Jeremiya 29:1 - Bhiblia Yo Sawuleka

¹ Se atiya ngu tona timhaka ta dipapilo da mprofeti Jeremiya ngu Jerusalema, ka madhota ale ma nga sala wukhumbini, ni ka vaphaxeli, ni ka vaprofeti, ni ka votshe vathu, va va nga ti ñotwe ngu Nebhukodhonosori kona Jerusalema, va txi yiswa Bhabhilona,

Jeremiya 29:1 Referans Kwoze

Esteri 9:20

Se Mordhekayi a to bhala timhaketo, e rumela mapapilo ka votshe Vajudha vale va nga ti maneka ka otshe matiko a hombe a mfumeli Asuwero, ka va hafuhi ni ka va kule,

Vahebheru 13:22

Vanathu, na mi kurumeta kutimisela ka mapswi awa ni mi layako ngu ona. Nguko, ni mi rumete amadotho dwe.

Mithumo 15:23

Se va to rumela ngu vona dipasi di va nga bhala ta ku kha vona: “Vapostoli ni madhota, i ku vananu, kwanu vanathu mi ku va lihunzu la vamatiko va va ku Antiyokiya, ni Siriya ni Kilikiya, ha mi losa!

2 Vakorinto 7:8

Nguko, hambi ni di mi pandisile ngu dipapilo dangu, kha ni ngadi ni ti sola, ngu tona; nguko hambi ni di ti sote kukhatani, ngu ku ti wona ti to dipapilodo di mi pandisile ka mbimo ya yidotho,

Jeremiya 28:4

Kambe ni na wuyisa ka wuwa wukhalo Jokoniya, mwana Jehoyakimu, mfumeli wa ka Judha, ni totshe tikhumbi ta ka Judha, ti nga yiswa Bhabhilona, kuwomba Mkoma, nguko ni na funya dikange da mfumeli wa Bhabhilona.

Vagalatiya 6:11

Hi ngani wona ti li nga kulisa tona lyanza li ni mi bhalelako ngu lona. Ngani nipune ni litsako ngu dianza dangu.

2 Vafumeli 24:12

Sekoko a to huma Jowakimu, mfumeli wa ka Judha, eya ka mfumeli wa Bhabhilona, kumweko ni mwamwakwe ni sithumi sakwe, ni madhota akwe, ni mithenwa yakwe; se mfumeli wa Bhabhilona a to mñola, ka dilembe da wutxhanu ni mararu da kufuma kwakwe.

2 Makronika 36:10

Msana ka kuva ku di pindile dilembe, Nebhukodhonosori a to rumela vathu vo ya mu teka ve mu yisa Bhabhilona, ve teka ni siya sa lisima sa Nyumbani ka Mkoma ve tsula naso. Se a to veka mwanawe Zedhekiya, a txi fuma txitimwi ka va ka Judha ni Jerusalema.

Jeremiya 28:17

Se mprofeti Hananiya, a to fa ka dona edo dilembe, ka mtxima wa wutxhanu ni yimbidi.

Jeremiya 29:8

Nguko Mkoma wa Mabutho a Tiyimbi, Txizimu txa ka Israyeli, a khene: Mi nga lundumisweni ngu vaprofeti vanu, ava va ku hagari kwanu, ni vahuteteli vanu, mi nga dhuke mi txi engisa miloro yawe.

Jeremiya 29:20

Ngu konaho, pfanani mhaka ya Mkoma, anu motshenu mi ku wukhumbini, anu ni nga mi rumela ngu Jerusalema kuya Bhabhilona.

Jeremiya 51:61

Se Jeremiya a ti khene ka Serayasi: Aha u no hoka Bhabhilona, u na ma wona ni kugonda otshe mapswi awa.