Jeremiya 30:14 - Bhiblia Yo Sawuleka

¹⁴ Votshe va va kurandako va ku divate, kha va ku khataleli. Nguko ni ku dayisisile ku nga wo va mlala, ngu txitsayiso txa timbiti; ngu kukula ka wubihi wako, ni wungi wa sionho sako.

Jeremiya 30:14 Referans Kwoze

Sidilo 1:2

Didhoropa da Jerusalema di simama di txi dila ni wusiku; mirongo ya dona yi pyololoka khoheni ka dona; kha di nga ni mmalateli ka sotshe sirandwa sa dona; votshe vangana va dona va di lekile ve maha valala va dona.

Jeremiya 5:6

Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Jobe 30:21

U ti mahile txigevenga u ni wukela; ngu mtamo wa dianza dako, wa simama ku ni lwisa.

Jeremiya 22:20

Kwelela Libhanoni, u kwangula, guleta dipswi dako na u di Bhasani! Kwangula u di txitimwi ka mimango ya Abharime, nguko votshe va vo randeka kwako va lovisilwe.

Jeremiya 30:15

Ngu kutxani u ketiswako ngu mbanga yako kani? Kambe kupanda kwako kha kumalali. Ngu mhaka ya kukula ka wubihi wako, ni wungi wa sionho sako, ni ku mahete siya silo.

Jeremiya 22:22

Vadyisi vako va na huhiswa ngu moya, ni va vo randeka kwako va yiswa wukhumbini; sekoko u na koyo tingana, u dhungeka msungo ngu mhaka ya wubihi wako.

Jeremiya 4:30

Konkuwa koko, u na maha txani, awe u nga hasamulwa kani? Hambi u txi ambala txiwunguwungu, u txi ti bombisa ngu wukhetikheti wa nzalama ni kungako u txo penda maso ako ngu Antimoniya, wo ti bombisela walo. Sigango sako sa kunyenya, si lava ku kudaya.

Jeremiya 2:36

Ngu kutxani u kuluvetako kujika, u txitxa nzila yako kani? U engeta u xowokiswa ngu Egipta, ngako u nga wiswa tingana ngu Asiriya.

Jobe 19:11

Txizimu txi mahile ti to ni hiswa ngu txiviti txa txona, txi ni veka ku nga no va mmweyo wa valala va txona.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.

Ezekhiyele 23:22

Ngu konaho, awe Oholibha, Mkoma a khene: Wona taku ni na wusa sigango sako, asile moya wako wu nga ti ti hambani naso, se ni na si wuyisa ngu ka otshe madhawa, si txi ta kuwukela.

Ezekhiyele 23:9

Ngu kumaha keto, ni mningete manzani ka sigango sakwe, i ku manzani ka vanana va Vasiriya, avale a nga randana navo.

Sidilo 1:19

Ni dhani vale va nga ti ni dhunda, aniko va ni kanganyisile; vaphaxeli vangu ni madhota angu va gumile amu didhoropani, mbimo yi va nga ti lava sakudya, so va txi wuseta mitamo yawe.

Jeremiya 38:22

Wona, vavasikati votshe va va nga sala nyumbani ka mfumeli wa ka Judha, va na yiswa ka vanana va mfumeli wa Bhabhilona; vavasikativo va na kha vona: “Vangana vako va ku kanganyisile, va ku xute; mikondo yako yi txhibete madhakani, vona va tshumelete msana.”

Jeremiya 6:23

Va ñola malaho ni matxhari; va ni timbiti, kha va na wumbilu; diguwa dawe ngu nga txiwuta txa linene, va gadhile mahantxhi na va di xomile kulwa ni nawe, awe m'horana wa Siyoni.

Jobe 16:9

Txizimu txi ni phatulete kuhenyani ka txona, se txi ni tutumisile; txi gegeresete makwasa ngu ku ni henyela; mlala wangu wa ni ronolela ngu maso akwe.

Masalmo 107:17

Vamwani va mahile sipumbu ngu mhaka ya sionho sawe, ve xaniseka ngu mhaka ya minandu yawe

Isaya 57:13

Ngako u txi dila, sile mi nga ti sengeletela si na mi txhatxhise; kambe moya wu na si teka sotshe, ni kwa mbi nyawula ku na si gula; aniko wule a thembako kwangu a na lumbwa ngu mafu, se mmango wangu wo sawuleka wu na maha thomba yakwe.

Jeremiya 14:17

U na va gela, u txi khawe: Maso angu ma dila mirongo wusiku ni mitshikari, kha yi emi; nguko wotuma, mwanana wa vathu vangu a dayisilwe ka hombe, ni txilonda txa hombe txi thisako.

Jeremiya 32:30

Nguko kukhukhela ha wuphyani kwawe, vanana va ka Israyeli, ni vanana va ka Judha, va mahi va wubihi dwe masoni kwangu, nguko vanana va ka Israyeli va ni henyisile ngu mithumo ya manza awe, kuwomba Mkoma.

Jeremiya 44:22

Mkoma a ti sa dingana kuxaniswa mbimo yayingi ngu wubihi wa mithumo yanu, sinyenyeko si mi nga si maha; ngu toneto ditiko danu di mahile txiwula, ni txixamaliso, ni txiruko, ku si na vo zumba, nga ti ku wonekisako tona nyamsi.

Jeremiya 50:42

Va na teka wulaho ni mkuni; vona mba txixinya, kha va pfeli wusiwana, dipswi dawe di na dhinda nga linene, va na gadha mahantxhi ku nga wamwamna wu a zivako ti taku aya kulwani, kuya kuwukela, awe mwanana wa Bhabhilona.

Obhadhiya 1:7

Vangana vako votshe va kutekile u ya hahanze ka mihingano yako; avale va ti tsakisako ngu kuthutha kwako, va kuxengile, va kuwukete; a vale vadyako dipawu dako, va kuriyete ngu mlawu; Ka Edhomi kuwalo kupfana.

Jeremiya 5:5

Naya ka vahombe, ni naya womba-womba navo; nguko va ziva nzila ya Mkoma, ni milayo ya Txizimu txawe.” Aniko votshe va ti ti funyile dikange, ni kubhenula majoke.

Jeremiya 32:29

Vakaldheya va randelako didhoropa diya, va na wulela ka dona va txi di hisa ngu mndilo, va txi hisa ni tinyumba totshe ati ku hiselwako ka tona mabaselo a Bhahali, ni kuningela miningelo ya kusela ka simwani sizimu, va txi ni henyisa.

Jeremiya 32:34

Aniko va to mahetela manyala awe, nyumbani mu kudhanwako ngu ditina dangu, va txi di nyenyezisa.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Sidilo 2:1

Eto Mkoma a nga fenengetisa tona mwanana wa Siyoni wa dihorana kupandisekani kwakwe ngu marefu! A puluwundisile wudhumo wa Israyeli kukhukhela nzumani kala ha mafuni, kha alakanya txikhigelo txa mikondo yakwe; ka ditshiku da kuhenya kwakwe.

Dhaniyeli 9:5

hi onhile, hi mahile to biha, hi tsimbite ngu kuonhetela, kambe hi eyisile, hi lekile sirumo sako, ni sileleto sako;

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Dhaniyeli 9:13

Dotshe dikhombo dile di hi wete madingano ni tile ti nga bhalwa Mlayoni ka Mosi; hambi keto, kha ha dila masoni ka Mkoma, Txizimu txathu, ngu kuleka sionho sathu, ni ti to hi xayisa wunene wako.