Jeremiya 3:17 - Bhiblia Yo Sawuleka

¹⁷ Ka yoneyo mbimo, va na kha vona Jerusalema njikhalo txa “Kufuma ka Mkoma”; matiko otshe ma na sengeletana Jerusalema ditinani ka Mkoma; kha va na mbiswa ve tsimbila madingano ni kuranda ka timbilu tawe to biha.

Jeremiya 3:17 Referans Kwoze

Ezekhiyele 43:7

a txi ta khene kwangu: Awe mwanana wa m'thu, awuwa mbukhalo wangu wa wukoma, aho mikondo yangu yi kandako kona, ni na zumba kona hagari ka vanana va ka Israyeli kala kupinduka; kambe va nyumba ya ka Israyeli, kha va na mbi ngadi ve nyenyezisa ditina dangu do sawuleka, vona, hambi vafumeli vawe, ni wugelegele wawe, ni sirumbi sa vafumeli vawe, siluveloni kwawe.

Jeremiya 17:12

Wukhalo wathu wo sawuleka njikhalo txathu txa wukoma txo guleka, txi nga vekwa txitimwi kukhukhela kukhatani.

Zakariya 2:11

Se ka ditshiku dile, matiko amangi ma na sengeletana ka Mkoma, meva vathu vangu; ni na aka hagari kwako, kambe u na ziva tito, Mkoma wa Mabutho a Tiyimbi, a ni rumile kwako.

Jeremiya 11:8

Aniko kha va engisa, hambi kuhuphuta nzeve yawe. Mmweyo ni mmweyo a to so mbetete e mwalaleka ngu kubanga ka mbilu yakwe yo biha. Nguko ni nehile txitimwi kwawe timhaka totshe ta txiya txitumelelano, txi ni nga va laya ku txi xayisa, aniko kha va txi xayisa.

Isaya 66:20

Se va na wuyisa votshe vananu, va hagari ka otshe matiko, kasi kumaha mningelo ka Mkoma, na va di txitimwi ka mahantxhi, ni mu ka sikotxikani, ni mu ka misingo, ni txitimwi ka mamula, ni txitimwi ka mibhedhu, mmangoni kwangu ko sawuleka, kona Jerusalema, kuwomba Mkoma, kufana ni kuva vanana va ka Israyeli va txi tisa miningelo yawe ngu ka siya so basa, Nyumbani ka Mkoma.

Isaya 56:6

Ni ka vanana va valuveli va va no ti ningela ka Mkoma, kasi ku mthumela, ni kudhunda ditina da Mkoma, ngu kumaha keto, veva sithumi sakwe, votshe vale va no xayisa Sabbata, va si yi nyamisi, ni vale va no amukela txitumelelano txangu,

Vagalatiya 4:26

Aniko Jerusalema wa nzumani, eyo a khululekile, ngene i ku mame wathu,

Varoma 1:21

Nguko, hambi va di txi zivile Txizimu, kha va txi dhumisa kota nga Txizimu; hambi ni ku txi bonga kha va txi bonga; kambe va to pengiswa ve yiswa ka ta walo ngu mialakanyo yawe; se timbilu tawe ti pwata wutxhari, ti zumba mtemani.

Jeremiya 31:23

Mkoma wa Mabutho a Tiyimbi, i ku Txizimu txa Israyeli, a khene: Mi ngadi mi txi na womba dipswi diya ka Judha ni madhoropani kwakwe, mbimo yi ni no heta wukhumbi wawe: Mkoma a na kukatekisa, awe m'ti wa kululama, awe mmango wo sawuleka!

Jeremiya 18:12

Aniko va na xamula, va txi kha vona: “Wa ti karata walo, hi na maha kuranda kwathu athu vanyamne, mmweyo ni mmweyo a na maha ngu kubanga ka mbilu yakwe yo biha.”

Jeremiya 16:12

Kasiko koko anu mi mahile to biha ni kupinda vatate vanu; nguko mmweyo ni mmweyo wanu a ta so mbetete e bangisa mbilu yakwe yo biha, ti taku mi si ni engisi.

Jeremiya 14:21

Ngu mhaka ya ditina dako, u nga swireke ngu ngathu, u nga wise tingana txikhalo txako txa wukoma: Alakanya txitumelelano txako ni nathu, u nga txi funye;

Jeremiya 9:14

Kambe, va tsimbite ngu kuranda ka timbilu tawe, ni kulondeta va ka Bhahali, ku nga ti va nga gondiswa ngu vatate vawe.

Jeremiya 7:24

Aniko kha va engisa hambi ku riya tinzeve; se va to tsula makungoni kwawe ni mu ka kubanga ka timbilu tawe to biha, va to tshumelela msana, kha vaya masoni.

