Jeremiya 3:10 - Bhiblia Yo Sawuleka

¹⁰ Hambi keto, Judha, ndiyakwe wo mbi thembeka, kha wuya ngu mbilu yakwe yotshe, aniko ngu wuviyaku, kuwomba Mkoma.”

Jeremiya 3:10 Referans Kwoze

Hoseya 7:14

Se kha va dila kwangu ngu timbilu tawe, kambe va txi keta va di hamatahoni kwawe; va tshanganete fulaho ni vhinya, aniko ani va ni tshuralete.

Jeremiya 12:2

Awe u va phayile ve zima mitwi; ve kula, ve ninga mihando. Awe u hafuhi ni sisofu sawe, aniko u kule ni timbilu tawe.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Masalmo 66:3

Wombani mi txi khanu ka Txizimu: “Mithumo yako ya diwukisa, Txizimu! Mtamo wako mbwa hombe ngutu aha koza valala vako ve nama ve dhudhumela masoni kwako.

Masalmo 18:44

Ngu kupfa dipswi dangu, va na ni engisa; Vamatiko va na khoza kwangu.

2 Makronika 34:33

Se Josiya a to thavisela sotshe so nyenyeza sa matiko otshe a vanana va Israyeli e maha ti to votshe va va ku ditikoni ka Israyeli ve khozela Mkoma, Txizimu txawe; ka masiku otshe a kuhanya kwakwe, va Israyeli kha va leka Mkoma, Txizimu txa vatate vawe.

Isaya 31:6

Hundulukelani ka wule koko vanana va ka Israyeli va nga mtshuralela ngutu.

Jeremiya 11:10

Va tshumelete sionhoni ka vakokwani vawe, va va nga lamba kuengisa timhaka tangu. Va londetete simwani sizimu, ve si khozela. Nyumba ya ka Israyeli ni nyumba ya ka Judha ti funyile txitumelelano txangu atxi ni nga txi maha ni vatate vawe.

Amosi 4:9

Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Jeremiya 9:1

I ti ku msungo wangu ka Txizimu wo hinduka wu ve mati, ni maso angu kuva txibuka txa mirongo, sekoko ni ndi na va dila wusiku ni mitshikari, vafi va mwanana wa txisikati wa vathu vangu!

Malakiya 2:11

Judha a lekile mlayo, se a mahile manyala ka Israyeli ni Jerusalema; nguko Judha a nyenyezisile wukhalo wo sawuleka wa Mkoma, awule ene a wu dhundako, se e teka mwanana wa dihorana da txizimu txa walo.