Jeremiya 31:30 - Bhiblia Yo Sawuleka

³⁰ Ngu kuhambana nito, mmweyo ni mmweyo a na fa ngu wubihi wakwe, se votshe vathu vale va no dya mauvha amambisu va na telwa ngu wutsila.

Jeremiya 31:30 Referans Kwoze

Ezekhiyele 18:20

Muhefemulo wule wu onhako, ewo wu na fa; mwanana kha na mbi tekelela wubihi wa tate, hambi tate kha na mbi teka wubihi wa mwanana; kululama ka wo lulama ku nava txitimwi kwakwe, ni wubihi wa m'bihi wu na va txitimwi kwakwe.

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

Vagalatiya 6:5

nguko m'thu ni m'thu a na rwala thundu yakwe.

Ezekhiyele 18:4

Wonani taku yotshe mihefemulo njangu; nga kule muhefemulo wa tate i ku wangu, muhefemulo wa mwanana ni wona mbwangu; muhefemulo wule wu no onha, ewo wu na fa.

Dhewuteronome 24:16

Vaveleki kha va na kudawa ngu mhaka ya vanana, ni vanana kha va na kudawa ngu mhaka ya vaveleki. M'thu ni m'thu a na dawa ngu mhaka ya txionho txakwe ene nyamne.

Ezekhiyele 33:18

Ngako mlulami a txi huma ka wululamo wakwe, a txi maha to biha, a na fela ka tona.

Jakobe 1:15

Msana keto, kunavela ko biha, ka mana txirumbu, kuveleka txionho, se txionho txa vitwa txi veleka lifo.

Ezekhiyele 33:13

Ngako ni txi womba ka mlulami ku khani, ngu ditshuri u na hanya, se ene ngu kuthemba kululama kwakwe a txi maha to biha, kha ku na mbi alakanywa ni txa tximwetxo txa wululamo wakwe, aniko wubihi wakwe, wule a wu mahako, a na fela ka wona.

Ezekhiyele 33:8

Ni txi khani ka m'bihi: Awe m'bihi, ngu ditshuri u na fa; se awe u si wombi kasi ku hambukisa m'bihi ka nzila yakwe, m'bihiyo a na fa ka wubihi wakwe, aniko mnoha wakwe, ni na wu lava manzani kwako.

Ezekhiyele 3:24

Sekoko Moya wu to wulela kwangu, wu txi ni emisa, se a to womba-womba ni nani a txi khene: Wulela nyumbani kwako, u txi ti vhalela.

2 Vafumeli 14:6

Hambi keto kha dayela vanana va sidayi sile, nga kule ti nga bhalwa ka dibhuku da Mlayo wa Mosi, eho Mkoma a nga ninga txileleto txo khene: Kha mi na mbi daya vaveleki ngu mhaka ya vanana, kambe kha mi na mbi daya vanana ngu mhaka ya vaveleki; aniko mmweyo ni mmweyo a na dawa ngu txionho txakwe.

Jobe 21:20

Maso awe ma wona kufuviswa kwawe, se ene a sela kuhenya ka wule wa Mtamo-wotshe.