Jeremiya 28:1 - Bhiblia Yo Sawuleka

¹ Se ku to maheka ka dona dilembedo, kukhatani ka kufuma ka Zedhekiya, mfumeli wa ka Judha, ngu dilembe da wumune, ngu mtxima wa wutxhanu, Hananiya mwana Azuri, mprofeti wa m'ti wa Gibheyoni, a to ni gela masoni ka vaphaxeli ni ka vathu votshe, amu Nyumbani ka Mkoma a txi khene:

Jeremiya 28:1 Referans Kwoze

Jeremiya 27:1

Kukhata ka kufuma ka Jehoyakimu, mwana Josiya, mfumeli wa ka Judha, yi tile mhaka yiya ngu ka Mkoma, yi txi kha yona:

Joxuwa 9:3

Aniko vaaki va Gibheyoni, ngako va di pfite ti Joxuwa a nga maha kona Jeriko ni Ayi,

Jeremiya 37:13

Ku ti ngako a txi nge hoka txikenini ka Bhenjamini, mthangeli wa vawoneleli a ti ti kona kheyo, ditina dakwe i Irija, mwana Xelemiya, mwana Hananiya, awu a nga ñola mprofeti Jeremiya, a txi khene: Awe, u lava ku ti ningela ka Vakaldheya!

Jeremiya 36:12

a to kwitima eya nyumbani ka mfumeli, amu ka wukhalo wa m'bhali. Se wona taku votshe vathangeli va di khalahatshile kona hale: I ku Elixama m'bhali, ni Dhelaya, mwana Xemaya, ni Elinatani, mwana Akibhori, ni Gemariya, mwana Xafani, ni Zedhekiya, mwana Hananiya, ni votshe vamwani vathangeli.

Jeremiya 28:11

Se Hananiya a to womba masoni ka votshe vathu, a txi khene: Mkoma a khene: Ni na di funyisa tona eto, dikange da Nebhukodhonosori, mfumeli wa Bhabhilona, msana ka malembe mambidi o tala, tithamoni ka otshe matiko. Se mprofeti Jeremiya, a to ti tsimbilela nzilani kwakwe.

Jeremiya 27:12

Se tona timhaketo, ni ti wombile ka Zedhekiya, mfumeli wa ka Judha, ni txi khani: Wuletani tithamo tanu amu ka dikange da mfumeli wa Bhabhilona; mi na hanya ngako mi txi mthumela ni vathu vakwe.

Jeremiya 27:3

Msana keto, u na si rumela ka mfumeli wa Edhomi, ni ka mfumeli wa Mowabhi, ni ka mfumeli wa vanana va ka Amoni, ni ka mfumeli wa Tiro, ni ka mfumeli wa Sidhoni, ngu mitumi yi yi nga ta Jerusalema ka Zedhekiya, mfumeli wa ka Judha.

Jeremiya 23:28

Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

Joxuwa 10:12

Sekoko Joxuwa a wombile ka Mkoma, ka ditshiku dile Mkoma a nga ningela Vaamori manzani ka vanana va ka vanana va ka Israyeli, a txi khene: “Ditambo, ema txitimwi ka Gibheyoni, ni nawe mtxima, ema mkovani ka Ajaloni!”

1 Vafumeli 3:4

Se mfumeli a to tsula Gibheyoni kuya phaxela kona, ngu kona i nga ti ti wukhalo wo guleka ngutu, a to ya ningela digumi da mazana a miphaxo ka txiluvelo txile.

2 Vafumeli 24:18

Zedhekiya a ti ti ni tanga ya magumi mambidi a malembe ni dimwedo, mbimo yile a nga khata kufuma, se a to fumela Jerusalema digumi da malembe ni dimwedo; se ditina da mwamwakwe i ti ti Hamutali, mwana Jeremiya, wa ditikoni ka Libhina.

2 Makronika 36:11

Zedhekiya a to khata kufuma a di ni magumi mambidi ni mtxhanu wa malembe, e fuma digumi da malembe ni dimwedo kona Jerusalema.

Jeremiya 28:5

Sekoko mprofeti Jeremiya a to xamula ka mprofeti Hananiya masoni ka vaphaxeli ni masoni ka vathu votshe va nga ti emile mu Nyumbani ka Mkoma,

Jeremiya 28:17

Se mprofeti Hananiya, a to fa ka dona edo dilembe, ka mtxima wa wutxhanu ni yimbidi.

Jeremiya 37:19

Va hani koko vaprofeti vanu avale va nga txi profeta kwanu, va txi khene: Mfumeli wa Bhabhilona kha na mbi mi wukela hambi kuwukela ditiko diya kani?

Jeremiya 49:34

Dipswi da Mkoma di nga ta ka Jeremiya mprofeti, da kusola Elame, kukhatani ka kufuma ka Zedhekiya, mfumeli wa Judha, di txi kha dona:

Jeremiya 51:59

Dipswi di a nga rumela Jeremiya mprofeti, ka Serayasi, i nga ti ti mthangeli hahatshi ka mlayo wa Zedhekiya, mfumeli wa Judha, kona Bhabhilona, ka dilembe da wumune da kufuma kwakwe; kambe Serayasi i ti ti mthangeli wo thutha.

Hoseya 7:3

Va tsakisa mfumeli ngu wubihi wawe, ni ngu makuhu awe va tsakisa vathangeli.

Jeremiya 29:15

Nguko mi khanu: Mkoma a hi wusete vaprofeti kona Bhabhilona.

Ezekhiyele 13:6

Va wona kwa mbi nyawula ni kuhutetela ta makuhu, vale va ku kha vona: Mkoma a wombile; na kuve Mkoma kha va ruma; ve maha tile to ku na verelwe kumaheka ka tile ti nga wombwa.