Jeremiya 26:20 - Bhiblia Yo Sawuleka

²⁰ A ti ti ho mmwani m'thu wu a nga profeta ngu ditina da Mkoma, i Uriya, mwana Xemaya, wa Kiriyate-Jeyarimi, awu a nga profeta e wukela didhoropa diya ni ditiko diya, ku nga otshe mapswi a Jeremiya.

Jeremiya 26:20 Referans Kwoze

1 Samuwele 7:2

Se ku to maheka tito, kukhukhela ka ditshiku dile, dibhokiso di to zumba Kiriyate-Jeyarimi, kupinda masiku o tala, kala kuhoka magumi mambidi a malembe; se yotshe nyumba ya ka Israyeli yi to dila ka Mkoma.

Joxuwa 9:17

Nguko mbimo yi va nga khukha vanana va ka Israyeli, va to hoka madhoropani kwawe ngu ditshiku da wuraru; se madhoropa a kona ngu awa: Gibheyoni, Kefira ni Bheherote, ni Kiriyate-Jeyarimi.

1 Samuwele 6:21

Va to rumela mitumi koko, ka vaaki va Kiriyate-Jeyarimi, va txi kha vona: Vafilista va wuyisile dibhokiso da Mkoma; relelani koko, mi ya di teka mi tsula nado.

Joxuwa 18:14

Muhingano wu txi jika wu txi ya mswa-ditambo, ngu didhawa da wulambwe ka mmango wu wu ku ngu masoni ka Bheti-Horoni ka wulambwe, wu txi gwitela masoni ka Kiriyati-Bhahali, nyamsi i ku Kiriyati-Yarime, didhoropa da vanana va ka Judha, ngu didhawa da mswa-ditambo.

Joxuwa 15:60

Kariyati-Bhahali i ku Kariyati-Jarimu ni Rabha: Mambidi madhoropa ni sidhoropana sa kona.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Jeremiya 36:19

Sekoko vathangeli va ti kha vona ka Bharuke: Tsula u txi ya sisala, awe ni Jeremiya; mi nga geleni hambi m'thu aho mi nova kona.

1 Vafumeli 18:10

Ni xambanya ngu Mkoma, Txizimu txako, a hanyako, kha ka nga vaho ditiko mwendo mfumo, emo nyamne wangu, a nga mba rumela vo tsimbila ve kulava; se vona va txi kha vona: A walo hawa, sekoko a txi xambanyisa mifumo ni matiko ku mwendo kha va kumana.

2 Vafumeli 23:37

Se a to maha wubihi masoni ka Mkoma, ku nga totshe tile va nga mahisa tona vatate vakwe.