Jeremiya 29:3 - Bhiblia Yo Sawuleka

³ Dipapilo di tsute ni Elasa, mwana Xafani, ni Gemariya, mwana Hilikiya, (ava Zedhekiya, mfumeli wa ka Judha, a nga ti va rumile kuya Bhabhilona, ka Nebhukodhonosori, mfumeli wa Bhabhilona), a txi khene:

Jeremiya 29:3 Referans Kwoze

Ezekhiyele 8:11

Kambe ku ti ni mtxhanu wa magumi ni magumi mambidi a vavamna, ka madhota a nyumba ya ka Israyeli, ni Jezaniya, mwana Safani, va nga ti ti hagari ka sona, va ti ti emile masoni ka sile so pendwa, kambe mmweyo ni mmweyo a ti ti ni dibaselo dakwe; se ku ti ti kwela wutshi wo thisa wa dibaselo.

Jeremiya 39:14

va to rumwa kuya humisa Jeremiya banzani ka vawoneleli, va txi mu ningela manzani ka Gedhaliya, mwana Ahikamu, mwana Xafani, ati to e tsula nayo m'tini kwakwe; se ene a to zumba hagari ka vathu.

Jeremiya 36:25

Elnatani ni Dhelaya ni Gemariya va to khongotela mfumeli ti to asi hisi dibhuku, aniko kha va engisa.

Jeremiya 26:24

Diwoko da Ahikamu, mwana Xafani, di ti ti kumweko ni Jeremiya, ti taku asi ningelwi manzani ka vathu a txi dawa.

2 Makronika 34:20

Se mfumeli a to ruma Hilikiya ni Ahikamu mwana Safani, ni Abhidhoni mwana Mika, ni Safani mabhalani, ni Asayasi, txithumi txa mfumeli a txi khene:

1 Makronika 6:13

Salumi a to veleka Hilikiya, Hilikiya a to veleka Azariya;

2 Vafumeli 22:12

Se mfumeli a to ruma Hilikiya mphaxeli, ni Ahikamu, mwana Safani, ni Akibhori, mwana Mikaya, ni mabhalani Safani, ni Asaya, txithumi txa mfumeli, a txi khene:

2 Vafumeli 22:8

Sekoko mphaxeli wa hombe Hilikiya, a to khene ka mabhalani Safani: Ni tumbute dibhuku da Mlayo Nyumbani ka Mkoma, se Hilikiya a to ningela dibhuku ka Safani, ene a to di gonda.

2 Vafumeli 18:18

Se va ti dhanile mfumeli, ku to humelela masoni kwawe Eliyakimu, mwana Hilikiya, mthangeli wa nyumba ya wukoma, ni mabhalani wa kona Sebhina, ni Jowa mwana Asafe, didhota da mfumeli.

1 Makronika 2:39

Se Azariya a to veleka Helesi, se Helesi a to veleka Eleyasa.

Jeremiya 26:22

Mfumeli Jehoyakimu a to rumela vathu vo londeta Uriya ditikoni ka Egipta, i Elinatani, mwana Akibhori, ni vavamna vokari a nga ti navo.