Jeremiya 27:5 - Bhiblia Yo Sawuleka

⁵ Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

Jeremiya 27:5 Referans Kwoze

Jeremiya 51:15

Ene a mahile ditiko ni mafu ngu mtamo wakwe, e folisela ditiko ngu wuzivi wakwe, se e nawuluta nzuma ngu mapimo akwe.

Jeremiya 32:17

O! Mkoma Txizimu! Ngawe u nga maha nzuma ni mafu ngu mtamo wako wa hombe ni diwoko dako di nga nawulutwa; kha ku na txilo txi tandako kwako:

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Isaya 45:12

Ani ni vangile mafu, kambe ni vangile m'thu ka ona; ani ni m'vangile, manza angu ma nawulutile tinzuma, se ni otshe mabutho a kona ni ma ningile mlayo wangu.

Vakolosa 1:16

ngu kwakwe si vangilwe sotshe simaha nzumani ni ha mafuni, simaha si si wonekako ni si si si wonekiko, hambi siluvelo mwendo wufumeli, hambi wukoma mwendo mitamo; sotshe simaha si vangilwe ngu ngene, kambe si vangetwe ene.

Isaya 42:5

A womba tiya Mkoma Txizimu, awu a nga vanga nzuma, e yi nawuluta, kambe a vangile mafu, ni sotshe si ma si humisako, a ningako kuhefemula ka vathu va va ku ka ona, ni moya, ka vale va tsimbilatsimbilako ka ona.

Mtuletelo 4:11

Ngawe u ku ni fanelo, Mkoma Txizimu txathu, Ya kuamukela kupfaliswa, wudhumo ni mtamo, Nguko ngawe u nga va nga sotshe simaha; Se ngu kuranda kwako, sona si tumbulukile, si mana kuhanya.

Vahebheru 1:2

Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.

Mithumo 17:24

Txizimu txi txi nga va nga mafu ni sotshe si si ku ka ona, i ku txona Mkoma wa nzuma ni mafu; kha txi zumbi mathepeleni ka kuakwa ngu manza a vathu;

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Isaya 51:13

Kambe wa divala Mkoma wu a nga kuvanga, awu a nga nawuluta nzuma ni kumaha makhato a mafu, u zumbela kuthava masiku otshe, ngu mhaka ya tshofu ya mxanisi, a txi ti longisela kuya haxula kani? Ku hani kuhenya ka wule a nga ti kuxanisa kani?

Isaya 48:13

Kambe dianza dangu di mahile mafu, ni dianza dangu da txinene di to pima nzuma; ni na si dhana si na woneka ngu mbimo yimweyo.

Isaya 44:24

Mkoma, Mtiruli wako, wule a nga ku wumba kukhukhela mndani, a khene: Ani ngani Mkoma, ni mahako sotshe, ni atetako tinzuma, ni kunawuluta mafu ani nipune;

Ezra 1:2

Mkoma, Txizimu txa nzuma, a ni ningile yotshe mifumo ya ha mafuni; se a ni rwekile ku mu akela nyumba kona Jerusalema, i ku kona Judha.

Dhewuteronome 2:7

Nguko Mkoma, Txizimu txako, a kukatekisile ka yotshe mithumo ya manza ako; kambe ene a ku pangalatile mu kutsimbilani kwako, ngu mu ka txiwula txa hombe. Mndani ka mune wa magumi a malembe, Mkoma, Txizimu txako, a ti ti ni nawe, ni txa tximwetxo tximaha kha txa pwateka kwako.

Masalmo 102:25

U mahile mafu kukhukhela makhatoni; ngawe upune u nga va nga tinzuma.

Dhewuteronome 32:8

Mbimo yi Nyatxitimwi a nga txi abanisela tithomba ka matiko, mbimo yi a nga hangalasela vanana va Adhamu, ene a vekile mihingano hagari ka vathu vakwe, madingano ni mtengo wa vanana va Txizimu.

Dhewuteronome 9:29

Aniko, vona mbathu vako ni thomba yako; awe ngawe u nga va humisa wukhumbini, ngu mtamo wako wa hombe, ni diwoko dako da wundena.

Dhewuteronome 5:16

Thava tate wako ni mame wako, nga ti Mkoma, Txizimu txako, a nga kuleleta, kasi masiku ako ma na anda ni nawe u na kateka, ka ditiko di Mkoma, Txizimu txako, a no kuninga.

Dhewuteronome 4:35

U ningilwe kuwona totsheto, kasi ku u txi tiziva ti to Mkoma ngene ekha i ku Txizimu; kha txi ngaho tximwani hahanze ka txona.

