Jeremiya 26:2 - Bhiblia Yo Sawuleka

² Ema ngu mthandani ka Nyumba ya Mkoma, u txi womba-womba ka vathu va miti ya ka Judha, ava va tako kuta khozela Nyumbani ka Mkoma, ka totshe timhaka ti ni nga kuruma kutxhumayela kwawe, u nga siye ni ya yimweyo.

Jeremiya 26:2 Referans Kwoze

Dhewuteronome 4:2

Mi nga engeteleni txilo ka ti ani ni mi leletako tona, kambe mi nga hunguleni txilo ka tona. Vekisani sirumo sa Mkoma, Txizimu txanu, ku nga tonti ani ni mi leletisako tona.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Jeremiya 19:14

Sekoko Jeremiya a to wuya ngu Tofeti, eyo Mkoma a nga ti mrumile kuya profeta kona, a to ta ema masoni ka Nyumba ya Mkoma, e gela vathu votshe, a txi khene:

Jeremiya 1:17

Awe koko, tisunge txiwunu txako, u ema, u va gela totshe ti ni no kuruma tona. Masoni kwawe u nga dhuke u thava, nguko ni nga kumaha u dhudhumela masoni kwawe.

Mithumo 20:20

Txi walo ni txa tximwetxo ni nga mi sisela ka sile ni nga tiziva ti to sa mi vhuna; aniko ni txhumayete, ni mi gondisile masoni ka vathu ni tinyumbani kwanu;

Mithumo 5:42

Kambe ditshiku ni ditshiku va ti si humuli kugondisa Dithepeleni ni mu mitini, ve nuwela mahungu a maphya a Jesu Kristu.

Johani 18:20

Jesu a to mu xamula a txi khene: “Mahungu angu ni ma wombete ha kubasani, ditikoni muwa. Ni khala ni txi gondisa yotshe mbimo masinagogani ni Dithepeleni, ahawa va tshanganelako kona votshe Vajudha, txi walo ni txa tximwetxo ni nga womba ngu malengo.

Ezekhiyele 3:10

A ni gete kambe ku khene: Awe mwanana wa m'thu, veka mbiluni totshe timhaka tangu, ati ni no kugela, kambe u txi ti pfisisa ngu tinzeve tako.

Jeremiya 36:10

Bharuke koko a to gonda amu ka dibhuku timhaka ta Jeremiya Nyumbani ka Mkoma, amu wukhaloni ka Gemariya, mwana Xafani, m'bhali, habanza ka txitimwi ka txike txa txiphya txa Nyumba ya Mkoma, a txi di gonda tinzeveni ka vathu votshe.

Jeremiya 23:28

Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!

Jeremiya 7:2

Ema ha txikeni ka Nyumba ya Mkoma, na u txi peka nyiwo eho ngu mhaka yiya, u txi khawe: Engisani mhaka ya Mkoma, anu motshenu va ka Judha, mi wulelako ngu sike siya ku ta khozela Mkoma.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Mtuletelo 22:19

Se ngako m'thu a txi hungula mapswi a dibhuku diya da kuprofeta, Txizimu txi na mu tekela nene txyavelo txakwe ka mndonga wa wutomi ni ka Didhoropa do sawuleka, si nga bhalwa dibhukuni muwa.

Mithumo 5:25

Se ku to bwaka mmwani e va gela ku khene: “Vathu va mi nga ti va khotete ndivaleya va emile Dithepeleni, va gondisa vathu.”

Johani 8:2

Ngu mbimo ya mixo, a to tshumela eya woneka Dithepeleni, se votshe vathu va to ya tshangana hafuhi kwakwe. Ene a to khalahatsha a txi va gondisa.

Luka 19:47

Kambe vaphaxeli va hombe ni vabhali ni madhota a ditiko, va ti lava ku m'daya.

Jeremiya 42:4

Se mprofeti Jeremiya a to khene kwakwe: Ni mi engisile; ni na mi kombelela ka Mkoma, Txizimu txanu, ngako mi ti lavisako toneto. Ni tihi ti Mkoma a no mi xamula ni na mi gela; na mbi mi sisela txilo.

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Jeremiya 7:27

Ngu konaho u na va gela totshe timhaka tiya, kambe kha va na mbi engisa; u na va dhana, va si ku xamuli.

Ezekhiyele 33:7

Awe koko mwanana wa m'thu, ni kumahile muwoneleli wa nyumba ya ka Israyeli; awe koko u na engisa dipswi da txisofuni kwangu, u na zivisa kwakwe wukhaloni kwangu.

Ezekhiyele 40:4

Se wamwamna wule a to khene kwangu: Awe mwanana wa m'thu, wona ngu maso ako, u engisa ngu tinzeve tako, kambe veka mbiluni kwako totshe ti ni no ku wonisa; nguko kasi ku ta kukomba tona, awe u to tiswa hawa; zivisa koko ka nyumba ya ka Israyeli, totshe ti u no ti wona.

Joxuwa 8:35

Kha ka maneka ni dipswi ni da dimwedo, ka totshe tile Mosi a nga ti leletile, di nga mbi gondwa ngu Joxuwa masoni ka wotshe msengeletano wa ka Israyeli, ni ka vavasikati, ni ka vafana, ni ka valuveli vale va nga ti ti hagari kwawe.

Jeremiya 1:7

Aniko Mkoma a to khene kwangu: “U nga wombe ku khawe: Ni ngadi mwanana; nguko ni hayi ni no kuruma, u na tsula; se ni totshe ti ni no kugela u na ya womba.

Jeremiya 25:2

Dipswi diya mprofeti Jeremiya a nga gela ditiko dotshe da ka Judha ni ka votshe va zumbako Jerusalema, a txi khene:

Jeremiya 28:5

Sekoko mprofeti Jeremiya a to xamula ka mprofeti Hananiya masoni ka vaphaxeli ni masoni ka vathu votshe va nga ti emile mu Nyumbani ka Mkoma,