Jeremiya 26:21 - Bhiblia Yo Sawuleka

²¹ Ene mfumeli Jehoyakimu, ni tindena takwe totshe, ni totshe tinduna, ngako va di pfite timhaka takwe, mfumeli a to xota ku m'daya. Aha a nga tipfa Uriya, a to thava, e pfodola eya Egipta.

Jeremiya 26:21 Referans Kwoze

Matewu 10:23

Ngako va txi mi xanisa ka didhoropa dokari, thavelani ka dimwanyane. Nguko kha ditshuri ni khani kwanu: Mi sinzi kuheta kutsimbilatsimbila ka otshe madhoropa a ka Israyeli, Mwanana wa M'thu a na va a di bwakile.”

Matewu 14:5

Se a ti lava nzila ya ku m'daya, aniko e thava vathu, nguko vona va ti ti kha vona i mprofeti.

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

2 Makronika 16:10

Se Asa a to kwatela m'huti e mu rinza ka txigodho. Ati ti henyile ngutu ngu mhaka eyo. A to xanisa vathu vamwani ka mbimo yoneyo.

Marku 6:19

Herodhiya a to wukela Johani, e lava ni ku m'daya, aniko asi sikoti.

Matewu 10:39

Awule a zamako kuxayisa wutomi wakwe a na luzekelwa ngu wona, ani wule a luzekelwako ngu wutomi wakwe ngu mhaka ya lirando ni nani, a na tshumela e wu mana.”

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Mavingu 29:25

Dijowa da m'thu di na riya milawu, kambe awule a thembako ka Mkoma, a na vekwa ka wukhalo wo guleka.

Masalmo 119:109

Wutomi wangu wu ha phangoni yotshe mbimo, aniko kha ni divali mlayo wako.

2 Makronika 24:21

Va to sunga txikungo txo m'daya, ve m'balisela ngu marigwi, ka mtendela wa Nyumba ya Mkoma, madingano ni kuruma ka mfumeli.

Jeremiya 26:10

Se tinduna ta ka Judha, ngako ti di pfite eto, ti to kwela ngu nyumbani ka mfumeli ti txi ya Nyumbani ka Mkoma ti txi ya khalahatsha ngu ha txikeni ka kuphya ka Mkoma.

Jeremiya 38:4

Sekoko vathangeli va to gela mfumeli va txi kha vona: Awuwa m'thu a na dawe, nguko wa rera mawoko a tindena ti ti nga sala ka diya didhoropa, ni mawoko a votshe vathu ngu ku va gela timhaka to nga tiya; m'thu wuwa kha xuveli wunene amu ka ditiko diya, aniko a di xuvela makhombo.

1 Vafumeli 18:10

Ni xambanya ngu Mkoma, Txizimu txako, a hanyako, kha ka nga vaho ditiko mwendo mfumo, emo nyamne wangu, a nga mba rumela vo tsimbila ve kulava; se vona va txi kha vona: A walo hawa, sekoko a txi xambanyisa mifumo ni matiko ku mwendo kha va kumana.