Jeremiya 31:32 - Bhiblia Yo Sawuleka

³² Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Jeremiya 31:32 Referans Kwoze

Dhewuteronome 5:3

Mkoma kha maha txitumelelano txiya ni vatate vathu, aniko a txi mahile ni nathu, athu hi kuho hawa, hotshethu hi hanyako.

Dhewuteronome 1:31

Hambi ni txiwulani, mi ti woni ti to Mkoma, Txizimu txako, a mi belekile, nga ti m'thu a belekisako tona mwanana wakwe, ka yotshe nzila yi mi nga tsimbila ngu yona, kala mi hoka ka wuwa wukhalo.”

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

Johani 3:29

Nyamne wa msikati ngu mteki, se pheleketi ya mteki yo mu bangalata ni ku mu engisa, yi tsaka ngu kutsaka ka hombe, ngako yi txi pfa dipswi da mteki: Aliya ngu lona litsako langu, lona li hetisekile.

Hoseya 3:1

Se Mkoma a to khene kwangu: Tsula kambe, u ya randa wamsikati, digelegele da mngana wako, dile i ku txigango, kufana ni Mkoma a randako vanana va ka Israyeli, hambiko vona va rendekelako ka simwani sizimu, va randako simbwanda sa mauvha.

Jeremiya 3:14

Wuyani, anu vanana vo tiwuka, kuwomba Mkoma, nguko ni nyamne wanu. Ni na teka mmweyo ka m'ti ni m'ti, ni vambidi ka lihunzu ni lihunzu, mi siya Siyoni.

Levhi 26:15

ni kungako mi txi eyisa milayo yangu, moya wanu wu txi lamba sileleto sangu, miza mi txi hoka aha ko mbi xayisa mithetho yangu, mi funya txitumelelano txangu,

Vahebheru 8:9

Kha txi na mbi fana ni txitumelelano txi ni nga txi maha ni vatate vawe, ka ditshiku di ni nga va ñola ngu diwoko, ni va humisa ditikoni ka Egipta. Nguko, vona kha va vekisa txitumelelano txangu; ngu toneto, kha na va khatalela, kuwomba Mkoma.

2 Vakorinto 11:2

Na lusa ngu nganu, ngu txiluse txa Txizimu, nguko ni mi ningete mi wutwa ngu mwamna mmweyo, kasiku ni txi mi yisa ka Kristu nga timbiri to basa.

Marku 8:23

Ene a to mñola wu wa dibhofu ngu diwoko, e myisa hahanze ka mkhokhola, e mu thurela lure ka maso akwe e msanzeka manza, a txi mu wotisa a txi khene: “Wa wona txilo kani?”

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

Hoseya 2:2

Khongotelani mame wanu, mkhongoteleni, nguko ene hi nga msikati wangu, se ani kha ni nga mwamna wakwe; a na hambane ni wugelegele khoheni kwakwe, ni wungango wakwe titshumbuni kwakwe.

Ezekhiyele 23:4

Se matina awe i ti ti awa: Ohola, i ku mkomwa kona, ni Oholibha, i ku mnanda; va vile vangu, va velekile vanana vavafana ni vamahorana; kasi ngu ditina dakwe Samariya, i Ohola, se Jerusalema, i Oholibha.

Ezekhiyele 20:37

Kambe ni na mi maha mi pinda ngu hahatshi ka ndonga, se ni txi mi maha mi pinda ngu ka txitsaniso txa txitumelelano.

Jeremiya 34:14

Kugumani ka mtxhanu wa malembe ni mambidi, mmwani ni mmwani a txhatxha muhebherukulowe a wu a nga ti xavisa kwakwe; a na kuthumela mtxhanu wa malembe ni dimwedo, sekoko u na mleka e txhatxheka; aniko vakokwani vanu kha va ni engisa hambi kutula tinzeve.

Jeremiya 31:1

Ka yona yile mbimo, kuwomba Mkoma, ni na va Txizimu txa totshe tihunzu ta ka Israyeli, vona va na va vathu vangu.