Dhewuteronome 4:32

Wotisisa ta masiku a kale, aale ma nga kuthangela, kukhukhela ka ditshiku dile Txizimu txi nga vanga m'thu ha mafuni, kukhukhela makhatoni ka nzuma kala magwito ka yona, ina ku ta nga humelela mhaka ya hombe yo fana ni yona yiya kani?

Dhewuteronome 4:25

Mbimo yile mi no maneka mi di velekile vanana ni vatukulu, ni kuva se mi di kumbile ha mafuni, mi ti bihisa ngu ku ti khandela sithombe sokari, mi txi maha ati i ku to biha masoni ka Mkoma, Txizimu txanu, miza mi txi mu henyisa,

Dhewuteronome 4:17

txifananiso txa txihari txokari txa ha mafuni, txifananiso txokari txa txinyana txi txi purumako,

Dhewuteronome 2:21

i ti ti vathu va hombe, kambe i ti ti votala, va di ni txiemo txo lapha nga va ka Anaki; kambe Mkoma a va lovisile masoni ka Vaamoni, vale va nga va xula ve va tekela ditiko, ni kuzumba makhaloni kwawe,

Dhewuteronome 2:19

se u na hoka ka vanana va ka Amoni; u nga va lwise, kambe u nga va vhuke, nguko ani kha ni na mbi kuninga tximaha ni txa tximwetxo txa ditiko da vanana va ka Amoni; nguko ani ni di ningete ka vanana va Loti, di txi maha thomba yawe.

Dhewuteronome 2:9

Sekoko Mkoma a ni gete a txi khene: “U nga m'vhuke Mowabhi, kambe u nga mlwise, nguko ani kha ni na mbi kuninga tximaha txa mu ditikoni kwawe. Nguko ni mningile ditiko da Are, di maha thomba ya vanana va Loti.”

Eksodha 20:11

Nguko ngu mtxhanu wa masiku ni dimwedo, Mkoma a vangile nzuma ni mafu, ni linene, ni sotshe asi si kuho, se a to humulela ngu ditshiku da wutxhanu ni mambidi; ngu mhaka yeto, Mkoma a katekisile ditshiku da Sabbata a txi di sawulekisa.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

Mithumo 17:26

Na txi txi khukhela ka m'thu mmweyo, txi vangile totshe tixaka ta vathu, kasiku ve eneta otshe mafu, txi va vekela tinyango ti ti nga sawulwa ngu txona ni mihingano ya muwa va fanelako kuzumba kona:

Genesisi 1:25

Se Txizimu txi to vanga sihari sa txitinga, ngu tixaka ta sona, ni sifuyo ngu tixaka ta sona, ni sotshe si si tsimbilako ngu dibindi ha mafuni, ngu tixaka ta sona. Se Txizimu txi to wona ti to ndinene.

Masalmo 96:5

Sotshe sizimu sa vamatiko kha si vhuni txilo; Mkoma ngene a nga va nga tinzuma.

Jeremiya 27:4

U na va ruma ka vafumeli vawe, u txi khawe: Mkoma wa Mabutho a Tiyimbi, Txizimu txa Israyeli, a khene: Gelani vafumeli vanu, mi txi khanu:

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

1 Vafumeli 8:42

(nguko va na pfa ngu ditina dako da hombe, ni dianza dako da mtamo, ni diwoko dako do nawuluka), se a txi ta khongela ka yiya nyumba.

Nehemiya 9:22

Kambe u va ningile mifumo ni matiko, u va ambanisela tithomba; se vona va to teka ditiko da Seyoni, i ku ditiko da mfumeli wa Hesibhoni, ni ditiko da Oge, mfumeli wa Bhasani.

Dhaniyeli 2:38

Se ni hani ha kuzumbako kona vanana va vathu, sihari sa txitinga ni sinyana sa nzuma, Txizimu txi si ningete manzani kwako, txi kumaha u fuma txitimwi ka sona sotshe; awe u msungo wa silivhela.

Dhaniyeli 4:14

yi txi kwangula ngutu yi txi kha yona: Gangani mndonga, mi tshatulela madhavi ya wona; zuzani mazokoro ya wona mi hangalasa ni mihando ya kona; Sihari si si zumbako hahatshi ka wona si na hangalake, ni sinyana si na hume madhavini ka wona.

Dhaniyeli 4:22

Ngawe, awe mfumeli, u nga kula, u txi tsana; wuhombe wako wu kute wuza wu hoka nzumani, ni mfumo wako wu hokile magwito ka mafu.