Jeremiya 31:11 - Bhiblia Yo Sawuleka

¹¹ Nguko Mkoma a txhatxhisile Jakobe, a txi mtirula ka dianza di ku ni mtamo kupinda ene.

Jeremiya 31:11 Referans Kwoze

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Isaya 48:20

Humani amu Bhabhilona, tutumela kule ni Vakaldheya. Kambe zivisani ngu dipswi da kutsaka ka hombe, ti maheni ti pfiwa eto, mi ti hokisa magwito ka mafu; i nda ni khanu: Mkoma a tirute txithumi txakwe Jakobe.

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

Jeremiya 15:21

Ni na kuhulukisa manzani ka vabihi, ni na kutirula manzani ka vanyatshiku.

Isaya 49:24

Ina ndena yi nga honyolwa sile yi nga handa kani? Mwendo tikhumbi ti nga huluka kani?

Masalmo 142:6

“Engisa kudila kwangu, nguko se ni gumile mtamo; ni hulukise ka vale va ni xanisako, nguko va na ni mtamo kupinda ani.

Matewu 20:28

Nga toneto, Mwanana wa M'thu nene, kha tela ku ta thumelwa, aniko a tete ku ta thumela, ni kuningela wutomi wakwe, kasi kutirula vavangi.”

Matewu 12:29

M'thu a nga wulelisa kutxani nyumbani ka ndena, e tekela simaha sa yona, a sa thanga ngu ku yi sunga kani? Ngu kona a no sikota kuhanda sotshe nyumbani.

Matewu 22:29

Jesu a to va xamula a txi khene: “Mi timete ngutu, nguko kha mi yi zivi Mibhalo ni mtamo wa Txizimu.

Hoseya 13:14

Ani ni na va tirula amu ko xaniswa ngu mndilo, ni va tekisa ka lifo. Awe lifo, yi hayi mitungu yako kani? Awe mndilo ku hayi kutimela kwako kani? Kutilaya ku na sisala amu ka maso angu.

Jeremiya 50:33

Mkoma wa Mabutho a Tiyimbi a khene: Vanana va Israyeli ni vanana va Judha va khozisilwe kumweko; kambe votshe vale va nga va yisa wukhumbini, va va ñolisisile, kha va lava ku va txhatxha.

Eksodha 15:16

Kuxamala ni kuthava ku na wa txitimwi kwawe; ngu wuhombe wa diwoko dako, va na maha siduma nga marigwi, kala vathu vako va txi txhatuka, awe Mkoma, kala va txi txhatuka vathu vale u nga va tirula.

Isaya 51:11

Ngu kumaha keto, va na wuya vale va nga tirulwa ngu Mkoma, kambe va na tshumelela Siyoni ngu kutsaka ka hombe, ni kutsaka ka kwa mbi gwita ku nava txitimwi ka misungo yawe; va na mana kuzumbiseka ni litsako, kupandiseka ni kuketa si na tutuma.

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Zakariya 9:16

Se Mkoma, Txizimu txawe, ka ditshiku donedo, a na va hanyisa, kufana ni mtxhambi wa vathu vakwe; nga marigwi a m'bhoti, va na guletwa ditikoni kwawe.

Isaya 49:25

Aniko Mkoma a womba tiya: Ngu ditshuri, tikhumbi ti nga thaviswa ka ndena, se sile si nga handwa ngu wa mtamo si na huluka; nguko ani ni nalwa ni vale valwako ni nawe, Kambe ani ni na hulukisa vanana vako.

Sidilo 3:58

Mkoma, u lwete moya wangu u txi tirula wutomi wangu.