Jeremiya 28:16 - Bhiblia Yo Sawuleka

¹⁶ Ngu konaho, Mkoma a khene: Ni na kuthavisa ha mafuni, u na fa ka dona dilembe diya, nguko u wommbawombile ngu kukaneta, u txi wukela Mkoma.

Jeremiya 28:16 Referans Kwoze

Jeremiya 29:32

Ngu konaho Mkoma a khene: Ani ni na tsayisa Semaya wa Nehelama ni vanana vakwe; kha na mbi va ni m'thu wo zumba hagari ka vathu vava, kambe kha na mbi wona makatekwa ni no mahela vathu vangu, kuwomba Mkoma, nguko a wombawombile to wukela Mkoma.

Genesisi 7:4

Nguko, ku di pindile mtxhanu wa masiku ni mambidi, ni na maha ti to mndani ka mune wa magumi a masiku, ku txi wa mati wusiku ni mitshikari, kasi ku ni na lovisa ha mafuni sotshe sivangwa si ni nga si maha.”

Jeremiya 20:6

Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”

1 Vafumeli 13:34

Eto ti mahile txionho nyumbani ka Jerobhowamu, kasi ku yi hasamula ni ku yi fuvisa ha mafuni.

Dhewuteronome 6:15

Nguko Mkoma, Njizimu txako, atxi txi nga aka hagari kwanu, Njizimu txa txiluse; ngako kuhenya ka Mkoma, Txizimu txako, ku txi vhiluka, ene a nga kufuvisa ha mafuni.

Eksodha 32:12

Nguko Vaegipta va na womba va txi kha vona: Ene a va humisile ngu moya wa kubiha, kasiku a txi ya va daya kona mimangoni a txi va fuvisa ha mafuni! Tshumeta txiviti txa kuhenya kwako, u txi tshumeta txikhawuliso txi u nga ti lava ku txi maha ka vathu vako.

Amosi 9:8

Wonani ti to maso a Mkoma Txizimu malwa ni mfumo wa sionho, se ani na wuhoxota wotshe txitimwi ka mafu; kambe kha ni na mbi hoxota nyumba ya Jakobe do gwita: Kuwomba Mkoma.

Jeremiya 28:3

Ma txi nave ma di pindile malembe mambidi, ni na wuyisa ka wuwa wukhalo sotshe siya sa Nyumba ya Mkoma, asi Nebhukodhonosori, mfumeli wa Bhabhilona, a nga si tekela kona, a txi si heleketa Bhabhilona.

Mitengo 29:32

Ngu ditshiku da wutxhanu ni mambidi, mi na ningela mtxhanu wa marole ni mambidi, ni tihamba timbidi, ni digumi da sinvutana ni mune, sa dilembe dimwedo, sa kwa mbi na sibawa.

Mitengo 14:37

ava va nga neha m'biko wo biha ni kukanyisa ditiko, va to fa ngu tshiku masoni ka Mkoma.”

Jeremiya 28:17

Se mprofeti Hananiya, a to fa ka dona edo dilembe, ka mtxima wa wutxhanu ni yimbidi.

Amosi 7:17

Ngu toneto, Mkoma a womba tiya: Msikati wako a na geleza a di didhoropani, vanana vako vamahorana ni vanana vako va mazambi, va na wa ngu ditxhari, ditiko dako di na abaniswa ngu ngoti yo songa, awe u na fa ka ditiko do nyenyeza, aniko va Israyeli, ngu ditshuri va na tsuliswa wukhumbini, hahanze ka ditiko dawe.