Jeremiya 27:11 - Bhiblia Yo Sawuleka

¹¹ Aniko ditiko di di no tumela ku sanzekwa dikange da mfumeli wa Bhabhilona, di txi mthumela, ni na di leka wukhaloni ka dona, kuwomba Mkoma, va na dima ni ku ti akela kona emo.

Jeremiya 27:11 Referans Kwoze

Jeremiya 27:8

Ni dihi ditiko mwendo mfumo wuwa wu no lamba kukhoza ka Nebhukodhonosori, mfumeli wa Bhabhilona, va no lamba ku namisa tithamo tawe hahatshi ka dikange da mfumeli wa Bhabhilona, ni na peka ditiko edo ngu ditxhari, ni nzala, ni mtungu, kuwomba Mkoma, kala ni txi di bhi, ngu diwoko dakwe.

Jeremiya 27:2

Mkoma a ti khene kwangu: Ti mahele majoke ni makange u txi si hayeka thamoni kwako.

Jeremiya 21:9

Awu a no sala ka didhoropa diya a na fa ngu ditxhari, ni nzala, ni mtungu; aniko awu a no huma hahanze, a txi ya ti ningela ka Makhaldheya, ava va nga mi randela, a na hanya; wutomi wakwe a na maha ngu kuhonyola nga o handa.

Jeremiya 38:2

Mkoma a khene: Awu a no sala ka diya didhoropa a na fa ngu ditxhari, ni nzala, ni malwati; aniko awule a no thavela ka Vakaldheya a na hanya, a na nga o honyola wutomi wakwe e hanya.

Jeremiya 27:12

Se tona timhaketo, ni ti wombile ka Zedhekiya, mfumeli wa ka Judha, ni txi khani: Wuletani tithamo tanu amu ka dikange da mfumeli wa Bhabhilona; mi na hanya ngako mi txi mthumela ni vathu vakwe.

Ezekhiyele 28:25

Ngu kumaha keto, Mkoma Txizimu a khene: Mbimo yile ni no sengeleta va nyumba ya ka Israyeli hagari ka matiko, ale va nga hangalaka ka ona, se ni txi ti sawulekisa hagari kwawe, masoni ka matiko, sekoko va na zumba ka ditiko dawe, dile ni nga ninga txithumi txangu Jakobe.