Jeremiya 27:12 - Bhiblia Yo Sawuleka

¹² Se tona timhaketo, ni ti wombile ka Zedhekiya, mfumeli wa ka Judha, ni txi khani: Wuletani tithamo tanu amu ka dikange da mfumeli wa Bhabhilona; mi na hanya ngako mi txi mthumela ni vathu vakwe.

Jeremiya 27:12 Referans Kwoze

Jeremiya 38:17

Sekoko, Jeremiya a to khene ka Zedhekiya: Mkoma, Txizimu txa Mabutho a Tiyimbi, Txizimu txa ka Israyeli, a khene: Ngako u txi huma u ya ti ningeka ka vanana va mfumeli wa Bhabhilona, se awe u na hanya, ni didhoropa diya kha di na mbi hiswa ngu mndilo; u na hanya awe ni nyumba yako.

Jeremiya 28:1

Se ku to maheka ka dona dilembedo, kukhatani ka kufuma ka Zedhekiya, mfumeli wa ka Judha, ngu dilembe da wumune, ngu mtxima wa wutxhanu, Hananiya mwana Azuri, mprofeti wa m'ti wa Gibheyoni, a to ni gela masoni ka vaphaxeli ni ka vathu votshe, amu Nyumbani ka Mkoma a txi khene:

Jeremiya 27:8

Ni dihi ditiko mwendo mfumo wuwa wu no lamba kukhoza ka Nebhukodhonosori, mfumeli wa Bhabhilona, va no lamba ku namisa tithamo tawe hahatshi ka dikange da mfumeli wa Bhabhilona, ni na peka ditiko edo ngu ditxhari, ni nzala, ni mtungu, kuwomba Mkoma, kala ni txi di bhi, ngu diwoko dakwe.

Mavingu 1:33

Aniko awule a no ni engisa a na hanya ngu kutsana, kambe a na humula mu ko thava kubiha.

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Jeremiya 28:2

Mkoma wa Mabutho a Tiyimbi, Txizimu txa ka Israyeli, a khene: Ni funyile dikange da mfumeli wa Bhabhilona.

Jeremiya 42:11

Mi nga thaveni mfumeli wa Bhabhilona, awu mi mthavako; mi nga mthaveni, kuwomba Mkoma, nguko ani ni na ni nanu, kasi ku mi hanyisa ni ku mi txhatxhisa manzani kwakwe.

Jeremiya 21:9

Awu a no sala ka didhoropa diya a na fa ngu ditxhari, ni nzala, ni mtungu; aniko awu a no huma hahanze, a txi ya ti ningela ka Makhaldheya, ava va nga mi randela, a na hanya; wutomi wakwe a na maha ngu kuhonyola nga o handa.