Jeremiya 31:2 - Bhiblia Yo Sawuleka

² Mkoma a khene: Vathu va va nga huluka matxhari, va mani wuxinji txiwulani; ni na ya ninga Israyeli kuva e humula.

Jeremiya 31:2 Referans Kwoze

Masalmo 95:11

Ni manekile ni txi pandiseka ni za ni xambanya ni txi khani: “Vathu vava kha va na mbi wulela ka wukhalo wangu wa kuhumula.”

Mitengo 10:33

Ngu kumaha keto, va to khukha ngu mmangoni ka Mkoma, ve tsimbila masiku mararu; se dibhokiso da txitumelelano txa Mkoma, di to thangela masoni kwawe masiku mararu, kasi ku va lavela wukhalo wo humula ka wona.

Matewu 11:28

Ngonani kwangu, motshenu mi nga karala, mi nemelwako ngu mrwalo, ani ni na mi humuta.

Dhewuteronome 1:33

awule a nga thangela masoni, a txi mi lavela wukhalo, kasi ku mi txi gova ka wona, ni wusiku a txi mi woninga ngu mndilo, ti to mi mana kuwona nzila yi mi fanelako kutsimbila ngu yona, ni mitshikari a txi mi komba nzila ngu direfu.

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Masalmo 78:52

Txi humisile vathu va txona txi tsimbila navo ngu mu txiwulani, kota m'dyisi a golako sifuyo sakwe.

Dhewuteronome 12:9

nguko kha minzi kuwulela ka wukhalo wo humula ni ka thomba yi Mkoma, Txizimu txanu, a no mi ninga.

Dhewuteronome 8:16

awule a nga kudyisa manna txiwulani, aale vatate vanu va nga mbi ma ziva, na a txi mahela ku kuxanisa ni ku kuduka, kasi ku a txi ku mahela ta tinene;

Dhewuteronome 2:7

Nguko Mkoma, Txizimu txako, a kukatekisile ka yotshe mithumo ya manza ako; kambe ene a ku pangalatile mu kutsimbilani kwako, ngu mu ka txiwula txa hombe. Mndani ka mune wa magumi a malembe, Mkoma, Txizimu txako, a ti ti ni nawe, ni txa tximwetxo tximaha kha txa pwateka kwako.

Dhewuteronome 1:30

Mkoma, Txizimu txathu, ngene a no ya masoni kwanu, ene a na mi lwela, kufana ni tile a nga ti maha ngu nganu ditikoni da Egipta, khoheni kwanu.

Mitengo 14:20

“Se Mkoma a to khene: Ani ni na va divalela, madingano ni txikombelo txako.

Eksodha 33:14

Mkoma a wombile a txi khene: “Ani ngu wutumbu wangu ni na kupangalata ni na kuhumuta.”

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Eksodha 1:16

“Nga ti mi txi hefemulisa va sirumbu sa vasikati va Vahebheru, wonisisani vanana va kona. Nga ti i di mfana, dayani; aniko i di mwanana wa dihorana, mlekeni e hanya.”

Eksodha 12:37

Vanana va ka Israyeli va to khukha didhoropani ka Ramesesi, va txi tsula Sukote, vo dingana 600.000 wa vavamna, ku si balwi ni vafana.

Eksodha 5:21

Va to va gela va txi kha vona: “Mkoma a na mi wonisise a txi mi thethisa! Nguko mi hi mahete dibava masoni ka Faro ni masoni ka sithumi sakwe, mi vekile ditxhari manzani kwawe kasi va txi hi daya ngu dona!”

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Joxuwa 1:13

Alakanyani dipswi di a nga mi leleta Mosi, txithumi txa Mkoma, a txi khene: “Mkoma, Txizimu txanu, wa mi ninga kuhumula, kambe wa mi ninga ditiko diya.”

Hoseya 11:4

Ni va ndindete kwangu ngu majoke a wuthu, ngu majoke a lirando; se ni tsute kwawe kufana ni va va thavisako dikange ka tithamo tawe, kambe ni va ningile sakudya.

Ezekhiyele 20:35

Se ni na mi yisa ka txiwula txa vathu, koneyo ni na ya mi lamula khohe ni khohe.