Jeremiya 3:15 - Bhiblia Yo Sawuleka

¹⁵ Ni na mi ninga vadyisi va tsakisako mbilu yangu, ava va no mi dyisa ngu wuzivi ni kupima.

Jeremiya 3:15 Referans Kwoze

Jeremiya 23:4

Ni na emisa vadyisi txitimwi ka tona, ava va no ti dyisa. Kha ti na mbi ngadi ti thava, hambi kudhudhumela, kha ku na mbi pwateka ni ya yimweyo, kuwomba Mkoma.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Ezekhiyele 34:23

Kambe ni na ti wusela m'dyisi mmweyo dwe, se ene a na ti dyisa; txithumi txangu Dhavhidha a no ti dyisa; ene a na va m'dyisi wa tona.

Mavingu 10:21

Txisofu txa m'thu wo lulama txa dyisa votala, aniko siphukuphuku ngu kupwata mapimo, sa fa.

1 Vakorinto 2:6

Hambi keto, athu hi womba-womba ngu wuzivi hagari ka vale i ku vo thembeka, kambe hi womba-womba ngu wuzivi wo va i si nga wa ditiko diya, awu kambe i si nga wuzivi wa va va fumako ditikoni muwa, ava va no gwita ngu kufa.

Ezekhiyele 37:24

Se txithumi txangu Dhavhidha a na fuma txitimwi kwawe, votshe va na va ni m'dyisi mmweyo; kambe va na tsimbila ngu wululamo wangu, ni kuvekisa sileleto sangu, va na si maha.

Luka 12:42

Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

1 Pedro 2:2

nga vanana va tikereke, navelani masi a Moya kasi ku ona ma na sikota ku mi ninga kukula, mi ya kuhanyiswani,

1 Samuwele 13:14

Kambe konkuwa mfumo wako kha wu na mbi ya masoni; Mkoma a ti lavete m'thu mmwani awu a tsakisako mbilu yakwe. Mkoma a m'vekile ku va mthangeli txitimwi ka vathu vakwe, nguko khwa xayisa a ti Mkoma a nga kuleleta.

Jeremiya 31:10

Engisani Dipswi da Mkoma anu matiko, zivisani sitondolo sa kule, mi txi khanu: Awu a nga hangalasa Israyeli a na mu sengeleta, a txi mu xayisa nga m'dyisi ka tinvuta takwe.

Ezekhiyele 34:2

Awe mwanana wa m'thu, profeta u wukela vadyisi va Israyeli; profeta u gela vadyisi va ka Israyeli ku khawe: Mkoma Txizimu a khene: Dikhombo ka vadyisi va ka Israyeli va ti dyisako vona vapune! Ina vadyisi kha va na mbi dyisa tinvuta kani?