Biblia Todo Logo
Bib sou entènèt

- Piblisite -




Jeremiya 27:6 - Bhiblia Yo Sawuleka

6 Sekoko ni ningete otshe matiko awa, manzani ka txithumi txangu Nebhukodhonosori, mfumeli wa Bhabhilona; na mninga ni sihari sa txitinga kuva si txi mthumela.

Gade chapit la Kopi




Jeremiya 27:6
19 Referans Kwoze  

Nguko Mkoma wa Mabutho a Tiyimbi, Txizimu txa Israyeli, a khene: Ni sanzekile dikange da txikete txitimwi ka tithamo ta otshe matiko awa, ti taku me thumela Nebhukodhonosori, mfumeli wa Bhabhilona, va na mthumela. Ni mningile ni sihari sa txitinga.


ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.


U txi khawe kwawe: Mkoma wa Mabutho a Tiyimbi, Txizimu txa Israyeli, a khene: Ni na rumela ka Nebhukodhonosori, mfumeli wa Bhabhilona, txithumi txangu, ni na veka mfumo wakwe txitmwi ka marigwi awa, ni nga ma khweketela, ene a na gwimba ditenda da mfumo wakwe txitimwi ka ona.


ni wombako ngu Siro, ni txi khani: M'dyisi wangu, a na maha totshe ti ti ni tsakisako; a txi khene kambe ka Jerusalema: U na aketwa; se ni ka dithepele a txi khene: Ti akete.


Msana ka kuva Nebhukodhonosori, mfumeli wa Bhabhilona, a di ñolisile Jokoniya, mwana Jehoyakimu, mfumeli wa ka Judha, ni vavati ni vapeki va nyundo, va kuta ngu Jerusalema, va txi yiswa Bhabhilona, Mkoma a to ni wonisa sirundu sa maxanvu na si di vekilwe ha txikeni ka Dithepele da Mkoma.


Se msana keto, kuwomba Mkoma, ni na ningela Zedhekiya, mfumeli wa ka Judha, ni maxonga akwe, kumweko ni vathuvo va no maneka va di hulukile mtungu, ka didhoropa diya, ni txi va ningela manzani ka Nebhukodhonosori, mfumeli wa Bhabhilona, ni manzani ka valala vawe, ni ka va va xotako wutomi wawe. Ene a na va dayisa ngu ditxhari, kha na mbi va nyenyeletela, hambi ku va pfela, hambi ni kuva ni wumbilu ka vona.


Ni na kuningela manzani ka va va xotako wutomi wako, ni manzani ka vale u dhudhumelako masoni kwawe, i ku ene Nebhukodhonosori, mfumeli wa Bhabhilona ni ka Vakaldheya.


Tutumani, pengani mi tsula kule ngutu, zumbani kusisalani, anu vaaki va Hazori, kuwomba Mkoma; nguko Nebhukodhonosori, mfumeli wa Bhabhilona, a mahile txikungo txa ku mi wukela, a wombile mapswi a ku mi lwisa.


Nguko ni na maha ditiko da Egipta di va dirumbi hagari ka mafu a marumbi; ni madhoropa a kona, hagari ka madhoropa a siwula, ma na maha siwula amu ka mune wa magumi a malembe; kambe ni na hangalasa Vaegipta hagari ka matiko, ni txi va theketa ha mafuni.


Mazokoro a kona ma ti ti tshurile, ni mihando ya wona i ti yayingi, wu ti ni sakudya sa kueneta votshe vathu; Sihari sa txitinga si ti ti zumba ka mtsudi wa wona, ni sinyana sa nzumani si ti ti aka sisaka ka madhavi ya wona, sivangwa sotshe si si hanyako si ti ti mana sakudya ka wona.


Ngawe, awe mfumeli, u nga kula, u txi tsana; wuhombe wako wu kute wuza wu hoka nzumani, ni mfumo wako wu hokile magwito ka mafu.


A to womba-womba ngu wunene ka Jowakimu, e m'veka ka txitulu txitimwi ka txitulu txa vafumeli vale a nga ti ti navo Bhabhilona.


Siro mfumeli wa Persiya a khene: Mkoma Txizimu txa nzumani, a ni ningile yotshe mifumo ya ha mafuni, e ni rweka mthumo wo mu akela nyumba kona Jerusalema, ditikoni da Judha. Ni wuhi a kuho hagari kwanu, ka votshe vathu vakwe, a na kwelele eya Jerusalema, se Mkoma, Txizimu txakwe txi na va ni nene.


Ni na ninga mtamo ka mfumeli wa Bhabhilona, se ni na veka ditxhari dangu manzani kwakwe; aniko ni na funya mawoko a Faro, se a na ketisa ku nga wule a dawako.


Swiv nou:

Piblisite


Piblisite