Se ku to maheka ka dona dilembedo, kukhatani ka kufuma ka Zedhekiya, mfumeli wa ka Judha, ngu dilembe da wumune, ngu mtxima wa wutxhanu, Hananiya mwana Azuri, mprofeti wa m'ti wa Gibheyoni, a to ni gela masoni ka vaphaxeli ni ka vathu votshe, amu Nyumbani ka Mkoma a txi khene:
Se tona timhaketo, ni ti wombile ka Zedhekiya, mfumeli wa ka Judha, ni txi khani: Wuletani tithamo tanu amu ka dikange da mfumeli wa Bhabhilona; mi na hanya ngako mi txi mthumela ni vathu vakwe.
Msana keto, u na si rumela ka mfumeli wa Edhomi, ni ka mfumeli wa Mowabhi, ni ka mfumeli wa vanana va ka Amoni, ni ka mfumeli wa Tiro, ni ka mfumeli wa Sidhoni, ngu mitumi yi yi nga ta Jerusalema ka Zedhekiya, mfumeli wa ka Judha.
Zedhekiya a ti ti ni tanga ya magumi mambidi a malembe ni dimwedo, mbimo yile a nga khata kufuma, se a to fumela Jerusalema digumi da malembe ni dimwedo; se ditina da mwamwakwe i ti ti Hamutali, mwana Jeremiya, wa ditikoni ka Libhina.
Ndiye mhaka yi nga ta ka Jeremiya ngu ka Mkoma, ngu dilembe da wugumi da Zedhekiya, mfumeli wa ka Judha, i ti dilembe da digumi ni mtxhanu ni mararu a Nebhukodhonosori.