Jeremiya 27:8 - Bhiblia Yo Sawuleka

⁸ Ni dihi ditiko mwendo mfumo wuwa wu no lamba kukhoza ka Nebhukodhonosori, mfumeli wa Bhabhilona, va no lamba ku namisa tithamo tawe hahatshi ka dikange da mfumeli wa Bhabhilona, ni na peka ditiko edo ngu ditxhari, ni nzala, ni mtungu, kuwomba Mkoma, kala ni txi di bhi, ngu diwoko dakwe.

Jeremiya 27:8 Referans Kwoze

Ezekhiyele 14:21

Nguko Mkoma Txizimu a khene: Ngutu-ngutu ni txi rumela valamuli vangu va mune va tshofu, ditxhari, nzala, sihari sa tshofu, ni mtungu, kona Jerusalema, kasi kuthavisa vathu ni sihari kani?

Jeremiya 24:10

Ni na va rumela ditxhari, ni nzala, ni mtungu, veza va txi bhi ka ditiko diya, ni nga va ninga vona ni vatate vawe.”

Jeremiya 40:9

Gedhaliya, mwana Ahikamu, wa Xafani, a to xambanya ka vona ni ka vathu vawe, a txi khene: “Mi nga thaveni kuthumela Vakaldheya! Zumbani mu ditikoni, mi thumela mfumeli wa Bhabhilona, mi na zumbiseka kha kwati.

Jeremiya 27:11

Aniko ditiko di di no tumela ku sanzekwa dikange da mfumeli wa Bhabhilona, di txi mthumela, ni na di leka wukhaloni ka dona, kuwomba Mkoma, va na dima ni ku ti akela kona emo.

Jeremiya 27:13

Awe ni vathu vako, mi fela txani ngu ditxhari ni nzala ni mtungu, nga ku Mkoma a nga womba ngu ditiko di di no lamba kukhoza ka mfumeli wa Bhabhilona kani?

Jeremiya 28:4

Kambe ni na wuyisa ka wuwa wukhalo Jokoniya, mwana Jehoyakimu, mfumeli wa ka Judha, ni totshe tikhumbi ta ka Judha, ti nga yiswa Bhabhilona, kuwomba Mkoma, nguko ni na funya dikange da mfumeli wa Bhabhilona.

Jeremiya 28:14

Nguko Mkoma wa Mabutho a Tiyimbi, Txizimu txa Israyeli, a khene: Ni sanzekile dikange da txikete txitimwi ka tithamo ta otshe matiko awa, ti taku me thumela Nebhukodhonosori, mfumeli wa Bhabhilona, va na mthumela. Ni mningile ni sihari sa txitinga.

Jeremiya 29:17

Mkoma wa Mabutho a Tiyimbi a khene: Ni na va rumela ditxhari, ni nzala, ni mtungu, ni na va maha va txi nga maxanvu o bava, ma si sikotiko kudyiwa ngu mhaka ya kubava ka ona.

Jeremiya 29:18

Ni na va tutumisa ngu ditxhari, ni nzala, ni mtungu; ni na va maha ve thisa hagari ka yotshe mifumo ya mafu, veva txiruko, ni txidiwukiso, ni txisekiso, ni txixowokiso ka otshe matiko ni no va hangalasa ka ona;

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.