Jeremiya 30:5 - Bhiblia Yo Sawuleka

⁵ Mkoma a khene: Hi pfite dipswi da kudhudhumela; kuho kuthava, kuthutha kuwalo.

Jeremiya 30:5 Referans Kwoze

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.

Isaya 5:30

Ka ditshiku donedo, va na bhonga txitimwi kwawe kufana ni mavimbi a linene; se awule a no wona mafu, a na wona txidema ni kuxaniseka, kuwonekela ku na vhalelwa ngu txidema.

Jeremiya 46:5

“Ti mahisa kutxani kuve dhudhumela, ve tshumelela msana kani?” Tindena tawe ti pekilwe, “ta tutuma, kha ti woni ni msana, kuthava kuho ka otshe madhawa, kuwomba Mkoma.

Jeremiya 25:36

Hi nga pfani kudila ka vadyisi, ni tihuwa ta kudila ka vahombe va mtxhambi! Nguko Mkoma wa vhinganyisela wudyiselo wawe.

Jeremiya 9:19

Nguko dipswi da txidilo di pfate ngu Siyoni, di txi kha dona: Yowe! Kuloviswa kwathu! Hi ta so mba tingana, nguko hi lekile ditiko, se vona va hasamute tinyumba tathu.

Jeremiya 8:19

Hi nga pfa dipswi da txidilo da mwanana wa txisikati wa vathu vangu, adi di humako ditikoni ka kule, di txi kha dona: Kasi Mkoma khangaho Siyoni kani? Ina Mkoma wakwe kha nga kwakwe kani? Ngu kutxani va nga vhinjukisa kuhenya kwangu ngu sifananiso sawe, ni sizimu sa vamatiko kani?

Isaya 59:11

Athu hotshethu ha bhonga ku nga singwingwi kambe hi simama hi dilisa ku nga situvani; hi verela kulamulwa, aniko kha ku humeleli; hi verela kuhanyiswa aniko ku kule ni nathu.

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Jeremiya 30:4

Se aawa ngu ona mapswi a nga womba Mkoma, madingano ni Israyeli ni Judha:

Jeremiya 6:22

Mkoma a khene: Wonisisani vathu vatako ngu Wuphemba, ditiko da hombe di na wuka ngu magwito ka mafu.

Jeremiya 6:26

Awe m'horana wa vathu vangu, ti ambeke disaka, u pulukuta dikhumani; peka huwa yo nga yo dilela mwanana wammweyo ekha, xomulo ya txiviti. Nguko muhasamuli a na hi tela ngu txidhukisa.

Habhakuki 1:6

Nguko wonani taku na wusa Vakaldheya, vathu vo karata ni kukuluveta, va rerelako ka otshe mafu ngu kuanama ka ona, kasi kuhonyola makhalo o mbi va lumba.

Habhakuki 1:10

Se va na pfisa kupanda vafumeli, kambe va na sakana ngu vathangeli, vona va na poyilela yotshe mikhokhola; ngu kumahetela situletule sa mafu, va na honyola mikhokhola.