Jeremiya 3:6 - Bhiblia Yo Sawuleka

⁶ Mkoma a to womba kwangu ka masiku a mfumeli Josiya, a txi khene: “Ina u ti woni ti a nga maha Israyeli wu wo tiwuka kani? Ene a kwete mimango yotshe yo guleka, ni hahatshi ka yotshe mindonga yo nyuka, konamo a ta so mbetete wugangoni.

Jeremiya 3:6 Referans Kwoze

Ezekhiyele 23:11

Mnanda wa kona Oholibha mbimo yile a nga ti wona, a to kulisa wugelegele wakwe kupinda wa mkomwakwe, wugelegele wakwe wu to maha wa hombe kupinda wa mwanawe.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Ezekhiyele 16:31

Mbimo yi u nga ti akela nzuma ka mahandakanya a tinzila, u aka makhalo o guleka kona tinzilanimo, khwa maha nga dibhoyi, nguko u kalate hakhelo;

Jeremiya 17:2

vanana vawe va ti ti alakanya siluvelo sawe ni sifananiso sawe sa Aseri hahatshi ka mindonga yo nyuka mimangoni.

Jeremiya 7:24

Aniko kha va engisa hambi ku riya tinzeve; se va to tsula makungoni kwawe ni mu ka kubanga ka timbilu tawe to biha, va to tshumelela msana, kha vaya masoni.

Jeremiya 3:8

Ni to wona ti taku, hambiko ni nga tovela Israyeli, ni mninga dipasi da kuhambana ngu mhaka ya wugango wakwe, Judha ndiya yakwe yo mbi thembeka, kha thava, aniko nene a to tsula eya maha wona wugangowo.

Isaya 57:7

U veka m'bhedhu wako txitimwi ka mimango yo lapha, ni kuguleka; se u kwela ka yona u maha miphaxo.

1 Vafumeli 14:23

Nguko ni vona va akile makhalo o guleka, ni sithombe, ni kuvata sifananiso, txitimwi ka sotshe simangwana hahatshi ka mindonga yo hanya.

2 Makronika 34:1

Josiya a khatile kufuma a di ni tanga ya mtxhanu wa malembe ni mararu, se a to fumela Jerusalema magumi mararu a malembe ni dilembe dimwendo.

Jeremiya 1:2

Awu dipswi da Mkoma di nga ta kwakwe, ka masiku a Josiya, mwana Amoni, mfumeli wa ka Judha, ngu dilembe da digumi ni mararu da kufuma kwakwe.

Jeremiya 5:11

Nguko nyumba ya ka Israyeli ni nyumba ya ka Judha ti ni ongile ngutu, kuwomba Mkoma!”

Jeremiya 11:10

Va tshumelete sionhoni ka vakokwani vawe, va va nga lamba kuengisa timhaka tangu. Va londetete simwani sizimu, ve si khozela. Nyumba ya ka Israyeli ni nyumba ya ka Judha ti funyile txitumelelano txangu atxi ni nga txi maha ni vatate vawe.

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.

Ezekhiyele 23:4

Se matina awe i ti ti awa: Ohola, i ku mkomwa kona, ni Oholibha, i ku mnanda; va vile vangu, va velekile vanana vavafana ni vamahorana; kasi ngu ditina dakwe Samariya, i Ohola, se Jerusalema, i Oholibha.

Hoseya 4:13

Va phaxela titshokani ka mimango, ve hisa dibaselo txitimwi ka simangwana, hahatshi ka mikusu, ni ka mindonga yo tala ngu matshokoro a mitsudi yo tshamba; ngu toneto, mahorana anu ma geleza, ni va mamanyani vanu va maha wugango.

Hoseya 11:7

Nguko vathu vangu va wekelela ku ni leka, hambiko va dhanako Nyatxitimwi, kha ngaho kwawe a m'guletako.

Valamuli 2:17

Aniko ni ka kudotho kha va engisa valamuli; va to maha wugango wo londeta simwani sizimu, kambe va txi si khizamela; va to kuluveta kuleka nzila yi va nga tsimbila ngu yona vatate vawe, yo engisa sirumo sa Mkoma; se vona kha va mahisa eto.

Masalmo 106:39

Ka toneto ni vona va ti nyenyezisile ngu mithumo yawe ve maneka va sa thembeka ka Txizimu.

Isaya 57:3

Aniko tshuketani hawa, anu vanana va mloyi wa txisikati, anu liveleko la wugango ni wugelegele.

Ezekhiyele 16:35

Ngu tona eto, awe digelegele engisa dipswi da Mkoma.