Jeremiya 29:32 - Bhiblia Yo Sawuleka

³² Ngu konaho Mkoma a khene: Ani ni na tsayisa Semaya wa Nehelama ni vanana vakwe; kha na mbi va ni m'thu wo zumba hagari ka vathu vava, kambe kha na mbi wona makatekwa ni no mahela vathu vangu, kuwomba Mkoma, nguko a wombawombile to wukela Mkoma.

Jeremiya 29:32 Referans Kwoze

Jeremiya 28:16

Ngu konaho, Mkoma a khene: Ni na kuthavisa ha mafuni, u na fa ka dona dilembe diya, nguko u wommbawombile ngu kukaneta, u txi wukela Mkoma.

Jeremiya 17:6

Nguko a na fana ni txitxhotxhota txa txiwulani, kha na mbi ma wona makatekwa ma txita; aniko a na zumba ka makhalo ma nga hya mu txiwulani, ka ditiko da mnyu di di singako ni m'thu.

Jeremiya 22:30

Mkoma a khene: “Dhanani ditina da m'thu wuwa ti taku kha nga ni vanana, kha na mbi mana kuhumelela kuhanyani kwakwe, nguko kha ku na mbi humelela ni mmweyo wa vanana vakwe, ti taku e ningwa kuzumba txikhaloni ka mfumo wa Dhavhidha, e fumela Judha.”

2 Vafumeli 7:2

Sekoko mthangeli wa yimbi awule a nga ti sanzekile kwakwe diwoko mfumeli, a to xamula ka Elixa, m'thu wa Txizimu, a txi khene: Hambi i ti ku Mkoma o maha mafasitela nzumani, ti ndi na maheka toneto kani? Se Elixa a to khene: Sekoko u na ti wona ngu maso ako, hambi keto kukhukhela ka koneho khu na mbi dya.

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.

Jeremiya 35:19

Mkoma wa Mabutho a Tiyimbi, Txizimu txa ka Israyeli, a womba tiya: Kha ku na mbi pwateka wamwamna ka Jonadhabhe, mwana Rekabhi, awu a no ema masoni kwangu ka otshe masiku.

Jeremiya 20:6

Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”

Isaya 14:22

Nguko ni na va wukela, kuwomba Mkoma wa Mabutho a Tiyimbi, ni na fuvisa ditina da Bhabhilona ni misalelwa ya kona, vanana ni vatukulu, kuwomba Mkoma.

Isaya 14:20

Khu na mbi tshotshwa kumweko navo, nguko u haxute ditiko dako, u dayela vathu vako, lihunzu la va kubiha kha li na mbi khumbukwa.

2 Vafumeli 5:27

Ngu kumaha keto, xokonho ya Nahanani yi na tshapela kwako, ni ka liveleko lako kala kupinduka. Se Gehazi a to khukha masoni ka Elixa, na a di ni xokonho yo maha ngu ku xwee, nga hunguva.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Dhewuteronome 13:5

Se mprofeti wule mwendo mlori, a fanete kudawa, nguko a kujetete vathu kuhambana ni Mkoma, Txizimu txanu, awu a nga mi humisa ditikoni ka Egipta, a txi mi hulukisa ka nyumba ya wukhumbi; kasi ku mi hambukisa ka nzila yi Mkoma, Txizimu txanu, a nga mi leleta, kasi ku mi tsimbila ngu yona; ngu kumaha keto, mi na thavisa wubihi hagari kwanu.

1 Vafumeli 13:18

Ene a m'gete ku khene: Nani ni mprofeti kufana ni nawe, se ngelozi yi to ni angula ngu dipswi da Mkoma, yi txi kha yona: Mmahe e tshumela ni nawe mi tsula m'tini kwako, kasi ku eya dya dipawu, ni kusela mati (kambe a to mu hembete).

Jeremiya 29:24

Gela Semaya wa Nehelame, u txi khawe:

Jeremiya 30:1

Mhaka yi nga ta ka Jeremiya, yi txi kha yona:

Jeremiya 36:31

Ni na tsayisa ene ni liveleko lakwe ni sithumi sakwe ngu mhaka ya wubihi wawe; ni na tisa txitimwi kwawe ni txitimwi ka vazumbi va Jerusalema ni txitimwi ka vathu va ka Judha, makhombo otshe awa ni nga ma womba txitimwi kwawe, aniko kha va engisa.

Ezekhiyele 20:38

Ni na thavisa hagari kwanu avale va kutitsimba, ni vale va nga ni wukela; ni na va thavisa ka matiko ale va luvelako ka ona, aniko kha va na mbi tshumelela ka ditiko da ka Israyeli; se mi na tiziva taku ani ngani Mkoma.

Amosi 9:10

Votshe vaonhi va ditiko dangu va na fa ngu ditxhari, ava va ku kha vona: Wubihi kha wu na mbi gwatama ni nathu, hambi ku hi mana.