Isaya 66:1

Mkoma a womba tiya: Nzuma njikhalo txangu txa wukoma, se mafu njikhigelo txa mikondo yangu. I nyumba muni mi no ni akela anu kani? Niku wukhalo wa kuhumula kwangu i ngava wuhi kani?

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.

Isaya 26:8

Nzilani ka wulamuli wako Mkoma, ha kuverela; ditinani kwako ni mapimoni kwako, kuho kualakanya ka mihefemulo yathu.

Isaya 6:1

Ka dilembe di a nga fa ngu dona mfumeli Uziya, ni to wona Mkoma a di khalahatshile txitimwi ka txikhalo txo guleka txa wukoma; txyambalo txakwe txi txi tata dithepele.

Masalmo 87:3

Awe didhoropa da Txizimu, ta tsakisa ngutu ati Txizimu txi wombawombako, na txi txi dhumisa awe:

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

Valamuli 2:19

Aniko ku txi maheka taku, ngako a txi fa mlamuli, va ti ti tshumela va txi ti nyenyezisa, kupinda vatate vawe, va txi londetela simwani sizimu, va txi si thumela ni ku si khizamela; va si leki ni txa tximwetxo ka simaho sawe, hambi txieyiso txawe.

Dhewuteronome 29:29

Simaha so sisala si lumba Mkoma, Txizimu txathu; aniko simaha si si wonekako, si lumba athu ni vanana vathu, yotshe mbimo, kasi ku hi na xayisa mapswi a mlayo wuwa.

Mitengo 15:39

Ngu mhaka yeto, makhatxa a kona, mbimosi mi no ma wona, ma na mi maha mi khumbula milayo ya Mkoma, kasi kuxayisa milayo tito, mi si londeti minavelo yo biha ya wugango.

Genesisi 8:21

Se Mkoma a to hefemula, a txi pfa kubhumula, a txi khene kha Mkoma mbiluni kwakwe: “Ani kha ni na mbi ngadi ni ruketela ditiko ngu mhaka ya m'thu, nguko mipimiso ya mbilu ya m'thu njo biha, kukhukhela wananani kwakwe; kha ni na mbi ngadi ni daya kambe sotshe sivangwa si si hanyako, kufana ni ti ni nga ti maha.

Varoma 6:14

Se txionho kha txi na mbi va ni mtamo txitimwi kwanu, nguko anu kha mi nga hahatshi ka mlayo, aniko mi hahatshi ka kateko.

Ezekhiyele 1:26

Se txitimwi ka ndengalenga yile yi nga ti ti txitimwi ka misungo ya sona, ku ti ti ni txitulu txa wukoma txo nga dirigwi da safira; se txitimwi ka txile txo fana ni txitulu txa wukoma, ku ti ti ni txo fana ni m'thu, ngu txitimwi ka kona.

Isaya 66:18

nguko na ziva mithumo yawe ni myalakanyo yawe! Mbimo yata, yile ni no sengeleta otshe matiko ni tidimi; va nata ve ta wona wudhumo wangu.

Jeremiya 3:19

Se ani ni txi khani: Ni na kuvekisa kutxani hagari ka vanana, ni na kuninga ditiko da kunaveleka, i kuthomba ya mabutho a matiko kani? Ni txi khani: Mi na ni dhana mi txi khanu: Tata. Kha mi na mbiswa mi phawuka mi txi ni siya.

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Jeremiya 12:15

Aniko msana ka kuva ni ti va dute, ni na tshumela ni va pfela wusiwana, ni na va tshumeta, mmwani ni mmwani thombani kwakwe, mmwani ni mmwani e tshumelela ditikoni kwakwe.

Jeremiya 12:16

Ngako va di gondile tinzila ta vathu vangu, ti taku va txi xambanya ditinani kwangu, va txi kha vona: Mkoma a hanyako; nga ku va nga gondisa vathu vangu kuxambanya ngu Bhahali, sekoko va na maneka hagari ka vathu vangu.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Jeremiya 33:9

Se adiya didhoropa di na va da ditina da litsako ni kudhumisa ni wudhumo, hagari ka otshe matiko a ha mafuni, ma no pfa wotshe wunene wu ni mmahelako; kambe va na xamala, ni kudhudhumela, ngu mhaka ya wotshe wunene, ni mhaka ya kotshe kuthutha, aku ni di ningako.

Ezekhiyele 48:35

Kuranganyetwa ngu 18.000 wa tipimo; kambe ditina da didhoropa kukhukhela ditshiku dile i nava: Mkoma Waho Hale.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

1 Vafumeli 8:41

Mu engise nene mluveli wule i singako wa vathu vako va ka Israyeli, wa kuva a tako ngu ka matiko a kule, ngu kuranda ditina dako

Masalmo 102:23

Ene a ni hungute mitamo hagari ka nzila, a komisile masiku a kuhanya kwangu.