Jeremiya 3:8 - Bhiblia Yo Sawuleka

⁸ Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Jeremiya 3:8 Referans Kwoze

Dhewuteronome 24:1

Ngako wamwamna a txi teka msikati wokari, a txi maha totshe tifaneko ta kutekana nayo, aniko ngu msana asi mtsakisi, ngu kuva a di tumbute mhaka yo mbi mtsakisa kwakwe, ene a fanete ku m'bhalela dipapilo do hambana nayo a txi mninga, kasi e mu humisa m'tini kwakwe.

Hoseya 3:4

Nguko vanana va ka Israyeli va na zumba masiku amangi va si na mfumeli, va si na mthangeli, va si na mphaxo, va si na txithombe, va si na efodhe kumbe materafime.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Ezekhiyele 23:9

Ngu kumaha keto, ni mningete manzani ka sigango sakwe, i ku manzani ka vanana va Vasiriya, avale a nga randana navo.

Ezekhiyele 16:47

Hambi keto khwa tsimbila ka tinzila tawe, kambe khwa londisela manyala awe; aniko eto ndidotho, u ti nyetisete ngutu kupinda vona, ka totshe tinzila tako.

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

Dhewuteronome 24:3

se nene a txi mleka, ngu kuva a txi m'bhalela dipapilo do hambana nayo, e mninga manzani kwakwe, a txi mtutumisa m'tini kwakwe; mwendo ngako a txi fa awu wamwamna a nga gwitisa ku mteka,

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Jeremiya 33:24

“Ina u woni ti va ti wombako vathu, va txi kha vona: Tiveleko timbidi ati Mkoma a nga ti sawula, a ti lekile kani? Kambe va txhipisa vathu vangu, va txi nga kha va nga nga va vathu, masoni kwawe.”

Ezekhiyele 16:46

Se mkomwako ngu Samariya, ene ni vanana vakwe vamahorana, a zumbako txibhabha kwako; se mnanda wako, a zumbako ka dianza dako da txinene, ngu Sodhoma ni vanana vakwe vamahorana.

Ezekhiyele 16:51

Hambi Samariya kha maha hafu ya sionho sako; u andisile ngutu manyala ako kupinda vona, se u emete vananu, ngu otshe manyala ale u nga ma maha.

2 Makronika 21:11

A to maha makhalo o guleka amu mimangoni ka va ka Judha, a kujetela vathu va Jerusalema kuva txi onha ni va ka Judha e va yisa ka toneto.

Jeremiya 5:7

“Ni nga ku divalelisa kutxani kani? Vanana vako va ni lekile, va xambanya ngu va i singako sizimu! Hambi ni di va khurisile ngu kudingana, vona va mahile wugango, va to sengeletana nyumbani ka wugango na i di vangi ngutu.

Ezekhiyele 23:44

Se va to randana nayo, kufana ni loku va txi randana ni digelegele; ngu kumaha keto, va to randana ni Ohola ni Oholibha, i ku vavasikati va nduma yo biha.