Jeremiya 28:6 - Bhiblia Yo Sawuleka

⁶ Mprofeti Jeremiya koko a txi khene: Amen! Mkoma a na ti mahe eto. Mkoma a na tatise timhaka tako, ati u nga ti profeta, ta ku wuyisa siya sa Nyumba ya Mkoma, ni votshe va ku wukhumbini ka Bhabhilona, va txi wuya hawa.

Jeremiya 28:6 Referans Kwoze

Masalmo 41:13

A na dhumiswe Mkoma, Txizimu txa ka Israyeli, konkuwa ni yotshe mbimo! Ti na maheke! Amen ni amen!

1 Vafumeli 1:36

Se Bhenaya mwana Joyadha, a to xamula ka mfumeli, a txi khene: “Amen: A na wombise toneto Mkoma, Txizimu txa mfumeli, nyamne wangu.”

Jeremiya 11:5

kasi ni na tsanisa txifungo txi ni nga txi xambanya ka vatate vanu: Txa kuvaninga ditiko di khulungako masi ni wulombe, nga ti ku ku ngu tona nyamsi. Sekoko ni to xamula, ni txi khani: Amen, Awe Mkoma!

Mtuletelo 19:4

Se madhota a magumi mambidi ni mune, ni sivangwa sa mune so hanya, si to khizama masoni ka Txizimu, txi nga khalahatsha ha txikhaloni ka wukoma, si txi khozela si txi kha sona: “Amen! Haleluya!”

Mtuletelo 5:14

Ani sivangwa si sa mune si hanyako si to womba si txi kha sona: “Amen.” Se madhota ma to khizama ma txi khozela.

Mtuletelo 3:14

Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.

Mtuletelo 1:18

Ani ni wule a hanyako; ni li zivile lifo, aniko ndiko na hanya kala kupinduka. Kambe nina ni tikhiya ta lifo ni ta wukhalo wa vafi.

2 Vakorinto 1:20

Nguko, sotshe sithembiso sa Txizimu, si mani “Ina” wa sona kwakwe Jesu Kristu. Ngu toneto, hi pfalisako Txizimu ngu ngene hi txi “Amen.”

1 Vakorinto 14:16

Nguko, ngako u txi bonga ngu moya wokha ka Txizimu, se awule i kova m'thu dwe msengeletanoni, eko asi ti pfiko ati u wombako, a na sikotisa kutxani kuangula, a txi “Amen” ka mkombelo wako wa kubonga, kani?

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Matewu 6:13

U nga hi leke hi txi wa kudukwani, kambe hi thuse ka m'bihi.” [Ngukuva Mfumo mbwako, ni mtamo ni wudhumo kala kupinduka. Amen.]

Jeremiya 28:3

Ma txi nave ma di pindile malembe mambidi, ni na wuyisa ka wuwa wukhalo sotshe siya sa Nyumba ya Mkoma, asi Nebhukodhonosori, mfumeli wa Bhabhilona, a nga si tekela kona, a txi si heleketa Bhabhilona.

Jeremiya 18:20

Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

Jeremiya 17:16

Ani kha na lamba kuve m'dyisi wu kambe i ku didhota, kha na verela ditshiku da dikhombo; awe wa tiziva. Ati ti nga huma ngu txisofuni kwangu, ti wombilwe masoni kwako.

Masalmo 106:48

A na bongwe Mkoma Txizimu txa Israyeli, konkuwa ni yotshe mbimo! Votshe vathu va na wombe va txi kha vona: “Amen!” Dhumisani Mkoma!

Masalmo 89:52

A na dhumiswe Mkoma kala kupinduka. Amen! Ni Amen!

Masalmo 72:19

Di na dhumiswe yotshe mbimo ditina da txona da wudhumo ni dotshe ditiko di na tale ngu wudhumo wa txona! Amen! Amen!

1 Makronika 16:36

Ku na dhumiswe Mkoma Txizimu txa Israyeli, ngu malembe ni malembe. Se votshe vathu va to kha vona: Amen! Se ve dhumisa Mkoma.

Mitengo 5:22

a ti to mati awa o bava ma txi wulela mndani kwako, kasi ku mrumbu wako wu txi simba ni kuoma tinyonga tako! Se wamsikati a na xamula a txi khene: Amen! Amen!

Zakariya 6:10

Amukela miningelo ya vale va nga yiswa wukhumbini: Ya Heldhayi, ya Tobhiya, ni ya Jedhaya (se uya kwawe ka dona ditshiku dile, u ya wulela nyumbani ka Josiya, mwana Zefaniya), i ku va va nga wuya ngu Bhabhilona.