Jeremiya 31:33 - Bhiblia Yo Sawuleka

³³ Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Jeremiya 31:33 Referans Kwoze

2 Vakorinto 3:3

Nguko ti ha kubasani ti to Kristu ngene a nga bhala dipapilo ni ku di rumela ngu ngathu. Dona kha da bhalwa ngu tinta, aniko di bhatwe ngu moya wa Txizimu txi txi hanyako; i si nga ka sileti sa marigwi, aniko di bhatwe timbiluni ka vathu.

Vahebheru 10:16

“Nditxe txitumelelano ni no txi maha navo, msana ka masiku oneyo.” Mkoma a wombile a txi khene: “Ni na veka milayo yangu timbiluni kwawe, ni na yi bhala kambe mapimoni kwawe.

Vahebheru 8:10

Txitumelelano txi ni no txi maha ni nyumba ya Israyeli msana ka masiku onayo, kuwomba Mkoma, ngu txiya: Ni na veka milayo yangu mapimoni kwawe, ni na yi bhala timbiluni kwawe. Ani ni na va Txizimu txawe, ni vona va na vathu vangu.

Jeremiya 24:7

Ni na va ninga timbilu to ni ziva ti taku ngani Mkoma; vona va na va vathu vangu, ani ni na va Txizimu txawe, ngako va txi tshumelela kwangu ngu mbilu yawe yotshe.

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Masalmo 40:8

Ni tsaka ngutu ngu kumaha kuranda kwako, Txizimu txangu; Mlayo wako wu mndani ka mbilu yangu!

Ezekhiyele 37:27

Kambe nyumba yangu yi na va hagari kwawe, ani ni na va Txizimu txawe, se vona i nava vathu vangu.

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

Jeremiya 32:38

Vona va na va vathu vangu, nanani ni nave Txizimu txawe.

Dhewuteronome 30:6

Mkoma, Txizimu txako, a na kulisa mbilu yako ngu wukwera ni mbilu ya liveleko lako, kasi ku u txi sikota kuranda Mkoma, Txizimu txako, ngu yotshe mbilu yako, ni wotshe moya wako, kasi ku u na mana kuhanya.

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Masalmo 37:31

Ene ana ni mlayo wa Txizimu mbiluni kwakwe, ngu kumaha keto, mikondo yakwe kha yi rithimuki.

Varoma 7:22

Nguko ni tsakela mlayo wa Txizimu ani ngu wutumbu wangu;

Jeremiya 30:22

Anu mi na va vathu vangu, nani ni na va Txizimu txanu.

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Jeremiya 31:1

Ka yona yile mbimo, kuwomba Mkoma, ni na va Txizimu txa totshe tihunzu ta ka Israyeli, vona va na va vathu vangu.

Mtuletelo 21:7

Awu a no xula a na amukela thomba yiya, se ani ni na va Txizimu txakwe, ene a na va mwanana wangu.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

Varoma 11:27

Se atxiya txi na va i di txona txitumelelano txangu, mbimo yi ni no thavisa sionho sawe.”

1 Vatesalonika 4:9

Ngu mhaka ya kurandana ni vananu, kha mi faneli kubhalelwa nguko, anu mipune mi gondisilwe kurandana ngu Txizimu.

1 Vafumeli 8:58

namisa kwako timbilu tathu, kasi ku hi tsimbila ngu totshe tinzila tako, ni kuveketa milayo yako, ni sileleto sako, ni wululamo wako awu u nga ruma ngu wona vatate vathu.

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Hoseya 2:20

Se ni na kuteka ngu kuthembeka, kambe u na ziva Mkoma.

Zefaniya 3:13

Miboti ya Israyeli kha yi na mbi maha wubihi, hambi kuwombawomba makuhu, ni mkanani kwawe kha ku na mbi huma mapswi o kanganyisa, nguko va na dyiswa, va na otela, kambe kha ku na mbi va ni wo va dhukisa.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.

2 Samuwele 7:24

Se u tsanisile vathu vako va ka Israyeli, kuva vathu vako kala kupinduka, kambe awe Mkoma u mahile Txizimu txawe.

Masalmo 40:9

Ni nuwete sithembiso sako masoni ka votshe vathu; awe wa tiziva, Mkoma, ti to kha na malala!

Mavingu 7:3

Si sungelele mu ka titiho tako, u si bhala ka mbila ya mbiluni kwako.

Isaya 59:21

Se ani ngu kwangu, atxiya njitumelelano txangu navo, kuwomba Mkoma: Moya wangu, wu ku txitimwi kwako, ni nga wu veka txisofuni kwako, kha wu na mbi huma txisofuni kwako, hambi ngu txisofuni ka vanana vako, mwendo ngu ka txisofu txa vatukulu vako, kuwomba Mkoma, kukhukhela konkuwa kala kupinduka.

Jeremiya 17:1

Txionho txa Judha txi bhatwe mbiluni ngu mtenga wa txikete, wu ku ni tshoka ya dhayimana; txi vatetwe timbiluni kwawe, ni mu ka titxheho ta siluvelo,