Jeremiya 30:17 - Bhiblia Yo Sawuleka

¹⁷ Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.

Jeremiya 30:17 Referans Kwoze

Masalmo 107:20

Ngu dipswi da txona Txizimu txi va hanyisile txi txi va hulukisa ka lifo!

Jeremiya 33:6

Wona, taku ni na tisa txitimwi ka dona, wutomi ni kuhanya, ni va kalamukisa, kambe ni na va komba wungi wa kuthutha ni ditshuri.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Masalmo 103:3

Ngene a divalelako sotshe sionho sangu a txi ni hanyisa ka yotshe mipando yangu;

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Masalmo 23:3

Wa xayisa moya wangu kambe wa ni tsimbitisa ngu tinzila to lulama, ngu mhaka ya ditina dakwe.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Ezekhiyele 34:16

Ni na tsimbila ni lava yile yo mwalala, kambe ni na wuyisa yile yo penga, ni txi tsanisa yile yo khudukiswa, ni kuthuma yile yo lwala; aniko ayile yo ena ni yile ya mtamo ni na ti khundumusa; tona ni na ti dyisa ngu wululamo.

Mtuletelo 22:2

Hagari ka mtendela wa didhoropa ni mabambe ka mnambo, ngu khe ni khe, ku ni mndonga wa wutomi, awu wu ningako mihando digumi ni kambidi ngu dilembe, ngu kuveleka mtxima ni mtxima: Mazokoro a wona ma thuma kuhanyisa mifumo.

Isaya 30:26

Kuwoninga ka mtxima ku na fana ni kuwoninga ka ditambo, se kuwoninga ka ditambo ku na engetelwa ka mtxhanu ni kumbidi, kufana ni kuwoninga ka mtxhanu wa masiku ni mambidi, ka ditshiku dile Mkoma a no sungelela mule ku nga phatukela, ni kukalamukisa silonda sa kona.

Jeremiya 30:13

Kha nga ho a ku emelako, ni alaha txilonda txako, ku nga ni mrende wo thuma.

Jeremiya 8:22

Ina kha ku nga ni mrende Gileyadhi, mwendo kuwalo ñanga koneyo kani? Ngu txani koko, a nga mbi kalamukiswa mwanana wa txisikati wa vathu vangu kani?

Jeremiya 3:22

Wuyani, anu vanana vo tiwuka, ani ni na thavisa ku phawuka kwanu. “Ngathu vava, hi tile kwako; nguko awe u Mkoma, Txizimu txathu.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Isaya 11:12

Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.

Jeremiya 33:24

“Ina u woni ti va ti wombako vathu, va txi kha vona: Tiveleko timbidi ati Mkoma a nga ti sawula, a ti lekile kani? Kambe va txhipisa vathu vangu, va txi nga kha va nga nga va vathu, masoni kwawe.”

Ezekhiyele 35:12

Kambe u na tiziva taku ani Mkoma, ni ma pfite otshe manyala ako, ale u nga ma wombetela u txi wukela mimango ya ka Israyeli, u txi khawe: Se va mahilwe marumbi, va ningetwe kuva wudyiselo wathu.

Ezekhiyele 36:20

Kambe, va di hokile ka matiko ale va nga ya ka ona, va to nyenyezisa ditina dangu do sawuleka, nguko ku ti ti wombwa taku: Avava mbathu va Mkoma, se va humile ditikoni kwakwe.

Sidilo 2:15

Votshe va vapindako ngu nzila vo bhwabhwatela manza, awe mwanana wa dihorana wa Jerusalema Va txi kuvetela miloti, va txi kuzinginisela misungo, va txi kha vona: “Ina ngu wona m'ti wu wu nga ti dhanwa kale ti to mburi ya timburi, txitsakiso mafuni kotshe kani?”

Masalmo 142:4

Ni to tuve txinene kwangu, se ni wona; aniko kha na mana m'thu wo ni ziva; ni pwata ko thavela kona; kha ka maneka ni wammweyo wo khatalela moya wangu!”

Isaya 33:24

Se muaki ni wammweyo kha na mbi khene: Na lwala; nguko vathu va va no zumba ka dona, va na divalelwa ka wubihi wawe.

Isaya 56:8

Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.

Isaya 58:8

Sekoko liwoningo lako li na huma kufana ni wuronga, se kukalamuka kwako ku na mila ngu kukuluveta, ni kululama kwako ku na thangela masoni kwako, se wudhumo wa Mkoma wu na va msana kwako.

Isaya 60:15

Na i si nga kutxhipiswa ni kunyenywa kule u nga mahelwa kona, kuhoka ha ko ni wammweyo asi pindi ngu kwako, ni na veka kwako kudhundeka ka kwa mbi gwita, kuzumbiseka ka liveleko ni liveleko.

Jeremiya 17:14

Ni thume Mkoma, ni na va ni di kalamukile, ni hanyise, ni na va ni di hanyisilwe. Nguko ngawe wudhumo wangu.

Hoseya 11:3

Hambi keto, ani ni m'dhedhisile Efrayime; ni va ñote ngu mawoko awe, kambe kha va tiziva ti to ani ni na va kalamukisa.

Jobe 5:18

Nguko txa veka tivandwa, kambe txipune txa sungelela silonda; txa dayisa, aniko manza a txona ma kalamukisa.

Isaya 54:6

Nguko Mkoma a kudhani kufana ni wamsikati wo lekwa, wo xaniseka moyani; kufana ni kulekwa ka wamsikati wa dihorana, kuwomba Txizimu txako.

Isaya 57:18

Ani na ti wona tinzila tawe, hambi keto ni na va hanyisa; kambe ni na va thangela ni tshumela ni va thavelela, ni vale va dilako navo.

Isaya 57:19

Ani na veka mihando ya sisofu: Kudikha, kudikha, ka vale va ku kule, ni ka vale va ku hafuhi, kuwomba Mkoma, kambe ani ni na va kalamukisa.

Jeremiya 10:20

Ditenda dangu di hasamutwe, ni totshe tingoti tangu ti wikile. Vanana vangu va ni pfhukile, kha va ngaho; khangaho a ni gwimbelako ditenda dangu, ni kunawuluta mijiyo yangu.