Jeremiya 29:26 - Bhiblia Yo Sawuleka

²⁶ Mkoma a ku emisile ku va mphaxeli ka wukhalo wa Jehoyadha, mphaxeli, kasi kumaneka vathangeli Nyumbani ka Mkoma, ti taku, u txi sunga ngu makhodha ni tingoti, ava va xangako, va txi ti maha vaprofeti.

Jeremiya 29:26 Referans Kwoze

2 Vafumeli 9:11

Jehu a to huma eya ka sithumi sa nyamne wakwe, si txi kha sona: I thenga kani? Dibhemba diya di tete txani kwako kani? Se Jehu a to khene kwawe: Anu ma m'ziva wamwamna wule, ni mawombawombelo akwe.

Mithumo 26:24

Paulo, a di ngadi a txi ti angulela ngu mapswi awa, Festo a to gula dipswi, a txi khene: “Wa xanga, mo Paulo! Sigondo si sako sasingi sa kuxangisa!”

Johani 10:20

Wungi wawe, va ti ti kha vona: “Ana ni didhimoni, a hundekile! Ngu kutxani mi mu engiselako kani?”

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Mithumo 16:24

Ene, ngako a di amukete txileleto txiya, a to va wuleta ka txinyumbana txi txi ku mndani ka mkora, e va sungelela minenge ha mitandani.

Marku 3:21

Va ka kwawe, ngako va txi pfa toneto, va to ta ku ta mñola, nguko va ti ti kha vona: “A hambanekile msungo.”

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

2 Vakorinto 11:33

Aniko ni to khonelwa mu ka txirundu, ve ni txiritela ngu difasitela da diguma, se ni txi hulukisa toneto ka manza akwe.

Mithumo 26:11

Sikhati sasingi, mbimo yi ni nga ti tsimbilatsimbila ka otshe masinagoga, ngu tshofu ni ti va kurumeta kuruketela Txizimu; se ngu kuhenya ko pindisa, ni ti va xanisa hambi madhoropani ka mamwani matiko.”

Mithumo 5:24

Sekoko mthangeli wa vawoneleti va Dithepele ni vaphaxeli va hombe, ngako va txi pfa mahungu awa, va to dhuka ngu ona, va txi kha vona: “Mhaka yiya yi na gumela hani?”

Mithumo 5:18

ve ñola vapostoli ve va khotela mkorani ka didhoropa dile.

Mithumo 4:1

Ngako Pedro ni Johani va di ngadi va txi womba-womba ni vathu, ku to bwaka vaphaxeli ni nduna ya Dithepele ni Vasadhusi;

Johani 10:33

Vajudha va to xamula, va txi kha vona: “Kha hi lavi ku kubalisela ngu mhaka ya mthumo wa kutshura, aniko ngu mhaka ya txiruko, nguko awe, u ku m'thu, u ti maha Txizimu.”

Johani 8:53

Ina u wa hombe awe, kupinda Tate wathu Abrahamu, awu a nga fa kani? Ni vaprofeti ni vona va nga fa. Awe u ti maha mani kani?”

Matewu 21:23

Msana keto, a to wulela Dithepeleni. Mbimo yi ene a nga ti gondisa, vaphaxeli va hombe ni madhota a ditiko va to mu yela va txi ya kha vona kwakwe: “U wu mana hani mtamo wa kumaha tiya kani? I mani a nga kuninga mtamo wo ngeto kani?”

Jeremiya 38:28

Se ene Jeremiya a to zumba ka wukhalo wa vawoneleli, kala ka ditshiku dile Jerusalema a nga khoziswa ngu dona.

Jeremiya 38:6

Sekoko, va to ñola Jeremiya ve mu releta diphalani ka Malikiya, mwana mfumeli, adi di nga txi maneka dizumboni ka vawoneleli; ve mreleta Jeremiya ngu ngoti. Diphalanimo ku si nga ni mati, hahanze ka madhaka; se Jeremiya a to txhibela madhakani.

Jeremiya 29:27

Ngu kutxani u nga mbi kawuka Jeremiya wa niya Anatote, awu a profetako hagari kwanu?

2 Makronika 18:26

Mi na womba ku khanu: Mfumeli a khene: Mu wuleteni mkorani mi txi mu xanisa ngu ku mtona sakudya ni mati, kala ni wuya ngu kuthutha.

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

2 Vafumeli 11:18

Sekoko votshe vathu va to wulela nyumbani ka Bhahali, ve yi khundumusela, va to fayetela siluvelo sakwe ni sithombe sakwe, ve daya Matani mphaxeli wa Bhahali, hafuhi ni siluvelo. Sekoko mphaxeli Joyadha, a vekile vawoneleli Nyumbani ka Mkoma.

2 Vafumeli 11:15

Ngu konaho, mphaxeli Joyadha a to gela vathangeli va mazana va nga txi thangela tiyimbi ku khene: M'humiseni hahanze ka titxhatxha ta vawoneleli, se ni wuhi a no lava ku mlwela, m'dayeni ngu ditxhari. Nguko mphaxeli a ti khene: Mi nga m'dayeleni Nyumbani ka Mkoma.

Mithumo 26:25

Paulo a txi khene: “Ani kha na xanga, mfumeli Festo; kambe ni womba mapswi a ditshuri ni a wuzivi.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.