Jeremiya 3:2 - Bhiblia Yo Sawuleka

² Guleta maso ako mimangoni; ngu hayi hawa u nga mbi maha wugango kani? U verela vona tinzilani kufana ni Vaharabhi amu txiwulani. U nyenyezisile ditiko ngu wugango wako ni wubihi wako.

Jeremiya 3:2 Referans Kwoze

Jeremiya 2:20

Nguko ngale ni di funyile dikange dako, ni bhenula tingoti tako, u nje khawe: Na mbiswa ni txi thuma, nguko u sisate ka yotshe mimango yo guleka, ni hahatshi ka yotshe mindonga yo nyuka, u maha wugango.

Jeremiya 2:7

Ni mi nehile ditikoni ko pfuna, kuva mi ta dya mihando ya kona ni kuzumbiseka ka dona. Aniko hale mi nga wulela ka dona mi di nyenyezisile ditiko dangu; ni thomba yangu mi yi mahile manyala.

Genesisi 38:14

Sekoko a to thavisa syambalo sa mkhwasi, a txi ambala so hehuka, e ti fenengeta, a txi ya khalahatsha ha txikeni ka didhoropa da Enayime, di ku nzilani ka kuya Timina. Nguko a woni taku, Xela se a kute, aniko kha nzi kuningelwa kasiku e tekwa ngu ngene.

Jeremiya 3:1

Vona va kha vona: Ngako wamwamna a txi tovela msikati wakwe, eyo wamsikati e ti tsulela, eya tekwa ngu mmwani wa wamwamna, ina mwamna wakwe wo khata a nga mtshumelela kambe kani? Ditiko edo kha di na mbi bihiswa ngu kumaha eto kani? Aniko awe, u nga hungala ni sigango so tala, ina u na tshumelela kwangu, kuwomba Mkoma.

Dhewuteronome 12:2

Mi na ya haxulela otshe makhalo awa vathu va mi yelako kuya va khozisa, va nga ti khozela ka ona sizimu sawe, txitimwi ka mimango ya hombe, amu ka mimango yo guleka ni mu ka simangwana, ni hahatshi ka yotshe mindonga yo nakana;

Luka 16:23

“Se ngako a di wuzumbeloni ka vafi, hagari ka sixaniso, a to gula maso a txi wona Abrahamu a di kule, ni Lazaro a di mu singarete hakhana kwakwe.

Ezekhiyele 16:16

Kambe u tshurisete makhalo o guleka ngu syambalo sako sa mixowo yo tala, u txi maha wugango txitimwi ka sona; to nga eto kha ti zivi kumaheka, kambe kha ti na mbi ngadi ti maheka.

Jeremiya 7:29

Yola misisi ya msungo wako, u txi yi tshotsha kule, indaya peka huwa mimangoni, nguko Mkoma a lambile ni kuleka lihunzu li li nga wusa kuhenya kwakwe.

Jeremiya 3:21

Mimwayani ko pfala dipswi da sidilo ni kudikwila ka vanana va ka Israyeli; nguko vona va bihisile tinzila tawe, va divate Mkoma, Txizimu txawe.

Jeremiya 3:9

Se Israyeli a to nyenyezisa ditiko ngu wugango wakwe wo thisa, nguko a wu mahile ni marigwi ni sitsha.

Jeremiya 2:23

U nga wombisa kutxani ku khawe, kha na nyenyeziswa, kha na londisela Bhahali kani? Hi nga wona nzila yako mreleloni, alakanya ti u nga maha; awe u dikameli da mazambo di tutumelako hale ni hale.

Mavingu 23:28

Kambe ene, a fana ni dikhokhokho, mbwo zumba ni kusolelela, e andisa vaonhi hagari ka vathu.

Mavingu 7:11

I ti wamsikati wa diguwa ni kanu, mikondo yakwe yi ti si emi hamtini;

2 Vafumeli 23:13

Mfumeli a to nyamisa ni sona siluvelo si nga ti ti maneka txidingeni ka Jerusalema, ngu didhawa da txinene ka mmango wa Masite, si nga ti ti akilwe ngu Solomoni, mfumeli wa ka Israyeli, ka Axitaroti, kunyenyeka ka Vasidhoni ni Kemosi, kunyenyeka ka Vamowabhi ni Milikomi, kunyenyeka ka vanana va Amoni.

1 Vafumeli 11:3

A ti ti ni 700 wa vasikati, ni 300 wa sigango; se vasikativo vakwe va to m'dya mbilu.

Ezekhiyele 20:28

Nguko a kule ni nga ti ti va wuleta ka ditiko dile ni nga guleta dianza, kasi kuvaninga, vona va to wonetela ka sotshe simangwana, ni ka yotshe mindonga yo txhuma, kambe va ningete koneho miphaxo yawe, ve kombisa kona hale ku ni henyisa kwawe ngu miningelo yawe, va txi veketela ni sa kubhumula, se va txi ningela miningelo ya sa kusela.

Masalmo 106:38

Va theketile mnoha wo mbi na mnandu, mnoha wa vanana vawe va vafana ni mahorana, ve phaxela ngu wona ka sithombe sa Kanana se ka toneto va nyenyezisile ditiko.

Jeremiya 3:13

U fanete kutumela wubihi wako dwe, ti taku u lekile Mkoma, Txizimu txako, na u txi tutuma ka madhawa otshe uya ka sizimu sa vamatiko, hahatshi ka mindonga yotshe yo nyuka, kha ma engisa dipswi, kuwomba Mkoma.

Jeremiya 12:12

Vahasamuli va tile mimangoni kotshe ka txiwula, nguko ditxhari da Mkoma di xasela kukhukhela magwito kala kumwani magwito ka ditiko; kha ku na m'thu ni wammweyo a nova ni kuthutha.

Hoseya 2:5

Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.