Jeremiya 27:22 - Bhiblia Yo Sawuleka

²² Si na yiswa Bhabhilona si txi ya zumba kona, kala ka ditshiku di ni no si lava ngu dona, kuwomba Mkoma, ni txi si wuyisa ka wuwa wukhalo.

Jeremiya 27:22 Referans Kwoze

Jeremiya 29:10

Nguko, Mkoma a khene: Aha ku no pinda mtxhanu wa magumi ni mambidi a malembe Bhabhilona, ni na mi alakanya, ni txi mi mahela ta tinene, ni txi mi wuyisa ka wuwa wukhalo.

Jeremiya 32:5

a na yisa Zedhekiya aniya Bhabhilona, a na ya zumba kona kala ni txi mu endela, kuwomba Mkoma. Ngako mi txilwa ni Vakaldheya ina kha mi na mbi humelela kani)?

Ezra 7:19

Se siya sile u nga ningwa ku si thumisa Nyumbani ka Txizimu, u na si tshumetela masoni ka Txizimu txa Jerusalema.

Ezra 1:11

Sotshe siya sa silivhela ni sa nzalama mtengo wa 5.400; sotshe siya a tekile Sesibhazari, mbimo yile va ka Israyeli va nga huma ngu wukhumbini Bhabhilona, ve tshumelela Jerusalema.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Dhaniyeli 9:2

Ka dilembe do khata da kufuma kwakwe, ani Dhaniyeli, ni to pfisisa ngu mu ka mabhuku, ti taku mtengo wa malembe ale Mkoma a nga khene ka mprofeti Jeremiya, Jerusalema ku na xaselwa mndani ka mtxhanu wa magumi ni mambidi a malembe.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Jeremiya 34:5

U na fa ngu kuthutha; u na tshotshiswa kuhiswa nga tile va nga mahiswa tona vatate vako, vafumeli va kaleko ava va nga ti masoni kwako; va na kudilela, va txi kha vona: Yowe! Mkoma! Nguko ngani ni wombako dipswi, kuwomba Mkoma.

Ezra 7:9

nguko ka ditshiku do khata da mtxima wo khata, ngu dona i ku makhato a kukhukha kwakwe Bhabhilona; se ka ditshiku do khata da mtxima wa wutxhanu va to hoka Jerusalema, dianza da dinene da Txizimu di ti txitimwi kwakwe.

2 Makronika 36:21

kasiku txi na tatiseka dipswi di Mkoma, a di womba ngu txisofu txa mprofeti Jeremiya, kala ku ditiko di txi titsakela ngu Masabbata a dona; di humula mbimo yotshe, kala mu ka mtxhanu wa magumi ni mambidi wa malembe.

2 Vafumeli 25:13

Vakaldheya va to fayetela nitona tiphande ta koporo ti nga txi maneka Nyumbani ka Mkoma, ni sitshuwa ni Linene la msuku, si nga txi maneka Nyumbani ka Mkoma; se va to teka msuku wakwe ve tsula nawo Bhabhilona.

Jeremiya 20:5

Txa wumbidi ni na ningela yotshe thomba ya didhoropa diya, ni mabhindu a kona otshe, ni sotshe siya sa lisima, ina, ni tithomba totshe ta vafumeli va ka Judha, ni na si ningela manzani ka valala vawe, ava va no si teka ngu ku si handa, va txi si yisa Bhabhilona.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

Jeremiya 27:21

Ngu toneto, koko, Mkoma wa Mabutho a Tiyimbi, Txizimu txa Israyeli, a khene xungetano ngu siya si si nga sala Nyumbani ka Mkoma, ni mu nyumbani ka mfumeli wa ka Judha, ni Jerusalema:

Jeremiya 34:2

A womba tiya Mkoma, Txizimu txa Israyeli: Tsula u ya gela Zedhekiya, mfumeli wa ka Judha, u txi khawe: Mkoma a khene: Ni na ningela diya didhoropa manzani ka mfumeli wa Bhabhilona, ene a na di hisa.

Jeremiya 34:3

Kambe awe khu na mba huluka manzani kwakwe, kambe u na ñolwa u txi ningelwa manzani kwakwe; u na wonana ni mfumeli wa Bhabhilona, ene a na womba-womba ni nawe khohe ni khohe, se u na tsula Bhabhilona.