Jeremiya 31:14 - Bhiblia Yo Sawuleka

¹⁴ Ni na khurisa mimoya ya vaphaxeli ngu mafura, sekoko vathu vangu va na khura ngu silo sa sinene sangu, kuwomba Mkoma.

Jeremiya 31:14 Referans Kwoze

Jeremiya 31:25

Nguko ni tsakisile muhefemulo wo karala, ni wotshe muhefemulo wo xaniseka ni wu khurisile.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

Vaefesu 3:19

Ni kombela ti to mi txi li ziva lirando liya, i ku la hombe ngutu kupinda sotshe si hi si zivako, kufela ku mi txi talelwa ngu yotshe thomba ya kuhetiseka ya Txizimu.

Ndando ya Tindando 5:1

Nita thembweni kwangu, ndiyangu, txitekwa txangu; ni ta sengeleta mira ni tixakaxaka ta tingi ta sibhumutiso, ni dyite dihesa dangu ni wulombe wangu, ni sete vhinya yangu ni masi angu. Dyanani anu vangana, selani ngutu anu sirandwa.

Masalmo 107:9

Nguko ene wa tima ditora ka vale va di pfako, wa khurisa avale va pfako nzala.

Vaefesu 1:3

Txi na dhumiswe Txizimu Tate wa Mkoma wathu Jesu Kristu, txi nga hi katekisa ngu makatekwa a moya wa nzumani, ngu ka Kristu.

Matewu 5:6

Va katekile ava va ku ni nzala ni ditora da wululami, nguko va na khuriswa!

Isaya 61:6

Aniko anu mi na dhanwa ku mi vaphaxeli va Mkoma, kambe va na mi dhana ku mi sithumi sa Txizimu txathu; mi na dya tithomba ta matiko, mi dhumiswa mu ka wudhumo wa ona.

Isaya 25:6

Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.

Masalmo 132:16

Ni na ninga vaphaxeli va wona mtamo wa kulamulela vamwani se vasawuleki va kona va na tsaka ngutu.

Masalmo 132:9

Vaphaxeli vako va na ambale wululamo, kambe vasawuleki vako va na tsake!

Masalmo 65:4

A katekile wule awe u msawulako u txi m'dhana kasiku e hanyela Dithepeleni kwako, hafuhi ni nawe. Hi na khura ngu silo sa nyumbani kwako, amu Dithepeleni kwako ko sawuleka!

Masalmo 63:5

Moya wangu wu na maneka wu txi tsaka; nga ni to dya sakudya so tshamba. Txisofu txangu txi na kudhumisa ngu kutsaka.

Masalmo 36:8

Ha tsaka ngutu ngu kupfa kukhura ngu sakudya so tala sa nyumbani kwako; awe wa hi ninga kusela mati a mnamboni ka wunene wako,

Nehemiya 10:39

Nguko vanana va ka Israyeli ni vanana va ka Levhi va na wuyisa mningelo wo ndiwitelwa wa mafaka, ni wa vhinya ni wa mafura ka sinyumbana sile, amule ku ku ni siya sa wukhalo wo sawuleka, ni vaphaxeli va va thumako, ni vawoneleli va sike, ni vaembeleli. Se ngu mamahelo eyo kha yi na mbi leka Nyumba ya Txizimu txathu.

2 Makronika 6:41

Mkoma Txizimu khukha konkuwa u wulela u humula ka wukhalo wako, awe ni dibhokiso da mtamo; Mkoma Txizimu, vaphaxeli vako va na ambale kuhanyiswa, se ni vasawuleki va na tsakele wunene wako.

Masalmo 17:15

Se ani, kulamulani kwangu, ni na wona khohe yako; ngako ni txi wuka ni na tsaka ngu txithuzi txako.

Masalmo 90:14

Hi khurise ngu lirando lako i di ngadi mixo kasiku hi na tsaka, hi embelela ka otshe masiku a kuhanya kwathu.

Jeremiya 50:19

Israyeli ni na mmaha e tshumelela dizumboni kwakwe, a na dyisela Karmeli ni Bhasani; moya wakwe wu na khuriswa kona Efrayime ni Gileyadhi.

Hagayi 2:19

Ina yi nga diho mbewu txisangalani kani? Hambi m'vhinya, hambi mkuwu, hambi mromani, hambi muolivha, kha si khali kuninga mihando ya sona, aniko kukhukhela ka ditshiku diya na mi katekisa.

Dhewuteronome 33:23

Ngu va ka Naftali, a ti khene: Awe Naftali khura ngu mathomo, kambe tala ngu makatekwa a Mkoma, teka mswa-ditambo ni wulambwe,

Masalmo 63:2

Ni lava ku kuwona u di txiluveloni kwako ni wonetela mtamo wako ni wudhumo wako,

Masalmo 63:6

Mbimo yi ni nga otela na kukhumbula; ngako ni di wukile, na kualakanya ngutu,

Masalmo 85:13

Kululama ku na thangela masoni ka Mkoma, kasi ku mlulamisela tinzila takwe.

Ezekhiyele 34:14

Ni na ti dyisela ka makhalo amanene, sibala sa kona si na maneka ka mimango yo lapha ya ka Israyeli; koneyo ti na otela ka txibala txatxinene, kambe ti na dya ka wudyiselo wa kunona, mimangoni ka Israyeli.