Jeremiya 28:3 - Bhiblia Yo Sawuleka

³ Ma txi nave ma di pindile malembe mambidi, ni na wuyisa ka wuwa wukhalo sotshe siya sa Nyumba ya Mkoma, asi Nebhukodhonosori, mfumeli wa Bhabhilona, a nga si tekela kona, a txi si heleketa Bhabhilona.

Jeremiya 28:3 Referans Kwoze

2 Vafumeli 24:13

A to thavisa totshe tithomba ta Nyumbani ka Mkoma ni ta nyumbani ka mfumeli; a to fayetela sotshe siya sa nzalama si nga ti ti mahilwe ngu Solomoni mfumeli wa Israyeli, dithepeleni ka Mkoma, madingano ni tile a nga ti wombile Mkoma.

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

2 Makronika 36:10

Msana ka kuva ku di pindile dilembe, Nebhukodhonosori a to rumela vathu vo ya mu teka ve mu yisa Bhabhilona, ve teka ni siya sa lisima sa Nyumbani ka Mkoma ve tsula naso. Se a to veka mwanawe Zedhekiya, a txi fuma txitimwi ka va ka Judha ni Jerusalema.

Masalmo 90:10

Masiku a kuhanya kwathu nga mtxhanu wa magumi ni magumi mambidi a malembe; avale va ku ni mtamo va hoka ka mtxhanu wa magumi ni magumi mararu a malembe, aniko i malembe a sikarato ni kupandiseka. Nguko ma pinda ngu kukuluveta, se athu hi mwalala.

Genesisi 47:28

Jakobe a hanyile digumi da malembe ni mtxhanu ni mambidi ditikoni ka Egipta, kambe otshe malembe a tanga yakwe i ti 147.

Genesisi 47:9

Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

2 Makronika 36:7

Nebhukodhonosori a to teka ni siya sokari sa Nyumbani ka Mkoma, e tsula naso Bhabhilona, eya si veka dithepeleni kwakwe, kona Bhabhilona.