Jeremiya 31:3 - Bhiblia Yo Sawuleka

³ Mkoma a wonekile kwangu ngu kule, a txi khene: Ni ku randile ngu lirando li li si gwitelwiko; na ku xayisela wuxinji wangu.

Jeremiya 31:3 Referans Kwoze

Masalmo 103:17

Aniko lirando la Mkoma kha li nga ni magwito ka vale va m'thavako kululama kwakwe kha ku na magwito ka liveleko ni liveleko,

Hoseya 11:4

Ni va ndindete kwangu ngu majoke a wuthu, ngu majoke a lirando; se ni tsute kwawe kufana ni va va thavisako dikange ka tithamo tawe, kambe ni va ningile sakudya.

Dhewuteronome 33:3

Ene wa randa vathu vakwe, votshe vasawuleki vakwe va manzani kwakwe; vona va khizama mikondoni kwako, va txi engisela mapswi ako.

1 Johani 4:19

Athu hi na ni lirando, nguko txi khatile Txizimu txi hi randa.

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

Varoma 8:30

Avale txi nga va sikela ngu kale, ngu vona va txi nga va dhana; se avale txi nga va dhana, ngu vonavo txi nga va maha valulami; se avale txi nga va maha valulami ngu vona txi nga va ninga wudhumo.

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Malakiya 1:2

Ani ni mi randile, kuwomba Mkoma: Aniko anu mi khanu: U komba ngu txani ti to u hi randile kani? Ina Esawu hi nga mwanawe wa Jakobe kani? Kuwomba Mkoma; hambi keto ni randile Jakobe,

Dhewuteronome 10:15

Aniko Mkoma a ti ningetete dwe ka vatate vako, a txi va randa! Se msana kwawe a to sawula liveleko lawe, i ku anu ngu wutumbu, hagari ka votshe vathu, nga ti ni nyamsi ti wonekako.

1 Pedro 1:3

Txi na dhumiswe Txizimu, i ku Tate wa Mkoma wathu Jesu Kristu, awu a nga hi veleka, ngu wumbilu wakwe wa hombe ni txithembo txa kuhanya.

Ndando ya Tindando 1:4

Awe ni teke, hi na tutuma, hi kulondetela. Mfumeli a ni wuletile tinyumbani kwakwe. Hi na tsaka ngutu kwako, kambe hi na kutsakela; hi na alakanya lirando lako, kupinda vhinya; vo lulama va kuranda.

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.

Dhewuteronome 33:26

Awe Jesurumi kha nga ho wa kufana ni Txizimu, a tako a di gadhile tinzuma kasi ku ta ku vhuna, a tako ni wuhombe wakwe txitimwi ka marefu!

Dhewuteronome 4:37

Nga ti a nga txi va randa vatate vako, e sawula liveleko lawe, msana kwawe, ene apune, a ku humisile Egipta ngu wutumbu wakwe ni mtamo wakwe wa hombe.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Varoma 9:13

Madingano ni ti ti nga bhalwa taku: “Ni randile Jakobe ni venga Esawu.”

Masalmo 25:6

Mkoma, khumbula wunene wako, ni wumbilu wako nguko i kale u txi hi mahela toneto.

1 Vafumeli 10:9

A na Bongwe Mkoma Txizimu txako, a nga mana kutsakiswa ngu ngawe, kasi e kuveka ha txituluni ka wukoma ka Israyeli; nguko Mkoma wa randa Israyeli yotshe mbimo; ngu mhaka yeto, a kumahile mfumeli, kasi uva ni kupimisa ni wululamo.

Isaya 43:4

Ngako u nga randeka masoni kwangu, kambe u dhundekile, se ani ni ku randile, niza ni ningela vathu ngu mhaka yako, ni ningela matiko kasi ku kuhanyisa.

Isaya 49:14

Aniko Siyoni a khene: “Mkoma se a ni lekile; Mkoma wangu a ni divate.”