Jeremiya 26:19 - Bhiblia Yo Sawuleka

¹⁹ Ina Ezekhiya, mfumeli wa ka Judha, ni dotshe ditiko da ka Judha, va mu date kani? Ina kha thava Mkoma, a txi kombela dikato, kuva Mkoma a txi hunduluka ka dikhombo di a nga womba ngu dona kwawe kani? Se athu, kha hi njo mahela wubihi mihefemulo yathu kani?

Jeremiya 26:19 Referans Kwoze

2 Samuwele 24:16

Mbimo yile Ngelozi koko yi nga guleta dianza da yona txitimwi ka Jerusalema, kasiku khundumusa, Mkoma a to tilaya ngu wubihi wule; a nje khene ka Ngelozi yile yi nga ti ti xasela hagari ka vathu: Tidingani, konkuwa thavisa dianza dako. Se Ngelozi ya Mkoma yi ti ti emile hafuhi ni txizenda txa Arawuna, Mujebhusi.

Eksodha 32:14

Sekoko Mkoma a to thindeka ka txikhawuliso txi a nga ti pimisile ku txi maha ka vathu vakwe.

Mithumo 5:39

aniko, ngako si txi ta ngu ka Txizimu, kha mi na kusikota ku si fuvisa. Ti woneleni mi si thuki mi manwa mi txi lwa ni Txizimu.” Se vona va to mu engisa.

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Isaya 37:1

Se ku to maheka taku, a di pfite tiya mfumeli Ezekhiya, e vharulela syambalo sakwe, e ti fenengeta ngu disaka da koni, e wulela Nyumbani ka Mkoma.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Matewu 23:35

Kasiku wu txi thekelela txitimwi kwanu wotshe mnoha wo lulama wu nga theketwa ha mafuni, kukhukhela ka mnoha wa m'lulami Abhele kala kuhoka ka mnoha wa Zakariya, mwanana wa Bharakiya, awu mi nga m'daya hagari ka wukhalo wo sawuleka ni txiluvelo.

Habhakuki 2:10

U thete tingana mwaya wako, ngu kuheta vathu vavangi, u onhete moya wako.

Jeremiya 44:7

Kona kuwa koko, Mkoma, Txizimu txa Mabutho a Tiyimbi, Txizimu txa ka Israyeli, a womba tiya: Ngu kota ya ku anu mi mahako kubiha ka hombe ku lwako ni mimoya yanu, kasi kulovisa vavamna ni vavasikati, ka vanana ni ka vale va mamako, hagari ka va ka Judha, mi txi mahela ti to ku si sali ni wammweyo.

Jeremiya 26:15

Zivani dwe ti taku, mi txi ni daya, mi neha mnoha wo mbi na mnandu txitimwi ka wutumbu wanu, ni txitimwi ka didhoropa diya, ni txitimwi ka votshe va zumbako ka dona; nguko Mkoma ngene a nga ni ruma ku ta txhumayela kwanu totshe tiya timhaka.

Jeremiya 26:3

Mwendo va na engisa, mmweyo ni mmweyo a txi hunduluka ka nzila yakwe yo biha, kasi ni si va neheli dikhombo di ni nga xuva ku va mahela, ngu mhaka ya simaho sawe so biha.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

2 Makronika 34:21

Tsulani mi ya wotisa ngu ditina dangu, ni da vathu vangu, ni dotshe ditiko da Israyeli ni da Judha, madingano ni mapswi a dibhuku diya di nga manwa, nguko kuhenya ka Mkoma nga hombe txitimwi kwathu; nguko vatate vathu kha va pfisisa mapswi a Mkoma, hambi ku londeta ni ta timweto ti ti nga bhalwa, amu ka dibhuku diya.

2 Makronika 32:20

Se mfumeli Ezekhiya, ni mprofeti Isaya, mwana Amosi, va to peka huwa nzumani ve kombela ngu mhaka yiya.

Mitengo 16:38

Aniko siya so hisa ka sona dibaselo sa vale va nga onhela mihefemulo yawe. Si na simelwa aha ka timbanya si maha siphambati, so lema ngu sona ha magandeloni, kasi si txi ningelwa masoni ka Mkoma; nguko sona si sawulekile; si na maha txialakanyiso ka vanana va ka Israyeli.

Amosi 7:3

Sekoko Mkoma a to tilaya ka tona. Ti na mbi maheka, kuwomba Mkoma.

Zakariya 7:2

Mbimo yile ku ngu Bheteli ku nga rumelwa Saresari, ni Rejemi-Meleki, ni vamwani vavamna, kasi kuya kombela kuvhunwa ngu Mkoma,