Jeremiya 28:15 - Bhiblia Yo Sawuleka

¹⁵ Mprofeti Jeremiya a to engeta e womba ka mprofeti Hananiya, a txi khene: Engisa-ka, Hananiya; Mkoma kha kuruma; aniko u maha ti taku vathu vava ve lumba makuhu.

Jeremiya 28:15 Referans Kwoze

Jeremiya 27:15

Nguko kha na va ruma, kuwomba Mkoma, vo profeta makuhu ngu ditina dangu, ku va ani ni txi na mi hangalasa, mi txi lova, anu ni vo va va mi profetelako makuhu.

Jeremiya 23:21

Kha na va ruma vaprofetivo, aniko va ta so tutumela vapune; kha na womba-womba navo, aniko va to profeta vapune.

Ezekhiyele 22:28

Kambe vaprofeti va kona va ti maha dibumba da kwa mbi patelwa, va txi wona kwa mbi nyawula, va txi va gela makuhu va txi kha vona: Mkoma Txizimu a khene; na a sa womba txilo Mkoma.

Sidilo 2:14

Vaprofeti vako va ku wonete siwoniso sa manyala ni wuhundwa, kambe va tandekile kunuwela wubihi wako, kasi kuretha wukhumbi wako; aniko va woni tithundu ta walo, ni so dingana ku kutovelisa va txi kuxenga ngu tona.

Jeremiya 29:23

Nguko va mahile wuphuta muwa ka Israyeli, ngu kuotela ni vasikati va vaakelani vawe, ni kuwombawomba makuhu ngu ditina dangu, i ku ti ni nga mbi va laya. Ani na tiziva, ni fakazi ya tona eto, kuwomba Mkoma.

Ezekhiyele 13:22

Nguko mi pandisile mbilu ya wo lulama ngu wukanyisi wanu, na ani ni sa mpandisekisa, kambe mi tsanisile manza a wa kubiha, kasi ku asi humi ka nzila yakwe yo biha a txi hanyiswa,

1 Vafumeli 22:23

Kona kuwa koko, Mkoma a vekile moya wa makuhu, sisofuni ka votshe vaprofeti vako, kambe Mkoma a wombile ngu ku kuwukela.

Jeremiya 20:6

Na nawe Paxuri, ni votshe va zumbako nyumbani kwako mi na yiswa kuñolwani. Awe u na tsula Bhabhilona, eho u noya fela kona, ni kutshotshwa kona kumweko ni maxaka ako otshe, aawa u nga ma profetela makuhu.”

Zakariya 13:3

Se ku na maheka taku, ngako wokari a txi ngadi e profeta, tate wakwe ni mwamwakwe va nga m'veleka, va na kha vona: Khu na mbi hanya, nguko u wombawombile makuhu ngu ditina da Mkoma; se tate wakwe ni mwamwakwe, va nga m'veleka, va na thola efa, a txi ngadi e profeta.

Jeremiya 28:11

Se Hananiya a to womba masoni ka votshe vathu, a txi khene: Mkoma a khene: Ni na di funyisa tona eto, dikange da Nebhukodhonosori, mfumeli wa Bhabhilona, msana ka malembe mambidi o tala, tithamoni ka otshe matiko. Se mprofeti Jeremiya, a to ti tsimbilela nzilani kwakwe.

Jeremiya 7:8

Anu mi themba timhaka ta makuhu ti si mi vhuniko txilo.

Jeremiya 29:8

Nguko Mkoma wa Mabutho a Tiyimbi, Txizimu txa ka Israyeli, a khene: Mi nga lundumisweni ngu vaprofeti vanu, ava va ku hagari kwanu, ni vahuteteli vanu, mi nga dhuke mi txi engisa miloro yawe.

Ezekhiyele 13:6

Va wona kwa mbi nyawula ni kuhutetela ta makuhu, vale va ku kha vona: Mkoma a wombile; na kuve Mkoma kha va ruma; ve maha tile to ku na verelwe kumaheka ka tile ti nga wombwa.

Ezekhiyele 13:9

Se dianza dangu di na lwisa vaprofeti vale va wonako ta manyala ni kuhuta makuhu; kha va na mbi maneka ka msengeletano wa vathu vangu, kambe kha va na mbi bhalwa ka nyumba ya ka Israyeli, hambi kuwulela ditikomi ka Israyeli; se mi na tiziva taku ani ngani Mkoma Txizimu.

Dhewuteronome 13:6

Ngako mwananu, awu i ku mwanana wa mame wako, mwendo mwanana wako wa mfana, mwendo wa dihorana, mwendo msikati wa mbilu yako, mwendo mndoni wako wo randeka ngutu, a txi lava ku ku kujetela ngu malengo, a txi khene: “He tsimbile hi txi ya khozela simwani sizimu,” sizimu sile awe ni vatate vako mi nga mbi si ziva,

Dhewuteronome 18:20

Kambe mprofeti wule a no tsana e womba-womba ngu ditina dangu, mhaka yi ani ni nga mbi mleleta, mwendo a txi womba-womba ngu ditina da simwani sizimu, eyo mprofeti a na fa.”

Jeremiya 23:31

Na wukela vaprofeti, kuwomba Mkoma, ava va txhumayelako ngu tidimi tawe, na va txi kha vona: Mkoma a khene: