Jeremiya 30:11 - Bhiblia Yo Sawuleka

¹¹ Nguko ani ni kumweko ni nawe, kuva ni txi kuhanyisa, kuwomba Mkoma. Nguko ni na heta otshe matiko awa ni nga ti ku hangalasile ka ona; aniko awe kha ni na mbi kuhetisa; ni na kulaya ngu wululamo, kha ni sikoti ku kuleka u sa pekwa.

Jeremiya 30:11 Referans Kwoze

Jeremiya 10:24

Awe Mkoma, ni tsayise, aniko ngu lipimo li ni dinganako, na i si nga kuhenya kwako, ti taku u txi ni lovisa.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

Jeremiya 4:27

Nguko Mkoma a khene: “Ditiko dotshe di na hasamulwa, aniko na mbi di hetisela magwito.

Jeremiya 1:8

U nga thave masoni kwawe; nguko ni ni nawe, kasi ku ku hulukisa, kuwomba Mkoma!”

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

2 Timoti 4:22

Mkoma a nave ni moya wako! Kateko yi nave ni nanu motshenu!

Mithumo 18:10

nguko ani ni ni nawe, kha ku nga ni m'thu wu a no kuwukela e kumaha ta walo nguko nina ni vathu vavangi didhoropani muwa.”

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Jeremiya 15:20

Ni na kumaha uva diguma da msuku ka ditiko diya; va na lwa ni nawe, aniko kha va na mbi ku xula; nguko ani ni kumweko ni nawe, kuva ni kuhulukisa, kuwomba Mkoma

Jeremiya 5:18

Hambi ti di ngeto, kuwomba Mkoma. Kha ni na mbi ku fuvisela magwito keyo masiku!

Jeremiya 5:10

Kwelani magumani kwawe, mi txi ma khundumusela aniko mi nga ma heteleni magwito. Thaviselani tidhavi tawe nguko hi nga ta Mkoma.

Masalmo 6:1

Mkoma, u nga ni kawuke u di henyile, kambe u nga ni tsayise, u di ni txiviti.

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Ezekhiyele 11:13

Se ku to maheka taku, ni txi ngadi ni profeta, a txi fa Palatiya, mwana Bhenaya; sekoko ni to wa ngu khohe, ni dila ngu dipswi da hombe, ni txi khani: Yowe! Awe Mkoma Txizimu! U lava kuhetisa miboti ya Israyeli kani?

Isaya 43:25

Ani, ani nipune, ngani ni pfhitako sihambunyeto sako, ngu kuranda kwangu, se sionho sako kha ni si alakanyi.

Levhi 26:44

Hambi ka toneto, ngako va di payutwe veya maneka ditikoni ka valala vawe, kha ni na mbi va leka, kha ni na mbi va tsukula aha koza ni txi va fuvisa, ni divala txitumelelano txi ni nga txi maha navo, nguko ani ngani Mkoma, Txizimu txawe.

Dhewuteronome 4:31

Nguko Mkoma, Txizimu txako, Njizimu txa wumbilu, kha na mbi mi leka, kambe kha na mbi mi lovisa, nguko kha na mbi divala txitumelelano txi ene a nga xambanyelana ni vatate vanu.

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Ezekhiyele 6:8

Hambi keto ni na leka vokari ve huluka ditxhari hagari ka matiko, mbimo yile mi no hangalaswa ka matiko.

Hoseya 11:9

Na mbi londetela ta kupanda ka kuhenya kwangu; kha ni na mbi wuya ku ta hoxota Efrayime, nguko ani ni Txizimu, kha ni nga m'thu, Msawuleki hagari kwako; ani kha ni na mbi wulela didhoropani.

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

2 Samuwele 24:12

Tsula u txi ya khawe ka Dhavhidha: Mkoma a womba tiya: Na kuninga simaho siraru; sawula tximwetxo ka sona, ti to ni ku mahela.