Jeremiya 30:21 - Bhiblia Yo Sawuleka

²¹ Mthangeli wawe a na huma ngu ka vona vanyamne, ni mfumeli wawe, a na huma hagari kwawe vapune. Ni na mtshuketisa, a nata kwangu; nguko i mani a khalako kutshuketa kwangu kani? Kuwomba Mkoma.

Jeremiya 30:21 Referans Kwoze

Mitengo 16:5

a txi khene ka Kora ni vangana vakwe: Mangwana ni mixo, Mkoma a na mi komba va i ku vathu vakwe, ni va vo sawuleka, ti to ve tshuketa hafuhi kwawe.

Ezekhiyele 37:24

Se txithumi txangu Dhavhidha a na fuma txitimwi kwawe, votshe va na va ni m'dyisi mmweyo; kambe va na tsimbila ngu wululamo wangu, ni kuvekisa sileleto sangu, va na si maha.

Mithumo 5:31

Txizimu txi mu guletile ngu dianza da txona da txinene txi txi mu maha Mkoma ni Muhanyisi, kasi ku ta tulela Israyeli nzila ya kuhunduluka, ni kudivalelwa ka sionho.

1 Johani 2:2

Ene ngene i ku mhamba ya kudihela sionho sathu, kambe hi nga sionho sathu kugwita, aniko ni sa dotshe ditiko.

Jeremiya 30:9

Aniko va na thumela Mkoma, Txizimu txawe, ni Dhavhidha mfumeli wawe, awu ni no va wusela ene.

2 Samuwele 7:13

Awuwa a na akela nyumba ditina dangu, se ni na tsanisa txikhalo txa mfumo wakwe kala kupinduka.

Dhewuteronome 33:5

Se Mkoma a to maha mfumeli kona Jesurumi, mbimo yi ku nga sengeletana vathangeli va vathu, ni tihunzu ta ka Israyeli.

Dhewuteronome 18:18

Wona taku ni na va tumbulukisela mprofeti wo nga awe, hagari ka vanawe. Ni na veka mapswi angu txisofuni kwakwe, se ene a na va gela totshe ti ni no m'leleta tona.

Genesisi 49:10

Ndonga kha yi na mbi khukha ka Judha, hambi mlayeli mikondoni kwakwe, kala kuza ku txi ta Silo; awule vathu va no sengeletana kwakwe.

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Matewu 27:37

Se ve nameketa ngu txitimwi ka msungo wakwe, m'bhalo wa mhaka ya kufa kwakwe, va txi kha vona: “Awu i Jesu Mfumeli wa Vajudha.”

Matewu 3:17

Sekoko, kupfala dipswi da kuta ngu nzumani, di txi kha dona: “Awuwa i Mwanana wangu wo randeka, awu ni tsakiswako ngutu ngu ngene.”

Matewu 2:2

ti txi kha tona: “Ahani mfumeli wa Vajudha awu a nga velekwa, kani? Nguko hi woni nyeleti yakwe wutxani, se hi tile ku ta mu khozela.”

Jeremiya 50:44

Wonani ti taku mmweyo wa ku nga ngonyamo a na humelela likasani ka Jordhani, e wukela dizumbo da mtamo, aniko ngu mbimo yokari ni na mtutumisa hale; se awule ni nga msawula a na mwukela: Nguko i mani wo fana ni nani kani? Se i mani wo a nga ni randela kani? I mani m'dyisi wo a nga tsana masoni kwangu kani?

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Genesisi 18:27

Abrahamu a wombile kambe, a txi khene: “Ani na tsana ni txi womba kambe ka Mkoma wangu, ani ni ku lithulu ni dikhuma.

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Varoma 8:34

Se i mani a nota va abanisa kani? Kristu, a nga fa, awu kambe a nga wuka a txi ya zumba txineneni ka Txizimu, ene ngene a hi kombelelako.

Luka 24:26

Ina ti si laveki ti to Mesiya e xanisekisa tiya, se e wulela kudhumiswani kwakwe kani?”

Jeremiya 33:15

Keyo masiku ni ka yoneyo mbimo ni na wusela Dhavhidha mpuka wo lulama; ene a na lamula ngu nongameto ni wululamo amu ditikoni.

Isaya 63:1

I mani wuwa a tako ngu Edhomi, ka Bhozira, ni syambalo so bhilivila kani? Awu syambalo sakwe i ku so dhundeka, a tsimbilako ngu mtamo wakwe wa hombe kani? Ani ni wombawombako ngu kululama, ni mtamo ngutu kasi kuhanyisa.

Masalmo 89:29

Ni na maha ti to lihunzu lakwe li simama kala kupinduka, li txi fuma ngu malembe ni malembe kufana ni nzuma.

Nehemiya 7:2

Ni to veka Hanani, mwanathu, ni Hananiya, wa hombe wa mkhokhola wa Jerusalema, nguko i ti wamwamna wo thembeka, wo thava Txizimu, kupinda votala;

Ezra 2:2

i ku vale va nga wuya ni Zorobhabheli, ni Jesuwa, ni Nehemiya, ni Seraya, ni Rehelaya, ni Mordhekayi, Bhilisa, Misipani, Bhigvhayi, Rewumi ni Bhahana. Ka vathu va ka Israyeli, mtengo wa vavamna ngu wuwa:

Genesisi 18:32

Abrahamu a to khene kambe: “Mkoma wangu a nga henye, ngako ni txi womba kambe ngu txikhati txo gwitisa. Idiku ko maneka digumi ko?” Mkoma a xamute a txi khene: “Kha ni na mbi lovisa didhoropa, ngu mhaka ya vona vale va digumi.”

Genesisi 18:30

Abrahamu a ti khene: “Mkoma wangu a nga henye, ngako ni txi tshumela ni womba-womba: Se ku txi maneka magumi mararu ko?” Mkoma a to xamula a txi khene: “Kha ni na mbi ti maha eto, ngako ni txi mana magumi mararu a vathu vo lulama.”

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Eksodha 3:5

Txizimu txi ti kha txona: “U nga tshukete hawa; ambula tikathula mikondoni kwako, nguko wukhalo wu u ku ka wona, mafu o sawuleka.”

Dhewuteronome 17:15

ngu tona, u fanete ku ti emisela mfumeli wule a no va a di sawutwe ngu Mkoma, Txizimu txako; u na teka mmweyo wa vananu u txi mu emisa e maha mfumeli, masoni kwako. U na sikota kufumisa wa hahanze, i si nga wule i ku wa ka kwanu.

Masalmo 65:4

A katekile wule awe u msawulako u txi m'dhana kasiku e hanyela Dithepeleni kwako, hafuhi ni nawe. Hi na khura ngu silo sa nyumbani kwako, amu Dithepeleni kwako ko sawuleka!

Hoseya 1:11

Se vanana va ka Judha ni vanana va ka Israyeli votshe va na sengeletana, ve ti emisela mthangeli mmweyo dwe, ve huma ditikoni; nguko di na va da hombe ditshiku da Jezireyeli.