Jeremiya 30:16 - Bhiblia Yo Sawuleka

¹⁶ Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.

Jeremiya 30:16 Referans Kwoze

Jeremiya 10:25

Tshakunuta txiviti txako, txitimwi ka vamatiko, ava va si ku ziviko, ni txitimwi ka tixaka ti ti si dhaniko ditina dako; nguko va kakatxute Jakobe; va mkakatxute, va txi mmita, ni m'ti wakwe va wu mahile dirumbi.

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

Eksodha 23:22

Aniko ngako u txi engisa ngu kuthembeka u txi maha totshe atile ni no kugela, sekoko ni na va ni di mlala wa valala vako ni txi wukela avale va kuphikako.

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Mtuletelo 13:10

Awu a nga sikelwa ku khotelwani, a na ya ku khotelwani; awu a nga sikelwa kudawa ngu ditxhari, a na fa ngu dona ditxhari. Atiya ngu tona ti tsanisako kuhonisela ni kukholwa ka vasawuleki.

Zakariya 12:2

Wonani, ni na maha ti to Jerusalema, eva digombe di di dhedherekisako otshe matiko ale ma ngadi ranganyeta, ngu toneto kambe ni ka Judha, mbimo yile va no randela Jerusalema, ve mu wukela.

Joyeli 3:8

Kambe ni na xavisa vanana vanu va mazambi ni vamahorana ngu manza a vanana va ka Judha, va no ya va xavisela ka va Sebha, ditiko da kwa mbi alakaywa, nguko Mkoma a wombile.

Isaya 14:2

Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

Masalmo 129:5

Va na tale ngu tingana ve hingwa votshe valala va Siyoni!

Zefaniya 2:8

Ani ni pfite kuruketela ka Mowabhi ni mapswi a nzambwa a vanana va ka Amoni, aale va nga ruketela ngu ona vathu vangu, ve ti bhuma ngu mihingano yawe.

Habhakuki 2:16

U na kolwa ngu tingana u pwata kudhundeka; sela nawe u kombisa taku khwa yiswa wukwerani: Digombe da diwoko da txinene da Mkoma, di na wuya txitimwi kwako, ni makosa ma na nyenyezisa wudhumo wako.

Nahume 1:8

Se ngu ndambi yo khulunga, a na lovisa wukhalo wawe do gwita, se txidema txi na tutumisa valala vakwe.

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.

Mika 4:11

Konkuwa ma sengeletanile matiko amangi me kuwukela, ma txi kha ona: A na nyenyeziswe, se maso athu ma na wona kunavela kwakwe txitimwi ka Siyoni.

Ezekhiyele 35:5

Nguko wulala wako kha wu gwiti, se u lekile vanana va ka Israyeli ve wukelwa ngu ditxhari, ka mbimo ya wubihi wawe wa hombe.

Ezekhiyele 29:6

Se votshe va zumbako Egipta va na tiziva taku ani, ngani Mkoma. Nguko va ti mahile ndonga ya litshava masoni ka nyumba ya ka Israyeli.

Sidilo 1:21

Va tipfa to na kuma, aniko kha ni nga nayo wa ku ni xanguta. Votshe valala vangu ava va nga ziva kuxaniseka kwangu, va tsaka ngu ti u nga ni mahela; aniko u txi na wuyisa ditshiku dile u ngadi womba, ni vona va na fana ni nani.

Jeremiya 2:3

Sekoko Israyeli i ti ti msawuleki wa Mkoma Siyalo so khata sa kufunyela kwakwe; votshe vale va mvandamulako va ni mnandu va na welwa ngu dikhombo, kuwomba Mkoma.”

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Isaya 54:15

Wona taku va nata sengeletana, aniko i si nga ngu ngani; avale va no patana ve kuwukela, va nawa ngu lirando lako.

Zakariya 14:2

Nguko ani ni na tshanganisa otshe matiko, me wukela Jerusalema, se didhoropa di na tekwa, tinyumba ti na handwa, vavasikati va na gimwa; hafu ya vathu va didhoropa yi na huma yi yiswa wukhumbini, aniko miboti ya vathu kha yi na mbi tutumiswa didhoropani.

Zakariya 1:14

Se ngelozi yile yi nga ti ti womba-womba ni nani, yi to ni gela tiya: Kwangula u txi khawe: Mkoma wa Mabutho a Tiyimbi a womba tiya: Ngu kuhiseka ka hombe, na hiseka ngu Jerusalema ni Siyoni.

Jeremiya 50:28

Ngu dona dipswi da vale va nga thava ve huma ditikoni ka Bhabhilona, ku va va txi ya zivisa Siyoni kuphota ka Mkoma, Txizimu txathu, kuphota ka mbimo yakwe.

Jeremiya 25:12

Aniko ngako ku di pindile mtxhanu wa magumi ni magumi mambidi a malembe, ni na tsayisa mfumeli wa Bhabhilona ni ditiko da kona, ngu mhaka ya kuwekela kwawe, kuwomba Mkoma; ni ditiko da Vakaldheya ni na di maha diva txiwula, kala kupinduka.

Jeremiya 12:14

Ndongeto a wombako Mkoma ngu vaakelani vangu vo biha ava va wukelako thomba yi ni nga ninga vathu vangu va Israyeli. Ni na va dula ditikoni kwawe, ni nyumba ya ka Judha ni na yi dula hagari kwawe.

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Jeremiya 30:15

Ngu kutxani u ketiswako ngu mbanga yako kani? Kambe kupanda kwako kha kumalali. Ngu mhaka ya kukula ka wubihi wako, ni wungi wa sionho sako, ni ku mahete siya silo.

Dhewuteronome 30:7

Mkoma, Txizimu txako, a na maha ti to otshe makhombo awa me wela txitimwi ka valala vako, txitimwi ka vale va nga txi ku bavela, avale va nga txi kuxupha.

1 Samuwele 17:53

Sekoko vanana va ka Israyeli va to wuya ngu kututumisani ka Vafilista, veya handa magoveloni kwawe.

Mavingu 22:23

Nguko Mkoma a na emela mhaka ya mxaniseki kulamulwani, kambe a na thavisa wutomi wa vale va va pelako.

Sidilo 1:22

Wu nata wotshe wubihi wawe masoni kwako, se va mahe ti u nga ni maha, ngu mhaka ya sionho sangu. Nguko sidikwi sangu nza singi, ni mbilu yangu ya panda ngutu.”

Zakariya 1:15

Se ngu kuhenya ka hombe, na henyela matiko ale ma ku kuhumulani; nguko, mbimo yi ni nga ti ti swirwekile ka kudotho, ona ma to engetela wubihi.

Zakariya 2:12

Sekoko Mkoma a na fumela Judha, eva thomba yakwe ka ditiko do sawuleka, kambe a na sawula Jerusalema.