Jeremiya 27:18 - Bhiblia Yo Sawuleka

¹⁸ Ngu konaho, ngako i di vaprofeti, ni kungako mhaka ya Mkoma yi di kumweko navo, khongelani konakuwa, ka Mkoma wa Mabutho a Tiyimbi, ti taku, siya si si nga sala Nyumbani ka Mkoma, ni nyumbani ka mfumeli wa ka Judha, ni Jerusalema, si nga tekwe si txi yiswa Bhabhilona.

Jeremiya 27:18 Referans Kwoze

1 Samuwele 7:8

Ngu kumaha keto, vanana va ka Israyeli va to kha vona ka Samuwele: U nga karale ku hi pekela huwa ka Mkoma Txizimu txathu, kasiku a txi hi hulukisa manzani ka Vafilista.

Jeremiya 18:20

Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

1 Vafumeli 18:24

Sekoko khongelani ka ditina da txizimu txanu, se ani ni na khongela ka ditina da Mkoma; se ku na maheka ti taku txizimu txi txi no xamula ngu mndilo, etxo txi nave txona Txizimu. Se votshe vathu va to xamula va txi kha vona: Ndinene dipswi diya.

1 Samuwele 12:23

Se ti nave kule ni nani kuonhela Mkoma, ngu kuleka ku mi kombelela; kambe ni na mi gondisa nzila ya yi nene ni yo lulama.

1 Samuwele 12:19

Se vathu votshe va to kha vona ka Samuwele: Kombelela sithumi sako ka Mkoma Txizimu txako, kasiku hi si fi; nguko ka sotshe sionho sathu hi engetete wubihi wuwa, wa ku ti kombelela mfumeli.

Malakiya 1:9

Konkuwa koko, kombelani ka Txizimu, se txona txi na hi pfela wusiwana; atiya ti tile ngu manzani kwanu, ene a na mi tumela kani? Kuwomba Mkoma wa Mabutho a Tiyimbi.

Ezekhiyele 22:30

Hagari kwawe ni lavile wamwamna wa kuva a nga tsivela diguma, na a ti ka ditshoko masoni kwangu, kasi ku ni si di khundumusi; aniko kha na mana ni wammweyo.

Ezekhiyele 14:14

hambi va ti ko vaho hagari ka ditiko vavamna vava vavararu i ku Nowa, Dhaniyele ni Jobe, vona ngu kululama kwawe, va ndi na hulukisa mihefemulo yawe dwe, kuwomba Mkoma Txizimu.

Jeremiya 42:2

va to ya ka mprofeti Jeremiya, va txi kha vona kwakwe: Ha kombela ti to u amukela txikombelo txathu, u txi hi kombelela ka Mkoma Txizimu txako, athu hotshe hi nga sala; hi vadotho hi nga sala ngako u ti wonako ngu maso ako:

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Jeremiya 7:16

Ngu konaho, u nga va kombelele vava vathu, u nga dhuke u guleta dipswi ngu vona ngu mikombelo, u nga ni kombele txilo, nguko na mba kuengisa.

2 Makronika 32:20

Se mfumeli Ezekhiya, ni mprofeti Isaya, mwana Amosi, va to peka huwa nzumani ve kombela ngu mhaka yiya.

1 Vafumeli 18:26

Se va to teka dirole dile va nga ningwa, ve di lulamisela; se va to khongela ditinani ka Bhahali, kukhukhela ni mixo kala ni hagari ka mitshikari, va txi kha vona: Awe Bhahali, hi xamule! Aniko kha ka pfala dipswi, hambi ni wo xamula; na va txi ndaka-ndaka txitimwi ka txiluvelo txile txi nga ti mahilwe.

Genesisi 20:17

Abrahamu a to kombelela Abhimeleki ka Txizimu, se Txizimu txi to holisa, ni msikati wakwe ni sithumi sakwe, kasi ve mana kuveleka vanana;