Jeremiya 26:18 - Bhiblia Yo Sawuleka

¹⁸ Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Jeremiya 26:18 Referans Kwoze

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Mika 1:1

Dipswi da Mkoma di tile ka Mika, wa Morasiti, ka masiku a Jothamu, Akazi, ni Ezekhiya, vafumeli va Judha, a di ene a ngadi wona, ngu Samariya ni Jerusalema.

Nehemiya 4:2

Se a to womba masoni ka vanawe, ni ka dibutho da yimbi da Samariya, a txi khene: Va maha txani Vajudha va vo pwata mtamo kani? Va nga tumelelwa tona eto kani? Va na maha mhamba kani? Ina va heta kuaka ngu ditshiku dimwedo kani? Ina va na wusa amu ka simbwindinga sa lithulu, marigwi ale ma nga hiswa kani?

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Jeremiya 17:3

O mmango wangu amuwa thembweni. Ni na ningela thundu yako ni tithomba tako kuva ti txi handwa, kumweko ni makhalo ako o guleka, ngu mhaka ya sionho si u nga si maha mu ka ditiko dako dotshe.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Masalmo 79:1

Txizimu, vamatiko va wulete ditikoni kwako, va nyenyezisile dithepele dako do sawuleka, didhoropa da Jerusalema va di mahile marumbi.

Jeremiya 51:37

Se Bhabhilona a na maha mmumbu, m'ti wa vamwamilambo, txixamaliso txo vetisa miloti, ku si nga ni muaki ni wammweyo.

2 Vafumeli 19:25

Ina u nga va u sa tipfa taku ngu kale ni ti mahile toneto, niku kukhukhela masiku a kale ni si vangile kani? Sekoko konkuwa ni ku tisile, kuva u ta khozisa madhoropa a mtamo me maha situletule sa siwula.

2 Makronika 32:26

Se Ezekhiya a to ti sola e ti veka hahatshi ngu mhaka ya kanu ya kutikulisa ka mbilu yakwe kumweko ni vathu va Jerusalema; se kuhenya ka hombe ka Mkoma ku yata txitimwi kwawe, ka masiku a Ezekhiya.

Mika 4:1

Se ka masiku o gwitisa, ku na maheka to mmango wa Nyumba ya Mkoma, wu na vekwa txitimwi ka mmango, se wu na guleka txitimwi ka simangwana, kambe vathu va na tutumela ka wona.