Jeremiya 22:9

Sekoko va na xamula, va txi kha vona: Nguko va lekile txitumelelano txa Mkoma, Txizimu txawe, va txi ya khozela simwani sizimu, ni ku si thumela.

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Isaya 54:5

Nguko M'vangi wako i mwamna wako; ditina dakwe Mkoma wa Mabutho a Tiyimbi; se Msawuleki wa Israyeli, ngene mtiruli wako; ene a na dhanwa ku Txizimu txa otshe mafu.

Isaya 41:13

Nguko ani, Mkoma, Txizimu txako, ni kuñola ngu dianza dako da txinene, ni txi khani kwako: U nga thave, ani na kuvhuna.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Ndando ya Tindando 8:5

I mani wule a tako ngu didhawa da txiwulani, a di khutarete txirandwa txakwe kani? Ni ku wusile u di hahatshi ka mndonga wa mahapula, aha mwamwako a nga lumwa a di kona, ahawa a nga kuvelekela kona.

Masalmo 73:23

Hambi keto ni ni nawe yotshe mbimo; awe wa ni setela ngu diwoko.

1 Vafumeli 8:9

Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si beta a di Horebhe mbimo yile Mkoma a nga maha txitumelelano ni vanana va ka Israyeli, va txi huma ngu ditikoni ka Egipta.

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Dhewuteronome 29:1

Aawa mapswi nga txitumelelano, aawa Mkoma a nga ruma Mosi ti to e ma womba ka vanana va ka Israyeli, ditikoni ka Mowabhi, hahanze ka txitumelelano txi a nga txi maha navo, mmangoni ka Horebhi.

Dhewuteronome 29:21

Mkoma a na mthavisa, a txi m'veka phuho ka totshe tihunzu ta ka Israyeli, a na welwa ngu makhombo otshe ma nga bhalwa ka dibhuku da mlayo.

Dhewuteronome 5:2

Mkoma, Txizimu txathu, a mahile txitumelelano ni nathu mmangoni ka Horebhi.

Jeremiya 11:4

a txi ni nga layela vatate vanu ditshikwedo ni nga va humisa ditikoni ka Egipta, aha ka m'dhikila wa nyundo ya txikete, ni txi khani: Engisani dipswi dangu, mi txi maha totshe ti ni mi rumako; sekoko mi na va ditiko dangu, nanani ni na va Txizimu txanu,

Jeremiya 34:13

A womba tiya Mkoma, Txizimu txa ka Israyeli: Ni mahile txitumelelano ni vakokwani vanu ditshikwedo ni nga va humisa ditikoni ka Egipta, nyumbani ka wukhumbi, ni txi khani:

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Dhewuteronome 29:24

ni otshe matiko ma na kha ona: “Ngu kutxani Mkoma a txi ti maha toneto ka ditiko diya kani? Ti txhamusa txani kutura ka hombe ka kuhenya kwakwe kani?”

Dhewuteronome 31:20

Nguko mbimo yi ni no va hokisa ka ditiko dile di khulungako masi ni wulombe, adile ni nga thembisa ngu txixambanyo, ka vatate vawe, vona va na dya va txi khura, va na ena, kambe va na tshumelela ka simwani sizimu, va txi si khozela, va txi ni nyenya va txi hambunyeta txitumelelano txangu.

Masalmo 78:37

Timbilu tawe ti sa thembeka ka Txizimu hambi ni ka txitumelelano txa Txizimu, ti sa thembeka.

Jeremiya 11:3

u txi ka vona: Mkoma, Txizimu txa Israyeli, a khene: A ruketetwe m'thu wu asi engisiko timhaka ta txiya txitumelelano,

Mithumo 23:19

Mthangeli a to mñola ngu diwoko, eya nayo phuho, eya mu wotisa, a txi khene: “I mhaka muni u lavako ku ni gela kani?”