Jeremiya 3:24 - Bhiblia Yo Sawuleka

²⁴ Nguko tingana dyite mthumo wa vatate vathu. Kukhukhela hi di ngadi vaphya; tinvuta tawe ni tihomu tawe, sizambzana sawe ni sihoranana sawe.

Jeremiya 3:24 Referans Kwoze

Hoseya 9:10

Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa.

Hoseya 10:6

Nene Asiriya a na tekwa ku nga txiningo ka mfumeli Jerebhi; Efrayime a na vhilinganyeka, se Israyeli a nawa tingana ngu mhaka ya milayo yakwe apune.

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Ezekhiyele 16:61

Sekoko u na alakanya tinzila tako, u kanganyiseka, mbimo yi u no amukela vakomwako ni vananda vako, nguko ni na va maha vanana vako, aniko na i si nga ngu txitumelelano txako.

Jeremiya 11:13

Nguko mtengo wa sizimu sako wu dingana ni wa madhoropa ako, awe Judha! Mi emisile magandelo a tingana me dingana ni tiruwa ta mu Jerusalema: I ku siluvelo so hisela kona dibaselo ka Bhahali.

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Jeremiya 22:21

Ni wombawombile ni nawe ti txi ngadi ti kuhumela kwati, Aniko u txi khawe: “Kha ni na mbi engisa.” Ngu ona mahanyelo ako kukhukhela wananani, aku, khu na mbi pfa dipswi dangu.

Jeremiya 44:7

Kona kuwa koko, Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Ngu kota ya ku anu mi mahako kubiha ka hombe ku lwako ni mimoya yanu, kasi kulovisa vavamna ni vavasikati, ka vanana ni ka vale va mamako, hagari ka va ka Judha, mi txi mahela ti to ku si sali ni wammweyo.

Jeremiya 9:18

Va na kuluvete ve hi pekela huwa, kuva maso athu ma na humisa mirongo, ni mikohe yathu yi tala ngu mati!

Ezekhiyele 16:19

Dipawu dangu dile ni nga kuninga, ni mpupu, ni mafura ni wulombe, asi ni nga txi kudyisa sona, kambe u vekile kubhumula masoni ka sona; ti mahisile eto, kuwomba Mkoma Txizimu.

Ezekhiyele 16:20

Hahanze keto, u tekile vanana vako va majaha ni vamahorana, avale u nga ni velekela, u txi phaxa ngu vona ka sona, va txi tshokomiswa; ina wugango wako mbudotho kani?