nguko a tsakiswa ngu wumbilu amu ka wunene.

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Mithumo 10:43

Ngene wu va mu fakazelako votshe vaprofeti, ti to wuhi ni wuhi a kholwako kwakwe, a na amukela divalelo ya sionho ngu mtamo wa ditina dakwe.”

Habhakuki 2:14

Nguko mafu ma na tala ngu kuziva kudhumisa Mkoma, ku nga tile mati ma fenengetisako tona linene.

Isaya 44:22

Na hangalasa sihambunyeto sako kufana ni hunguva, ni sionho sako kufana ni direfu; tshumelela kwangu nguko ni ku tirute.

Vahebheru 5:12

Nguko, ti ti mi fanete ngu kale kuva mi di vagondisi, kambe ni konkuwa mi ngadi mi txi fanela kugondiswa makhato a timhaka ta Txizimu. Mi hindukile mi txi maha vathu va va fanelwako ngu masi, i si nga ngu sakudya so banga.

1 Vatesalonika 4:9

Ngu mhaka ya kurandana ni vananu, kha mi faneli kubhalelwa nguko, anu mipune mi gondisilwe kurandana ngu Txizimu.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Isaya 11:9

Kotshe mmangoni kwangu ko sawuleka, kha ku na mbi va ni kubiha hambi kuonhwa txilo, nguko mafu ma na tala ngu kuziva Mkoma kufana ni mati awa ma fenegetako linene.

2 Vakorinto 2:10

Ka wule mi m'divalelako, nani na m'divalela. Nguko, ni txi divalela, ngako ku di ni to divalela, ni ti maha ngu kota yanu, masoni ka Kristu.

Matewu 11:27

Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

Isaya 33:24

Se muaki ni wammweyo kha na mbi khene: Na lwala; nguko vathu va va no zumba ka dona, va na divalelwa ka wubihi wawe.

Isaya 30:26

Kuwoninga ka mtxima ku na fana ni kuwoninga ka ditambo, se kuwoninga ka ditambo ku na engetelwa ka mtxhanu ni kumbidi, kufana ni kuwoninga ka mtxhanu wa masiku ni mambidi, ka ditshiku dile Mkoma a no sungelela mule ku nga phatukela, ni kukalamukisa silonda sa kona.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

1 Samuwele 2:12

Aniko vanana va Eli i ti ti vanana va wubihi, kambe va ti si zivi Mkoma;

Johani 17:6

“Ni wonekisile ditina dako ka vathu va ditiko, avale u nga ni ninga. Vona i ti vako, aniko awe u ni ningile, vona va veketile dipswi dako.

Luka 1:77

Kasi kuzivisa kuhanyiswa ka vathu vakwe ni kudivalelwa ka sionho.

Vahebheru 8:11

A walo wu a no gondisa muakelani wakwe mwendo mkwawe a txi khene: Ziva Mkoma, nguko votshe va na ni ziva kukhukhela ka wam'dotho kala wa hombe.

Isaya 38:17

Wona taku kuthuthani kwangu ni ti ti ni kupandiseka ka hombe; awe koko, wa lirando ngutu, u to khutarela muhefemulo wangu, kha wawa diphalani ka kusina, nguko u tshotshile msana kwako sotshe sionho sangu.

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Hoseya 2:20

Se ni na kuteka ngu kuthembeka, kambe u na ziva Mkoma.

Masalmo 25:7

U nga alakanyele sionho sa wujaha wangu, hambi ni sihambunyeto sangu; aniko ni alakanye, Mkoma, ngu konaho ka wunene wako, ni wumbilu wako.

Isaya 29:24

Se vale va nga wekela moyani, va na tava ni mapimo, ni vale vo ngungurukela, va na tumela kugondiswa.

Isaya 33:6

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.

Isaya 52:6

Ngu kumaha keto, vathu vangu va na ziva ditina dangu, ngu mhaka yiya ka ditshiku dile, nguko ani nipune ngani ni wombako: “Ngani wuwa!”

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Mika 7:19

A na tshumela u hi pfela wusiwana, a na lovisa sihambunyeto sathu, kambe a na rinza sotshe sionho sathu txizivani ka linene.