Jeremiya 26:11 - Bhiblia Yo Sawuleka

¹¹ Vaphaxeli ni vaprofeti va to gela tinduna ni vathu votshe, va txi kha vona: Awuwa m'thu a fanetwe ngu kufa, nguko a profetile e wukela didhoropa diya, nga ha mi nga tipfa ngu tinzeve tanu.

Jeremiya 26:11 Referans Kwoze

Jeremiya 38:4

Sekoko vathangeli va to gela mfumeli va txi kha vona: Awuwa m'thu a na dawe, nguko wa rera mawoko a tindena ti ti nga sala ka diya didhoropa, ni mawoko a votshe vathu ngu ku va gela timhaka to nga tiya; m'thu wuwa kha xuveli wunene amu ka ditiko diya, aniko a di xuvela makhombo.

Matewu 26:66

Mi wona to txani kani? Vona va to xamula va txi kha vona: “A fenetwe ngu kufa!”

Dhewuteronome 18:20

Kambe mprofeti wule a no tsana e womba-womba ngu ditina dangu, mhaka yi ani ni nga mbi mleleta, mwendo a txi womba-womba ngu ditina da simwani sizimu, eyo mprofeti a na fa.”

Mithumo 22:22

Vona va to ya masoni ngu ku mu engisa kala ka mapswi awa, aniko ngu msana va to gula dipswi, va txi kha vona: “A na fuviswe ha mafuni mamoyo! Kha nga ni fanelo ya kuhanya!”

Johani 19:7

Vajudha va to xamula va txi kha vona: “Athu hi na ni mthetho, se ka wona mthetho wuwa, ene a fanela kufa, nguko a ti mahile Mwanana wa Txizimu.”

Johani 18:30

Vona va to mu xamula, va txi kha vona: “Idiku ova asi nga ni mnandu, nga hi sa mtisa hawa kwako.”

Jeremiya 18:23

Aniko, awe Mkoma, wa txi ziva txikungo txawe, txo xota ku ni daya. U nga divalele wubihi wawe, hambi kupfhita txionho txawe masoni kwako. Va na humbwe va txi wa masoni kwako, va mahele eto ngu mbimo ya kuhenya kwako.

Jeremiya 26:16

Sekoko tinduna ni vathu votshe va to kha vona ka vaphaxeli ni ka vaprofeti: Awuwa m'thu kha faneli kufa, nguko a txhumayela kwathu ngu ditina da Mkoma, Txizimu txathu.

Valamuli 6:30

Vaaki va didhoropa va to womba ka Jowasi va txi kha vona: Hi tisele mwanako hahanze, kasiku a txi ta dawa, nguko a khundumusile txiluvelo txa Bhahali, ni kugangela txithombe txa Aseri, txi nga ti ti ngu hafuhi ka kona.